Prabhas | తెలుగు సినీ పరిశ్రమలో యంగ్ డైరెక్టర్గా ప్రత్యేక గుర్తింపు తెచ్చుకున్న ప్రశాంత్ వర్మ మరోసారి వార్తల్లో నిలిచారు. పాలకొల్లుకు చెందిన ఆయన తన డెబ్యూ మూవీ అతో ఇండస్ట్రీలో అడుగుపెట్టి, విభిన్న కథా శైలితో ప్రేక్షకులను ఆకట్టుకున్నారు. ఆ తర్వాత జాంబీ రెడ్డి, కల్కి చిత్రాలతో తన ప్రతిభను నిరూపించుకున్నారు. అయితే ఆయన కెరీర్లో మైలురాయిగా నిలిచింది హనుమాన్.
పురాణాల నేపథ్యం, సూపర్ హీరో ఎలిమెంట్స్, హై ఎండ్ విజువల్ ఎఫెక్ట్స్ మేళవింపుతో తెరకెక్కిన ‘హనుమాన్’ దేశవ్యాప్తంగా సంచలన విజయాన్ని అందుకుంది. తక్కువ బడ్జెట్తో రూపొందిన ఈ చిత్రం రూ.300 కోట్లకు పైగా వసూళ్లు సాధించి ట్రేడ్ వర్గాలను ఆశ్చర్యపరిచింది. సౌత్తో పాటు నార్త్ ఇండియాలోనూ మంచి కలెక్షన్లు రాబట్టడం ద్వారా ప్రశాంత్ వర్మకు పాన్ ఇండియా గుర్తింపు వచ్చింది.
‘జై హనుమాన్’ షూటింగ్కు ముహూర్తం
‘హనుమాన్’ విజయానంతరం ప్రకటించిన సీక్వెల్ జై హనుమాన్పై ప్రేక్షకుల్లో భారీ అంచనాలు నెలకొన్నాయి. కొన్ని కారణాల వల్ల వాయిదా పడుతూ వచ్చిన ఈ ప్రాజెక్ట్ షూటింగ్ ఈ నెల 22న హంపిలో ప్రారంభం కానుందని సమాచారం. మరింత భారీ స్థాయిలో, విశ్వమానవ విలువలను ప్రతిబింబించేలా ఈ సీక్వెల్ను తెరకెక్కించే ప్లాన్లో ఉన్నారు దర్శకుడు.
ప్రభాస్ మూవీపై క్లారిటీ
ఇక గత కొన్ని రోజులుగా సోషల్ మీడియాలో స్టార్ హీరో ప్రభాస్తో ప్రశాంత్ వర్మ చేయబోయే సినిమా ఆగిపోయిందనే వార్తలు వైరల్ అయ్యాయి. ఈ ప్రచారం అభిమానుల్లో గందరగోళాన్ని సృష్టించింది. అయితే ఈ రూమర్లకు స్వయంగా ప్రశాంత్ వర్మ ఫుల్ స్టాప్ పెట్టారు. ప్రభాస్తో ప్రాజెక్ట్ యథావిధిగా కొనసాగుతోందని, ఎలాంటి రద్దు లేదని స్పష్టం చేశారు.
ప్రస్తుతం ప్రభాస్ వరుస పాన్ ఇండియా సినిమాలతో బిజీగా ఉన్నారని, డేట్స్ సమస్య కారణంగా మాత్రమే ఆలస్యం జరుగుతోందని తెలిపారు. ముఖ్యంగా స్పిరిట్, కల్కి 2 వంటి భారీ ప్రాజెక్టులు ఆయన చేతిలో ఉండటంతో షెడ్యూల్ అడ్జస్ట్ కావడం లేదన్నారు. సరైన సమయంలో అధికారిక ప్రకటనతో తమ సినిమా ప్రారంభమవుతుందని వెల్లడించారు.
ప్రభాస్ లైన్-అప్ ఇదే!
ప్రస్తుతం ప్రభాస్ కెరీర్ ఫుల్ స్పీడ్లో ఉంది. హను రాఘవపూడి దర్శకత్వంలో తెరకెక్కుతున్న ఫౌజీ చివరి దశలో ఉంది. అలాగే సలార్ 2 కూడా లైన్లో ఉంది. వరుస భారీ ప్రాజెక్టులతో దేశవ్యాప్తంగా అభిమానులను అలరించేందుకు సిద్ధమవుతున్నారు. ఇటీవల ‘ఫౌజీ’ షూటింగ్ సమయంలో గుర్రపు స్వారీ చేస్తూ ప్రభాస్కు స్వల్ప గాయం అయినట్లు వార్తలు వచ్చినా, అది చిన్న గాయమేనని తెలిసి అభిమానులు ఊపిరి పీల్చుకున్నారు.
భారీ అంచనాల మధ్య క్రేజీ కాంబో
‘హనుమాన్’తో విజన్ చూపించిన ప్రశాంత్ వర్మ, పాన్ ఇండియా స్టార్ ప్రభాస్తో సినిమా చేస్తున్నాడు అంటేనే భారీ అంచనాలు సహజం. ఇప్పటికే ప్రభాస్ టెస్ట్ లుక్ కూడా పూర్తి అయినట్టు ఇండస్ట్రీ వర్గాల్లో టాక్ వినిపిస్తోంది. సరైన సమయం చూసి ఫస్ట్ లుక్తో ఈ క్రేజీ ప్రాజెక్ట్ను అధికారికంగా ప్రకటించే అవకాశాలు ఉన్నాయి.
మొత్తానికి ప్రభాస్ – ప్రశాంత్ వర్మ కాంబోపై వచ్చిన రూమర్లకు క్లారిటీ రావడంతో అభిమానులు ఆనందం వ్యక్తం చేస్తున్నారు. ఇప్పుడు అందరి దృష్టి ‘జై హనుమాన్’ ప్రారంభంపై, అలాగే ఈ మెగా కాంబినేషన్ అధికారిక అనౌన్స్మెంట్పై నిలిచింది.