Jana Nayagan | రిలీజ్‌కి కొన్ని గంటల ముందు స్టార్ హీరో సినిమా వాయిదా.. నిరాశ‌లో ఫ్యాన్స్

Jana Nayagan | తమ అభిమానుల అంచనాలను ఆకాశానికి చేర్చిన తలపతి విజయ్ తాజా చిత్రం ‘జన నాయగ‌న్’ విడుదల వాయిదా పడటం ప్రస్తుతం కోలీవుడ్‌లో హాట్ టాపిక్‌గా మారింది. హెచ్. వినోద్ దర్శకత్వంలో భారీ స్థాయిలో తెరకెక్కుతున్న ఈ సినిమా తొలుత సంక్రాంతి కానుకగా థియేటర్లకు వస్తుందని ప్ర‌క‌టించారు.

Jana Nayagan | తమ అభిమానుల అంచనాలను ఆకాశానికి చేర్చిన తలపతి విజయ్ తాజా చిత్రం ‘జన నాయగ‌న్’ విడుదల వాయిదా పడటం ప్రస్తుతం కోలీవుడ్‌లో హాట్ టాపిక్‌గా మారింది. హెచ్. వినోద్ దర్శకత్వంలో భారీ స్థాయిలో తెరకెక్కుతున్న ఈ సినిమా తొలుత సంక్రాంతి కానుకగా థియేటర్లకు వస్తుందని ప్ర‌క‌టించారు. కానీ అనూహ్యంగా రిలీజ్ ప్లాన్స్ మారిపోవడంతో విజయ్ అభిమానులు తీవ్ర నిరాశకు లోనవుతున్నారు. చిత్ర యూనిట్ నుంచి వచ్చిన తాజా సమాచారం ప్రకారం, సినిమాకు సంబంధించిన కీలక సన్నివేశాల చిత్రీకరణతో పాటు పోస్ట్ ప్రొడక్షన్ పనులు ఆశించిన స్థాయిలో పూర్తి కాకపోవడంతో విడుదలను వాయిదా వేయాల్సి వచ్చిందని తెలుస్తోంది. సినిమా నాణ్యత విషయంలో ఎలాంటి రాజీ పడకూడదన్న ఉద్దేశంతోనే ఈ నిర్ణయం తీసుకున్నట్లు మేకర్స్ స్పష్టం చేస్తున్నారు.

విజయ్ రాజకీయాల్లో పూర్తిస్థాయిలోకి ప్రవేశించే ముందు చేస్తున్న చివరి చిత్రంగా ‘జన నాయగ‌న్’పై దేశవ్యాప్తంగా, విదేశాల్లోనూ భారీ అంచనాలు నెలకొన్నాయి. కేవీఎన్ ప్రొడక్షన్స్ అత్యంత భారీ బడ్జెట్‌తో నిర్మిస్తున్న ఈ సినిమాను ఒక సాధారణ కమర్షియల్ మూవీగా కాకుండా, విజయ్ కెరీర్‌లో ఒక మైలురాయిగా నిలిపే ప్రయత్నం జరుగుతోంది. ఇదే కారణంగా ప్రతి అంశాన్ని పక్కాగా తీర్చిదిద్దేందుకు మరింత సమయం అవసరమైందని చిత్ర వర్గాలు చెబుతున్నాయి. రిలీజ్ వాయిదా వార్త బయటకు రాగానే సోషల్ మీడియా వేదికగా అభిమానులు తమ భావోద్వేగాలను వ్యక్తం చేస్తూ, అయితే మంచి అవుట్‌పుట్ కోసం అయితే ఎదురు చూడటానికి సిద్ధమేనని కామెంట్స్ చేస్తున్నారు.

ఇక సినిమా వాయిదాకు వెనుక మరో కోణం కూడా ఉందని సినీ విశ్లేషకులు అభిప్రాయపడుతున్నారు. విజయ్ స్థాపించిన ‘తమిళగ వెట్రి కజగం’ పార్టీ కార్యక్రమాలు వేగం పుంజుకోవడంతో, ఆయన షెడ్యూల్స్‌లో మార్పులు చోటుచేసుకున్నాయని, దాని ప్రభావం షూటింగ్‌పై పడిందనే చర్చ సాగుతోంది. అయితే అధికారికంగా మేకర్స్ ఈ విషయాన్ని ధృవీకరించకపోయినా, సమ్మర్ సీజన్‌ను టార్గెట్ చేస్తూ ఏప్రిల్‌లో సినిమాను విడుదల చేయాలన్న ఆలోచనలో ఉన్నట్లు సమాచారం. తమిళ నూతన సంవత్సరం సందర్భంగా ఏప్రిల్ 14న ‘జన నాయగ‌న్’ థియేటర్లలోకి వస్తే సరైన వేదిక అవుతుందని డిస్ట్రిబ్యూటర్లు భావిస్తున్నారు.

రాక్ స్టార్ అనిరుధ్ రవిచందర్ సంగీతం అందిస్తున్న ఈ సినిమాలో ఇప్పటికే వినిపించిన కొన్ని ట్యూన్స్ సోషల్ మీడియాలో మంచి స్పందన తెచ్చుకున్నాయి. విజయ్‌కు జోడీగా పూజా హెగ్డే కథానాయికగా నటిస్తుండగా, బాలీవుడ్ నటుడు బాబీ డియోల్ కీలకమైన ప్రతినాయక పాత్రలో కనిపించనున్నట్లు తెలుస్తోంది. పొలిటికల్ యాక్షన్ డ్రామాగా తెరకెక్కుతున్న ఈ చిత్రంలో ప్రజల పక్షాన నిలబడి పోరాడే నాయకుడిగా విజయ్ పాత్ర ఉంటుందని సమాచారం.