Horoscope | ఆదివారం రాశిఫ‌లాలు.. ఈ రాశివారు జీవిత భాగస్వామితో మధుర క్షణాలు గ‌డుపుతారు..!

Horoscope | చాలా మంది జ్యోతిష్యాన్ని అనుస‌రిస్తుంటారు. రోజు వారి రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి నేటి రాశిఫ‌లాలు ఎలా ఉన్నాయో తెలుసుకుందాం..

మేషం

మేషరాశి వారికి ఈ రోజు మంచి ఫలవంతమైన రోజు. వృత్తి వ్యాపారాలలో అభివృద్ధికి సంబంధించి శుభవార్త వింటారు. శుభకార్యాలలో బంధుమిత్రులతో సరదాగా గడుపుతారు. చేపట్టిన పనులు సునాయాసంగా పూర్తి చేస్తారు. అవసరానికి సరిపడా డబ్బు అందుతుంది. ఆరోగ్యం బాగుంటుంది.

వృషభం

వృషభరాశి వారికి ఈ రోజు శుభప్రదంగా ఉంటుంది. ఆత్మ విశ్వాసం, దృఢ సంకల్పం, సాహసంతో పనిచేసి వృత్తి వ్యాపారాల్లో నూతన శిఖరాలు అధిరోహిస్తారు. అన్ని రంగాల వారికి సర్వత్రా విజయమే! పితృ సంబంధమైన ఆస్తి వ్యవహారాలు కలిసి వస్తాయి. పిల్లల భవిష్యత్తు కోసం పొదుపు చేస్తారు. ఆర్థిక లాభాలు పుష్కలంగా ఉంటాయి. పరీక్షలకు తయారవుతున్న విద్యార్థులకు ఇది చాలా మంచి సమయం.

మిథునం

మిథునరాశి వారికి ఈ రోజు మిశ్రమ ఫలితాలు ఉంటాయి. చేపట్టిన పనుల్లో ఆటంకాలను సమర్థతతో అధిగమిస్తారు. భావోద్వేగాలను అదుపు చేసుకోవడం సంకటంగా మారుతుంది. ఎవరినీ గుడ్డిగా నమ్మవద్దు. కీలక విషయాల్లో కుటుంబ సభ్యుల సలహాలు మేలు చేస్తాయి. ఆరోగ్యం పట్ల శ్రద్ధ అవసరం.

కర్కాటకం

కర్కాటకరాశి వారికి ఈ రోజు సామాన్యంగా ఉంటుంది. వృత్తి వ్యాపారాలలో శ్రమ పెరుగుతుంది. సమాచార లోపంతో బంధువుల మధ్య కలహాలు ఏర్పడతాయి. ఆర్థిక పరిస్థితి అంతంత మాత్రంగానే ఉంటుంది. వ్యాపారంలో భాగస్వాముల అభిప్రాయాలకు విలువ ఇవ్వడం మంచిది. అనారోగ్య సమస్యలు ఇబ్బంది పెడతాయి.

సింహం

సింహరాశి వారికి ఈ రోజు అనుకూలంగా ఉంటుంది. అన్ని రంగాల వారికి తమ తమ రంగాలలో ప్రోత్సహకారమైన వాతావరణం ఉంటుంది. కీలకమైన అంశాలలో మీరు తీసుకునే నిర్ణయాలు ప్రయోజనకరంగా ఉంటాయి. ఈ రోజంతా ఆరోగ్యకరంగా, శక్తిమంతంగా, ఉత్సాహంగా ఉంటారు. ఉద్యోగులు పెండింగ్ పనులు పూర్తి చేయడం పట్ల దృష్టి సారిస్తే మంచిది.

కన్య

కన్యారాశి వారికి ఈ రోజు శుభప్రదంగా ఉంటుంది. జీవిత భాగస్వామితో మధుర క్షణాలు గడుపుతారు. సమాజంలో పేరుప్రతిష్టలు సంపాదిస్తారు. కుటుంబ విలువేంటో గ్రహిస్తారు. చాకచక్యంతో అపరిష్కృతంగా ఉన్న వివాదాలకు ముగింపు పలుకుతారు. ధనలాభాలు మెండుగా ఉంటాయి. ఆరోగ్యం సహకరిస్తుంది.

తుల

తులారాశి వారికి ఈ రోజు మిశ్రమ ఫలితాలు ఉంటాయి. చేపట్టిన పనులు ఉత్సాహంగా పూర్తి చేస్తారు. ముఖ్యమైన విషయాలలో కుటుంబ సభ్యుల సలహాలు తప్పనిసరి. వృత్తి పరంగా కొత్త అవకాశాలు అందుకుంటారు. ఓ సంఘటన మీ ఆత్మవిశ్వాసాన్ని పెంచుతుంది. అనారోగ్య సమస్యలు ఇబ్బంది పెడతాయి. ఖర్చులు బాగా పెరుగుతాయి.

వృశ్చికం

వృశ్చికరాశి వారికి ఈ రోజు మిశ్రమ ఫలితాలు ఉంటాయి. పట్టుదలతో అనుకున్నది సాధిస్తారు. బంధువుల ప్రవర్తన మనస్తాపం కలిగిస్తుంది. కుటుంబంలో కలహ సూచన ఉంది. కోపాన్ని అదుపులో ఉంచుకుంటే మంచిది. వివాదాలకు, వదంతులకు దూరంగా ఉండండి. పెద్దల సహకారంతో వృత్తి పరంగా ఎదుగుతారు. ఉద్యోగంలో హోదా పెరుగుతుంది. వృధా ఖర్చులు నివారిస్తే మంచిది.

ధనుస్సు

ధనుస్సురాశి వారికి ఈ రోజు అనుకూలంగా ఉంటుంది. పనిలో మీరు చూపే సంకల్పం, నిబద్ధత కారణంగా ఉన్నతాధికారుల ప్రశంసలు అందుకుంటారు. ఆదాయం గణనీయంగా పెరుగుతుంది. వ్యాపారంలో రాబడి పెరగడం సంతోషం కలిగిస్తుంది. బుద్ధిబలంతో కీలక సమస్యలు పరిష్కరిస్తారు. ప్రయాణాలు ఫలవంతంగా ఉంటాయి.

మ‌క‌రం

మకరరాశి వారికి ఈ రోజు అనుకూలంగా ఉంటుంది. చిత్తశుద్ధితో చేసే పనులలో విజయం సిద్ధిస్తుంది. ప్రణాళికాబద్ధంగా పనిచేసి చేపట్టిన పనులు సకాలంలో పూర్తి చేస్తారు. ఆర్థిక వ్యవరాలలో ధనలాభాలు మెండుగా ఉంటాయి. కుటుంబ వాతావరణం ఆనందకరంగా ఉంటుంది. సమాజంలో గౌరవ మర్యాదలు పెరుగుతాయి. కుటుంబ సభ్యులతో విభేదాలు రాకుండా చూసుకోండి.

కుంభం

కుంభరాశి వారికి ఈ రోజు శుభకరంగా ఉంటుంది. అదృష్టయోగం ఉంది. పట్టిందల్లా బంగారం అవుతుంది. ఉన్నతాధికారులతో సత్సంబంధాలు ఉంటాయి. వైవాహిక జీవితం ఆనందంగా ఉంటుంది. ఉన్నతమైన ఆలోచనలతో అందరికీ ఆదర్శంగా ఉంటారు. ఆకస్మిక ధనలాభాలు ఉన్నాయి. సామాజిక పరపతి పెరగడం బలాన్నిస్తుంది.

మీనం

మీనరాశి వారికి ఈ రోజు మిశ్రమ ఫలితాలు ఉంటాయి. సృజనాత్మకంగా వ్యవహరించి ఉన్నత స్థానానికి చేరుకుంటారు. గిట్టని వారు తప్పుదోవ పట్టించే ప్రమాదముంది జాగ్రత్తగా ఉండండి. పని ఒత్తిడిలో పడి ఆరోగ్యాన్ని అశ్రద్ధ చేయవద్దు. ఆర్థికంగా శుభ ఫలితాలు ఉంటాయి. కుటుంబంలో సుఖశాంతులు నెలకొంటాయి.