Gold Price Today | రూ.1.25లక్షల దిశగా బంగారం ధరల పరుగులు!

బంగారం ధర రూ.1.23 లక్షలు దాటింది. దీపావళి నాటికి 10 గ్రాముల పసిడి ధర రూ.1.25 లక్షలకు చేరుకోవచ్చని నిపుణుల అంచనా.

న్యూఢిల్లీ : బంగారం ధర రోజురోజుకు పెరుగుతూ సరికొత్త రికార్డులు సృష్టిస్తోంది. బుధవారం 24 క్యారెట్ల 10 గ్రాముల బంగారం ధర రూ.1.23, 320 లక్షలు దాటింది. మరోవైపు అంతర్జాతీయ విపణిలో ఔన్సు పసిడి ధర 4వేల డాలర్లు దాటింది. . దీపావళి నాటికి 24 క్యారెట్ల బంగారం ధర 10 గ్రాములకు రూ.1.25 లక్షలు దాటవచ్చని అంచనా వేస్తున్నారు నిపుణులు. దీపావళి, పెళ్లిళ్ల సీజన్ అంటే బంగారానికి భారీ డిమాండ్ ఉంటున్న నేపథ్యంలో ఈ ఏడాదిలో రూ.1.50లక్షలకు బంగారం ధర పెరిగినే అశ్చర్యం లేదంటున్నారు.

అంతర్జాతీయంగా పరిణామాలు ఇలాగే ఉంటే.. ఈ ఏడాది బంగారం ధర భారీగా పెరిగేందుకు కారణమవుతుందని నిపుణులు చెబుతున్నారు. అమెరికా ఫెడరల్ రిజర్వ్ వడ్డీ రేట్ల హెచ్చు తగ్గులు, డాలర్ తో పాటు రూపాయి విలువ హెచ్చు తగ్గులు, ప్రపంచ వ్యాప్తంగా ఉద్రిక్తతలు.. ట్రంప్ టారిఫ్​లు, కేంద్రీయ బ్యాంకుల బంగారం కొనుగోళ్లు వంటి పరిణామాలతో బంగారం రేట్లు మరింత పెరుగవచ్చంటున్నారు.