Today Horoscope | ఈ రాశి వారు ఎవ‌రితోనూ వాద‌న‌ల‌కు దిగొద్దు.. జ‌ర జాగ్ర‌త్త‌..!

Horoscope | జ్యోతిషం, రాశి ఫలాలు విశ్వసించేవారు చాలామంది ఉంటారు. దిన ఫలాలను చూసిన తర్వాతే తమ రోజువారీ కార్యకలాపాలను ప్రారంభిస్తుంటారు. వాటి అనుగుణంగానే రోజును ప్లాన్‌ చేసుకుంటుంటారు. వారికోసం నేటి రాశి ఫలాలు ఎలా ఉన్నాయో తెలుసుకుందాం..

మేషం (Aries)

మేషరాశి వారికి ఈ రోజు మిశ్రమ ఫలితాలు ఉంటాయి. వృత్తి ఉద్యోగాలలో అభివృద్ధి సాధిస్తారు. కీలకమైన విషయాల్లో అప్రమత్తంగా ఉండాలి. ఉద్యోగులు సహచరుల సహకారంతో పెండింగ్ పనులు పూర్తి చేస్తారు. వైద్యవృత్తి, ప్రభుత్వ ఉద్యోగంలో ఉన్నవారికి ఈ రోజు అనుకూలంగా ఉంటుంది.

వృషభం (Taurus)

వృషభరాశి వారికి ఈ రోజు ఫలవంతంగా ఉంటుంది. సంపూర్ణ ఆత్మ విశ్వాసంతో పనిచేసి అనుకున్న పనులు నెరవేరుస్తారు. వ్యాపారులు దృఢ సంకల్పంతో, సాహసోపేతమైన నిర్ణయాలతో నూతన శిఖరాలు అధిరోహిస్తారు. పిల్లల భవిష్యత్తు కోసం పొదుపు చేస్తారు. ఆర్థికంగా మంచి లాభాలు ఉంటాయి.

మిథునం (Gemini)

మిథునరాశి వారికి ఈ రోజు అనుకూలంగా ఉంటుంది. అన్ని రంగాల వారికి శ్రమకు తగిన ఫలితాలు ఉంటాయి. మంచి ప్రణాళికతో ప్రారంభిన పనులు సకాలంలో పూర్తి చేస్తారు. ఒక శుభవార్త మీ ఆత్మవిశ్వాసాన్ని పెంచుతుంది. కుటుంబంలో సుఖశాంతులు నెలకొంటాయి.

కర్కాటకం (Cancer)

కర్కాటకరాశి వారికి ఈ రోజు శుభప్రదంగా ఉంటుంది. గొప్ప శుభ సమయం నడుస్తోంది. అదృష్టం వరిస్తుంది. చేపట్టిన ప్రతి పనిలోనూ విజయం సాధిస్తారు. ధనవస్తు లాభాలున్నాయి. స్ఫూర్తిదాయక మాటలతో ఇతరులకు ఆదర్శంగా నిలుస్తారు.కుటుంబంలో శుభకార్యాలు జరుగుతాయి.

సింహం (Leo)

సింహరాశి వారికి ఈ రోజు అనుకూలంగా ఉంటుంది. అన్ని రంగాల వారికి తమ తమ రంగాల్లో ఆశించిన ఫలితాలు ఉంటాయి. ఉద్యోగులు తమ ప్రతిభకు ప్రశంసలు అందుకుంటారు. వ్యాపారులు స్వయంకృషితో అనుకున్నది సాధిస్తారు. కోపాన్ని అదుపులో ఉంచుకోండి. ఎవరితోనూ వాదనలకు దిగవద్దు.

కన్య (Virgo)

కన్యారాశి వారికి ఈ రోజు మిశ్రమ ఫలితాలు ఉంటాయి. చేపట్టిన పనులు ఆత్మీయుల సహకారంతో అవలీలగా పూర్తి చేస్తారు. కుటుంబ సభ్యుల ప్రోత్సాహంతో కీలక విషయంలో పురోగతి సాధిస్తారు. మీ మృదువైన మాటలతో అపరిష్కృతంగా ఉన్న వివాదాలకు ముగింపు పలుకుతారు.

తుల (Libra)

తులారాశి వారికి ఈ రోజు అనుకూలంగా ఉంటుంది. వృత్తి ఉద్యోగ వ్యాపారాలలో అభివృద్ధికి సంబంధించి శుభవార్తలు వింటారు. కుటుంబ సౌఖ్యం ఉంటుంది. స్థిరాస్తుల ద్వారా లాభాలు పొందుతారు. బుద్ధిబలంతో కీలకమైన సమస్య పరిష్కరిస్తారు. ఆర్థిక వ్యవహారాలు అనుకూలం. ఖర్చులు పెరగకుండా జాగ్రత్త పడండి.

వృశ్చికం (Scorpio)

వృశ్చికరాశి వారికి ఈ రోజు సామాన్యంగా ఉంటుంది. చేపట్టిన పనుల్లో శారీరక శ్రమ పెరుగుతుంది. వదంతులకు దూరంగా ఉంటే మంచిది. మీ ప్రతిభతో అందరికీ ఆదర్శంగా నిలుస్తారు. కుటుంబంలో వివాదాలు చోటు చేసుకోవచ్చు. ఉద్యోగులకు స్థానచలనం ఉండవచ్చు.

ధనుస్సు (Sagittarius)

ధనుస్సురాశి వారికి ఈ రోజు ప్రతికూల ఫలితాలు ఉండవచ్చు. వృత్తి ఉద్యోగాలలో రాణించాలంటే పట్టుదల చాలా అవసరం. పనిపట్ల దృఢ సంకల్పం, నిబద్ధత అవసరం. నిర్లక్ష్య వైఖరితో అవకాశాలు కోల్పోయే ప్రమాదముంది. వృధా ఖర్చులు పెరుగుతాయి. అనారోగ్య సమస్యలు ఇబ్బంది పెడతాయి.

మకరం (Capricorn)

మకరరాశి వారికి ఈ రోజు అనుకూలంగా ఉంటుంది. శుభ సమయం నడుస్తోంది. మీ మాటకు విలువ పెరుగుతుంది. సమాజంలో కీర్తి ప్రతిష్ఠలు సాధిస్తారు. కుటుంబ సభ్యుల సహకారం ఉంటుంది. వృత్తి ఉద్యోగాలు లాభదాయకంగా ఉంటాయి. కుటుంబ సభ్యులతో విహారయాత్రలకు వెళ్తారు.

కుంభం (Aquarius)

కుంభరాశి వారికి ఈ రోజు ప్రయోజనకరంగా ఉంటుంది. ఆత్మవిశ్వాసంతో పనిచేసి విజయాలు సాధిస్తారు. కుటుంబ సభ్యుల సహకారం ఉంటుంది. వైవాహిక జీవితం ఆనందంగా గడుస్తుంది. మిత్రుల ద్వారా ఆర్థికలబ్ధి పొందవచ్చు.

మీనం (Pisces)

మీనరాశి వారికి ఈ రోజు మిశ్రమ ఫలితాలు ఉంటాయి. ఉన్నత స్థానంలో నిలవాలనుకుంటే సృజనాత్మకంగా వ్యవహరించండి. వృత్తి ఉద్యోగాలలో నైపుణ్యాలు మెరుగు పరచుకోవాలి. వ్యాపారంలో ఆటంకాలు బుద్ధిబలంతో అధిగమిస్తారు. ఆదాయాన్ని మించిన ఖర్చులు ఉంటాయి.