Mallika Sukumaran | మాలీవుడ్‌లో కలకలం…కుమారుడి కెరీర్‌పై కుట్రలు జరుగుతున్నాయంటూ తల్లి ఆరోప‌ణ‌.. చేస్తున్న‌దెవ‌రు?

Mallika Sukumaran | ఎలాంటి రంగంలో అయినా పోటీ తప్పదు. అయితే ఆ పోటీ కొన్నిసార్లు ఆరోగ్యకరంగా ఉంటే, మరికొన్ని సందర్భాల్లో మాత్రం వ్యక్తులను దిగజార్చే స్థాయికి చేరుతుంది. సినీ పరిశ్రమలో ఇటువంటి ఘటనలు తరచూ కనిపిస్తూనే ఉంటాయి.

Mallika Sukumaran | ఎలాంటి రంగంలో అయినా పోటీ తప్పదు. అయితే ఆ పోటీ కొన్నిసార్లు ఆరోగ్యకరంగా ఉంటే, మరికొన్ని సందర్భాల్లో మాత్రం వ్యక్తులను దిగజార్చే స్థాయికి చేరుతుంది. సినీ పరిశ్రమలో ఇటువంటి ఘటనలు తరచూ కనిపిస్తూనే ఉంటాయి. ఒకరు కాస్త ఎదుగుతున్నారంటే కొందరు వారిని అడ్డుకోవాలని, కెరీర్‌ను దెబ్బతీయాలనే ప్రయత్నాలు చేస్తుంటారు. నటులు, టెక్నీషియన్లు పలువురూ గతంలో ఇటువంటి అనుభవాలను పంచుకున్నారు. ఇప్పుడు మలయాళ స్టార్ హీరో పృథ్వీరాజ్ సుకుమారన్ తల్లి, సీనియర్ నటి మల్లికా సుకుమారన్ చేసిన వ్యాఖ్యలు ఇండస్ట్రీలో సంచలనంగా మారాయి.

“నా కొడుకు ఎదుగుదల జీర్ణించుకోలేక కొందరు కుట్రలు చేస్తున్నారు” ..

సీనియర్ నటుడు సుకుమారన్ కుమారుడిగా 2002లో ‘నందనం’ సినిమాతో ఎంట్రీ ఇచ్చిన పృథ్వీరాజ్ తన కెరీర్ ప్రారంభంలో అనేక కష్టాలు, విమర్శలు ఎదుర్కొన్నారు. తర్వాత తిరుగులేని నటుడిగా, దర్శకుడిగా, నిర్మాతగా, సింగర్‌గా కూడా తన ప్రతిభను నిరూపించుకున్నారు. 23 ఏళ్ల కెరీర్‌లో ఇండస్ట్రీలో దృఢమైన స్థానం సంపాదించుకున్న పృథ్వీ ప్రస్తుతం మలయాళంలో అత్యుత్తమ నటుల్లో ఒకరిగా నిలిచారు.

తాజాగా విడుదలైన ‘విలాయత్ బుద్ధ’ సినిమాలో పృథ్వీరాజ్ నటన ప్రశంసలు అందుకుంటున్నప్పటికీ, సోషల్ మీడియాలో మాత్రం కొందరు ఈ సినిమాను ‘పుష్ప’తో పోలుస్తూ ట్రోలింగ్‌ చేయడం మొదలుపెట్టారు. ఇదే నేపథ్యంలో మల్లికా సుకుమారన్ స్పందిస్తూ పృథ్వీపై జరుగుతున్న ట్రోలింగు యాదృచ్ఛికం కాదని, దీని వెనుక దుష్ప్రయత్నం ఉందని అన్నారు. విలాయత్ బుద్ధ సినిమాపై కావాలనే నెగటివ్ క్యాంపెయిన్ చేస్తున్నారు. పృథ్వీకి పరిశ్రమలో మద్దతు ఇచ్చేవాళ్లు కొంతమందే. ఎక్కువ మంది అతని ఎదుగుదలను జీర్ణించుకోలేక లక్ష్యంగా చేసుకుంటున్నారు ఇంతటి నీచానికి దిగజారతారనుకోలేదు. ఇది వెంటనే ఆగాలి. లేకపోతే నా పోరాటం కొనసాగుతుంది అని మ‌ల్లికా అన్నారు.

అయితే మల్లికా సుకుమారన్ చేసిన ఈ ఘాటు వ్యాఖ్యలు ఇప్పుడు సోష‌ల్ మీడియాలో వైరల్‌గా మారాయి. పృథ్వీరాజ్‌ను టార్గెట్ చేస్తోన్న విధానంపై అభిమానులు, సినీ వర్గాలు కూడా చర్చిస్తున్నాయి. అయితే ఈ కుట్రల వెనుక నిజంగా ఎవరు ఉన్నారు? ట్రోలింగ్ ఎందుకు ఇంత పెరిగింది? అన్న ప్రశ్నలు మలయాళ ఫిల్మ్ ఇండస్ట్రీలో హాట్ టాపిక్ గా మారాయి.ఇక పృథ్వీరాజ్ అభిమానులు మల్లికా కామెంట్లకు మద్దతు తెలుపుతూ, పృథ్వీపై జరుగుతున్న అనవసర విమర్శలను ఆపాలని డిమాండ్ చేస్తున్నారు. ‘విలాయత్ బుద్ధ’ విడుదల తరువాత మొదలైన ఈ వివాదం ఎక్కడికి దారితీస్తుందో చూడాలి.