Niharika | ‘రాకాస’తో నిహారిక మరో ప్రయత్నం .. ప్రీమియర్స్ నుంచే పాజిటివ్ టాక్, థియేట‌ర్స్‌లో మెగా సంద‌డి

Niharika | మెగా డాటర్ నిహారిక కొణిదెల నిర్మాతగా మరోసారి తన ప్రతిభను నిరూపించుకునేందుకు సిద్ధమయ్యారు. ఇప్పటికే కమిటీ కుర్రోళ్ళు సినిమాతో విజయాన్ని అందుకున్న ఆమె, ఇప్పుడు తన రెండో ప్రాజెక్ట్‌గా ‘రాకాస’ సినిమాను ప్రేక్షకుల ముందుకు తీసుకొచ్చారు.

Niharika | మెగా డాటర్ నిహారిక కొణిదెల నిర్మాతగా మరోసారి తన ప్రతిభను నిరూపించుకునేందుకు సిద్ధమయ్యారు. ఇప్పటికే కమిటీ కుర్రోళ్ళు సినిమాతో విజయాన్ని అందుకున్న ఆమె, ఇప్పుడు తన రెండో ప్రాజెక్ట్‌గా ‘రాకాస’ సినిమాను ప్రేక్షకుల ముందుకు తీసుకొచ్చారు.

జీ స్టూడియోస్ సమర్పణలో, ఉమేష్ కుమార్ బన్సాల్‌తో కలిసి నిహారిక ఈ చిత్రాన్ని నిర్మించారు. దర్శకురాలు మానస శర్మ తెరకెక్కించిన ఈ చిత్రంలో సంగీత్ శోభన్, నయన్ సారిక హీరోహీరోయిన్లుగా నటించారు.

కామెడీ ట్రాక్ హైలైట్ ..

ఈ సినిమా నేడు గ్రాండ్‌గా విడుదల కాగా, రిలీజ్‌కు ముందురోజు రాత్రి నిర్వహించిన ప్రీమియర్ షోలు మంచి పాజిటివ్ టాక్‌ను సొంతం చేసుకున్నాయి. ముఖ్యంగా లవ్, కామెడీ, ఫాంటసీ అంశాలతో రూపొందిన ఈ చిత్రం ప్రేక్షకులను ఆకట్టుకుంటుందనే అభిప్రాయాలు వ్యక్తమవుతున్నాయి.

సినిమాలో వెన్నెల కిషోర్, బ్రహ్మాజీ, తనికెళ్ల భరణి, ఆశిష్ విద్యార్థి, గెటప్ శ్రీను, రోహిణి కీలక పాత్రల్లో నటించారు. ముఖ్యంగా కామెడీ ట్రాక్ ఈ సినిమాకు హైలైట్‌గా నిలుస్తుందని ప్రేక్షకులు చెబుతున్నారు.

తేజ్ విజిల్స్ వేస్తూ ర‌చ్చ‌..

హైదరాబాద్‌లో జరిగిన ప్రీమియర్ షోకు మెగా కుటుంబ సభ్యులు హాజరై సందడి చేశారు. నిహారికకు మద్దతుగా సుస్మిత కొణిదెల, శ్రీజ కొణిదెల, వరుణ్ తేజ్–లావణ్య త్రిపాఠి దంపతులు, సాయిధరమ్ తేజ్ పాల్గొన్నారు. థియేటర్‌లో సాయిధరమ్ తేజ్ విజిల్స్ వేస్తూ సందడి చేయడం ప్రత్యేక ఆకర్షణగా నిలిచింది.

అలాగే ప్రముఖ దర్శకుడు నాగ్ అశ్విన్ కూడా ప్రీమియర్‌కు హాజరై సినిమా చూసి నిహారికను అభినందించారు. ఈ వీడియోలు ప్రస్తుతం సోషల్ మీడియాలో వైరల్ అవుతున్నాయి.

వ‌రుణ్ తేజ్ స్పంద‌న‌..

సినిమా చూసిన తర్వాత వరుణ్ తేజ్ తన స్పందనను సోషల్ మీడియాలో పంచుకున్నారు. ‘రాకాస’ చాలా ఎంటర్టైనింగ్‌గా ఉందని, ముఖ్యంగా కామెడీ సన్నివేశాలు ప్రేక్షకులను కడుపుబ్బ నవ్విస్తాయని పేర్కొన్నారు. హీరో సంగీత్ శోభన్‌లో మంచి టాలెంట్ ఉందని ప్రశంసిస్తూ, వెన్నెల కిషోర్, గెటప్ శ్రీను తమ కామెడీతో సినిమాకు పెద్ద ప్లస్ అయ్యారని అన్నారు. దర్శకురాలు మానస శర్మకు, నిర్మాత నిహారికకు ప్రత్యేక అభినందనలు తెలిపారు.

ప్రీమియర్ షోల నుంచే వచ్చిన పాజిటివ్ టాక్‌తో ‘రాకాస’పై అంచనాలు మరింత పెరిగాయి. కామెడీ ఎంటర్టైనర్‌గా రూపొందిన ఈ చిత్రం ప్రేక్షకులకు కొత్త అనుభూతిని అందిస్తుందనే నమ్మకం వ్యక్తమవుతోంది.

మొత్తం మీద, నిర్మాతగా నిహారిక కొణిదెల మరో విజయాన్ని అందుకుంటారా అనే ఆసక్తి సినీ వర్గాల్లో నెలకొంది. ప్రీమియర్ షోలతో మంచి బజ్ తెచ్చుకున్న ‘రాకాస’ బాక్సాఫీస్ వద్ద ఎలాంటి ఫలితం సాధిస్తుందో చూడాలి.

#Rakasa
Family Motham Vachesaru Gaa 😂👌 pic.twitter.com/hUlcrYUdsW

— LUCKY🦁 (@alwaysluckyRC27) April 3, 2026