OTT | ఈ వారం ఓటీటీలో సంద‌డే సందడి… రొమాన్స్ నుంచి క్రైమ్ వరకు విభిన్న కంటెంట్‌తో ..

OTT | ఈ వారం ఓటీటీ ప్రేక్షకులకు వినోద విందు సిద్ధమైంది. ప్రేమ కథలు, కామెడీలు, మిస్టరీ థ్రిల్లర్లు, కోర్ట్‌రూమ్ డ్రామాలు, పీరియాడిక్ సినిమాలు ఇలా అన్ని జానర్లలో కొత్త కంటెంట్ స్ట్రీమింగ్‌కు వస్తోంది.

OTT | ఈ వారం ఓటీటీ ప్రేక్షకులకు వినోద విందు సిద్ధమైంది. ప్రేమ కథలు, కామెడీలు, మిస్టరీ థ్రిల్లర్లు, కోర్ట్‌రూమ్ డ్రామాలు, పీరియాడిక్ సినిమాలు ఇలా అన్ని జానర్లలో కొత్త కంటెంట్ స్ట్రీమింగ్‌కు వస్తోంది. వివిధ డిజిటల్ ప్లాట్‌ఫార్ములు ప్రేక్షకులను ఆకట్టుకునేలా పలు ఆసక్తికరమైన సినిమాలు, వెబ్ సిరీస్‌లను విడుదల చేయనున్నాయి. ఈ వారం ముఖ్యమైన ఓటీటీ రిలీజ్‌ల వివరాలు ఇలా ఉన్నాయి.

అమెజాన్ ప్రైమ్ వీడియో

నారి నారి నడుమ మురారి
శర్వానంద్ హీరోగా నటించిన ఈ తెలుగు రొమాంటిక్ కామెడీ సంక్రాంతి 2026 సందర్భంగా థియేటర్లలో విడుదలై మంచి స్పందన తెచ్చుకుంది. రామ్ అబ్బరాజు దర్శకత్వంలో రూపొందిన ఈ చిత్రంలో సాక్షి వైద్య, సంయుక్త మీనన్ కీలక పాత్రల్లో నటించారు. ప్రేమ, హాస్యం, భావోద్వేగాల మేళవింపుతో సాగిన ఈ సినిమా ఇప్పుడు డిజిటల్ ప్రేక్షకులను అలరించేందుకు సిద్ధమైంది.
స్ట్రీమింగ్ డేట్: ఫిబ్రవరి 4

రిలేషన్‌షిప్ గోల్స్ (Relationship Goals)
వాలెంటైన్స్ వీక్‌ను దృష్టిలో ఉంచుకుని వస్తున్న ఈ రొమాంటిక్ కామెడీ ప్రేమ, బంధాల నేపథ్యంలో సరదాగా సాగుతుంది. క్లిఫ్ “మెథడ్ మాన్” స్మిత్, కెల్లీ రౌలాండ్ ప్రధాన పాత్రల్లో కనిపిస్తారు. ప్రేమికుల కోసం ప్రత్యేకంగా రూపొందిన ఫీల్‌గుడ్ మూవీగా నిలవనుంది.
స్ట్రీమింగ్ డేట్: ఫిబ్రవరి 4

ఆహా

సైక్ సిద్ధార్థ (Psych Siddhartha)
నందు ప్రధాన పాత్రలో నటించిన ఈ తెలుగు డ్రామా థియేటర్లలో పెద్దగా రాణించకపోయినా, ఓటీటీలో కొత్త ప్రేక్షకులను ఆకర్షించేందుకు వస్తోంది. మానసిక సంఘర్షణలు, అంతర్మథనం ప్రధానాంశాలుగా సాగే ఈ సినిమా విభిన్న అనుభూతిని అందించనుంది.
స్ట్రీమింగ్ డేట్: ఫిబ్రవరి 3

నెట్ ఫ్లిక్స్

క్యాష్ క్వీన్స్ (Cash Queens)
ఐదుగురు స్నేహితులు తమ జీవితాలను మార్చుకోవాలనే ఆశతో బ్యాంక్ దోపిడీలకు పాల్పడే క్రైమ్ డ్రామా సిరీస్. అన్ని ఎపిసోడ్లు ఒకేసారి విడుదల కానుండటంతో బింజ్ వాచ్ చేయాలనుకునే వారికి మంచి ఆప్షన్.
స్ట్రీమింగ్ డేట్: ఫిబ్రవరి 5

ది లింకన్ లాయర్ – సీజన్ 4
తాను చేయని హత్య కేసులో ఇరుక్కున్న లాయర్ మిక్కీ తన నిర్దోషిత్వాన్ని నిరూపించుకునే ప్రయత్నం ఈ సీజన్‌లో ప్రధాన ఆకర్షణ. కోర్ట్‌రూమ్ సన్నివేశాలు, ట్విస్టులతో నిండిన కథనంతో ఈ సీజన్ కూడా ఆసక్తిని రేకెత్తిస్తోంది.
స్ట్రీమింగ్ డేట్: ఫిబ్రవరి 5

జియో హాట్ స్టార్

ది రాజా సాబ్
ప్రభాస్ నటించిన హారర్ కామెడీ చిత్రం థియేటర్లలో మిశ్రమ స్పందన పొందినప్పటికీ ఓటీటీలో భారీ అంచనాల మధ్య విడుదలవుతోంది. తెలుగు, తమిళం, కన్నడ, మలయాళ భాషల్లో అందుబాటులోకి రానుంది.
స్ట్రీమింగ్ డేట్: ఫిబ్రవరి 6

గ్రామీ అవార్డ్స్ 2026 – లైవ్
ప్రపంచ సంగీత రంగానికి ప్రతిష్ఠాత్మకమైన గ్రామీ అవార్డ్స్ వేడుక ఈ వారం లైవ్ స్ట్రీమింగ్‌లో అందుబాటులోకి రానుంది. మ్యూజిక్ లవర్స్‌కు ఇది ప్రత్యేక ఆకర్షణ.
స్ట్రీమింగ్ డేట్: ఫిబ్రవరి 2

జీ 5

పరాశక్తి (Parasakthi)
శివకార్తికేయన్, రవి మోహన్ ప్రధాన పాత్రల్లో నటించిన ఈ పీరియాడిక్ రాజకీయ డ్రామా 1960ల నేపథ్యంతో తెరకెక్కింది. థియేటర్లలో యావరేజ్ టాక్ సాధించిన ఈ చిత్రం ఇప్పుడు డిజిటల్ ప్రీమియర్‌కు సిద్ధమైంది.
స్ట్రీమింగ్ డేట్: ఫిబ్రవరి 7

మొత్తంగా ఈ వారం ఓటీటీ ప్లాట్‌ఫార్ములు ప్రతి వర్గ ప్రేక్షకుడికి సరిపడేలా విభిన్న కంటెంట్‌ను అందిస్తున్నాయి. ప్రేమకథలు చూడాలనుకునేవారికి రొమాంటిక్ సినిమాలు, థ్రిల్లర్ అభిమానులకు క్రైమ్ సిరీస్‌లు, సంగీత ప్రియులకు గ్రామీ అవార్డ్స్ వంటి ప్రత్యేక కార్యక్రమాలు అందుబాటులో ఉండటం విశేషం. ఈ వారం డిజిటల్ ఎంటర్‌టైన్‌మెంట్ అభిమానులకు నిజమైన వినోద పండుగగా మారనుంది.