Prabhas | ప్ర‌భాస్ అభిమానులు ఎగిరి గంతేసే వార్త‌.. ‘కల్కి 2’ రెగ్యులర్ షూటింగ్ ప్రారంభం.. శంకర్‌పల్లిలో చిత్రీక‌ర‌ణ‌

Prabhas | పాన్ ఇండియా స్టార్ ప్ర‌భాస్ ప్రస్తుతం వరుస ప్రాజెక్టులతో ఫుల్ బిజీగా ఉన్నాడు. దేశంలో ఏ స్టార్‌కూ లేని విధంగా భారీ లైనప్‌ను సెట్ చేసుకున్న ప్రభాస్ సినిమాల్లో ప్రతి ఒక్కటి ప్రత్యేకమే. వాటిలో అత్యంత ప్రతిష్టాత్మకమైన ప్రాజెక్ట్ ‘Kalki 2898 AD’ సీక్వెల్ ‘కల్కి 2’ ఒకటి. 2024లో విడుదలైన ‘కల్కి 2898 AD’ ఇండియన్ మైథాలజీతో పాటు ఫ్యూచరిస్టిక్ ఎలిమెంట్స్‌ను మేళవించిన విజువల్ వండర్‌గా నిలిచింది.

Prabhas | పాన్ ఇండియా స్టార్ ప్ర‌భాస్ ప్రస్తుతం వరుస ప్రాజెక్టులతో ఫుల్ బిజీగా ఉన్నాడు. దేశంలో ఏ స్టార్‌కూ లేని విధంగా భారీ లైనప్‌ను సెట్ చేసుకున్న ప్రభాస్ సినిమాల్లో ప్రతి ఒక్కటి ప్రత్యేకమే. వాటిలో అత్యంత ప్రతిష్టాత్మకమైన ప్రాజెక్ట్ ‘Kalki 2898 AD’ సీక్వెల్ ‘కల్కి 2’ ఒకటి. 2024లో విడుదలైన ‘కల్కి 2898 AD’ ఇండియన్ మైథాలజీతో పాటు ఫ్యూచరిస్టిక్ ఎలిమెంట్స్‌ను మేళవించిన విజువల్ వండర్‌గా నిలిచింది. దర్శకుడు నాగ్ అశ్విన్ తన సృజనాత్మకతతో ప్రేక్షకులను మెస్మరైజ్ చేశాడు. ముఖ్యంగా కురుక్షేత్ర ఎపిసోడ్ ప్రేక్షకులను మరో ప్రపంచంలోకి తీసుకెళ్లినట్టుగా అనిపించింది. భైరవ పాత్రలో ప్రభాస్ నటనకు విశేష ప్రశంసలు దక్కాయి.

‘కల్కి 2’ షూటింగ్ ఎట్టకేలకు ప్రారంభం

మొదటి భాగం విడుదలై రెండేళ్లు గడుస్తున్నా సీక్వెల్ షూటింగ్ ప్రారంభం కాకపోవడంతో అభిమానుల్లో కొంత నిరాశ నెలకొంది. అయితే తాజాగా ‘కల్కి 2’ రెగ్యులర్ షూటింగ్ ఫిబ్రవరి 22న అధికారికంగా ప్రారంభమైంది. హైదరాబాద్ సమీపంలోని శంకర్‌పల్లి వద్ద ప్రత్యేకంగా నిర్మించిన భారీ సెట్స్‌లో చిత్రీకరణ జరుగుతోంది.

ప్రస్తుతం క‌మ‌ల్ హాస‌న్, అమితాబ్ బ‌చ్చ‌న్ మధ్య వచ్చే కీలక సన్నివేశాలను చిత్రీకరిస్తున్నారు. దాదాపు 15 రోజుల పాటు ఈ షెడ్యూల్ కొనసాగనుంది.

ప్రభాస్ ఎంట్రీ ఎప్పుడు?

ప్రస్తుతం ప్రభాస్ ‘ఫౌజీ’, ‘స్పిరిట్’ సినిమాల షూటింగ్స్‌తో బిజీగా ఉన్నాడు. ఆ చిత్రాల పనులు పూర్తి చేసిన తర్వాత ‘కల్కి 2’ సెట్లోకి అడుగుపెట్టనున్నట్లు సమాచారం. అప్పటివరకు ప్రభాస్ లేని సన్నివేశాలను దర్శకుడు నాగ్ అశ్విన్ తెరకెక్కిస్తున్నాడు.

2027లో రిలీజ్?

భారీ అంచనాల మధ్య రూపొందుతున్న ‘కల్కి 2’ చిత్రం 2027 ఏడాది చివర్లో ప్రేక్షకుల ముందుకు వచ్చే అవకాశముందని ఇండస్ట్రీ వర్గాలు చెబుతున్నాయి. మొదటి భాగం సృష్టించిన రికార్డులను దాటేలా సీక్వెల్‌ను మరింత గ్రాండియర్‌గా తీర్చిదిద్దేందుకు మేకర్స్ కృషి చేస్తున్నారు. ఈ తాజా అప్‌డేట్‌తో ప్రభాస్ అభిమానులు ఆనందం వ్యక్తం చేస్తున్నారు. ఇక ‘కల్కి 2’ ఎలాంటి విజువల్ ఎక్స్‌పీరియన్స్ ఇవ్వబోతోందో చూడాల్సి ఉంది.