Peddi | మారుతున్న ట్రెండ్‌కు హీరోల పోరాటం.. ‘పెద్ది’ కోసం రామ్ చరణ్ హల్క్ ట్రాన్స్‌ఫర్మేషన్

Peddi | సినిమా ప్రపంచం వేగంగా మారుతోంది. ఒకప్పుడు నాలుగు పాటలు, మూడు ఫైట్లు, క్లైమాక్స్ సెంటిమెంట్‌తో హిట్లు కొట్టిన రోజులు ఇప్పుడు గతమయ్యాయి. ప్రేక్షకుల అభిరుచులు మారడంతో పాటు, వారి అంచనాలు కూడా గణనీయంగా పెరిగాయి. ఈ నేపథ్యంలో హీరోలు తమను తాము పూర్తిగా మార్చుకుని కొత్తగా ప్రెజెంట్ కావాల్సిన పరిస్థితి ఏర్పడింది.

Peddi | సినిమా ప్రపంచం వేగంగా మారుతోంది. ఒకప్పుడు నాలుగు పాటలు, మూడు ఫైట్లు, క్లైమాక్స్ సెంటిమెంట్‌తో హిట్లు కొట్టిన రోజులు ఇప్పుడు గతమయ్యాయి. ప్రేక్షకుల అభిరుచులు మారడంతో పాటు, వారి అంచనాలు కూడా గణనీయంగా పెరిగాయి. ఈ నేపథ్యంలో హీరోలు తమను తాము పూర్తిగా మార్చుకుని కొత్తగా ప్రెజెంట్ కావాల్సిన పరిస్థితి ఏర్పడింది.

ఇప్పటి ప్రేక్షకులు కేవలం కథకే కాకుండా, హీరోల లుక్స్, పాత్రల వైవిధ్యం, నటనలో కొత్త‌ద‌నం అన్నింటినీ గమనిస్తున్నారు. అందుకే స్టార్ హీరోలు కూడా తమ గ్లామర్ ఇమేజ్‌ను పక్కన పెట్టి డీగ్లామర్ పాత్రలు చేయడానికి ముందుకు వస్తున్నారు. ఉదాహరణకు రామ్ చ‌ర‌ణ్‌‘రంగస్థలం’లో చెవిటి పాత్రతో మెప్పించగా, అల్లు అర్జున్‘పుష్ప’లో స్మగ్లర్‌గా కొత్త కోణాన్ని చూపించాడు. అలాగే నాని కూడా తన పాత్రలలో విభిన్నత కోసం కొత్త లుక్స్‌ను ప్రయత్నిస్తూ ప్రేక్షకులను ఆశ్చర్యపరుస్తున్నాడు.

కుస్తీ వీరుడిగా..

ఈ మారుతున్న ట్రెండ్‌కు తాజా ఉదాహరణగా నిలుస్తోంది పెద్ది. ఈ చిత్రంలో రామ్ చరణ్ పూర్తిగా భిన్నమైన లుక్‌లో కనిపించబోతున్నారు. ఇటీవల విడుదలైన గ్లింప్స్‌లో ఆయన కుస్తీ వీరుడిగా కనిపించి అభిమానులకు షాక్ ఇచ్చారు. కండలు తిరిగిన దేహంతో, హల్క్‌ను తలపించేలా ఆయన చేసిన ట్రాన్స్‌ఫర్మేషన్ సోషల్ మీడియాలో హాట్ టాపిక్‌గా మారింది.

ఈ స్థాయి ఫిజిక్‌ను సాధించడానికి రామ్ చరణ్ ఎంత కష్టపడ్డారన్నది ఇప్పుడు చర్చనీయాంశంగా మారింది. సమాచారం ప్రకారం, ఆయన రోజుకు 15 గంటల వరకు జిమ్‌లో కష్టపడి ప్రత్యేక డైట్ ప్లాన్‌ను కచ్చితంగా ఫాలో అయ్యారట. మధ్యలో టీమ్ ‘ఇప్పటి బాడీ సరిపోతుంది’ అని సూచించినా, పాత్రకు న్యాయం చేయాలనే పట్టుదలతో చరణ్ మరింత శ్రమించారు.

రూ.3 కోట్ల ఖ‌ర్చు…

ఇక ఈ ట్రాన్స్‌ఫర్మేషన్ కోసం ప్రత్యేకంగా ఒక ఇంటర్నేషనల్ కోచ్‌ను నియమించుకున్నట్లు తెలుస్తోంది. ఆ కోచ్‌కు మూడు నెలల కాలానికి సుమారు రూ. 3 కోట్ల వరకు చెల్లించినట్లు టాక్ వినిపిస్తోంది. పాత్రలో పర్ఫెక్షన్ కోసం ఇంత పెద్ద మొత్తాన్ని ఖర్చు చేయడం చరణ్ డెడికేషన్‌ను స్పష్టంగా చూపిస్తోంది.

మెగాస్టార్ చిరంజీవిలా ఇంటెన్స్ నటనతో ప్రేక్షకులను ఆకట్టుకోవాలనే లక్ష్యంతో రామ్ చరణ్ కూడా తన కెరీర్‌ను ముందుకు తీసుకెళ్తున్నారు. ‘పెద్ది’ సినిమా విజయం సాధిస్తే, ఆయన క్రేజ్ మరింత పెరగడం ఖాయం అని సినీ విశ్లేషకులు భావిస్తున్నారు.

మొత్తానికి, మారుతున్న సినిమా ట్రెండ్‌కు అనుగుణంగా హీరోలు తమను తాము మలుచుకుంటూ, ప్రేక్షకుల అంచనాలను అందుకోవడానికి చేస్తున్న ప్రయత్నాలు ఇప్పుడు ఇండస్ట్రీలో కొత్త దిశను చూపిస్తున్నాయి.