పది రూపాయల నాణేన్ని తీసుకోకపోవడం నేరం : ఎస్​బిఐ

పది రూపాయల నాణెం వాడకాన్ని విస్తృతం చేసేందుకు ఆర్​బిఐతో కలిసి ఎస్​బిఐ ఓ కార్యాచరణ ప్రణాళిక రూపొందించింది.

పది రూపాయల నాణే(Rs.10 Coin)న్ని నిరాకరించడం చట్టరీత్యా నేరమ(Offense)ని స్టేట్​ బ్యాంక్​ ఆఫ్​ ఇండియా(SBI) తెలిపింది. రిజర్వ్​ బ్యాంకు(RBI)తో కలిసి ఎస్​బిఐ, పది రూపాయల నాణెం వాడకంపై ఉన్న అపోహలను తొలగించడానికి నడుం బిగించింది. ఈ మేరకు వరంగల్(Warangal)​లో ఓ అవగాహనాకార్యక్రమం నిర్వహించింది. ఈ మేరకు వ్యాపారస్థులు, ప్రజలకు పది రూపాయల నాణేలను పంచింది.

వరంగల్​ ఎస్​బిఐ జోనల్​ కార్యాలయంలో హైదరాబాద్​ సర్కిల్​ జనరల్ మేనేజర్​ ప్రకాశ్​చంద్ర బరార్(Prakash Chandra Baror)​ ఈ కార్యక్రమాన్ని ప్రారంభిస్తూ, వ్యాపారస్థులు, చిన్న అమ్మకందార్లు, ప్రజల్లో పది రూపాయల నాణెం పట్ల నిరాసక్తత ఏర్పడిందని, ఇది విచ్ఛిన్నకరశక్తులు దేశంలో వ్యాపింపజేస్తున్న పుకార్లు(Fake News) మాత్రమేనని స్పష్టం చేసారు.

రిజర్వ్​ బ్యాంక్​ ఆఫ్​ ఇండియా ఈ విషయమై ఎన్నోసార్లు స్పష్టతనిచ్చినప్పటికీ నాణెం అసలైంది కాదేమోననే సందేహం ఇంకా ప్రజల్లో ఉందని ఆయన అన్నారు. ఈ ప్రచారంలో భాగంగా అన్ని కిరాణాషాపులు, దుకాణాలు, చిన్న వ్యాపార సంస్థల్లో కరపత్రాలు పంపిణీ చేస్తామని, అక్కడ చిన్న చిన్న పోస్టర్లు కూడా అంటిస్తామని ప్రకాశ్​చంద్ర తెలిపారు. అంతే కాకుండా, అన్ని స్టేట్​ బ్యాంక్​(State Bank) బ్రాంచీల్లో నగదు ఉపసంహరణ సందర్భంగా పది రూపాయల నాణేలు కూడా ఇస్తామని, అలాగే వినియోగదారుల నుండి తీసుకుంటామని ఆయన పునరుద్ఘాటించారు.

రిజర్వ్​ బ్యాంక్​ ఆఫ్​ ఇండియా వివిధ రూపాల్లో విడుదల చేసే అన్ని పది రూపాయల నాణేలు చట్టబద్ధమైనవే()Legal Tender)నని, జాతీయ కరెన్సీ స్థాయి వాటికి ఇవ్వబడిందని, కేంద్ర ప్రభుత్వ గ్యారెంటీతో ఉంటాయి కాబట్టి వాటిని ఎవరూ నిరాకరించకూడదని కూడా ప్రకాశ్​చంద్ర అన్నారు. వాటిని అన్ని రకాల లావాదేవీలకు ఉపయోగించవచ్చని ఆయన తెలిపారు.

ఎవరైనా పది రూపాయల నాణెం తీసుకోవడానికి నిరాకరిస్తే(Denies Acceptance) భారతీయ న్యాయ సంహిత(BNS) సెక్షన్​ 489ఏ, 489ఈ ప్రకారం నేరంగా పరిగణించి, చట్ట ప్రకారం శిక్షించవచ్చని ప్రకాశ్​చంద్ర బరార్​ హెచ్చరించారు.