Ranabaali | విజయ్ దేవరకొండ రణబాలి గ్లింప్స్ లో ఏఐ ఎక్కువ‌గా వాడారా.. డైరెక్ట‌ర్ క్లారిటీ

Ranabaali | ఇటీవల వరుస పరాజయాలతో సతమతమవుతున్న హీరో విజయ్ దేవరకొండకు ఇప్పుడు ఒక మంచి విజయం అవ‌స‌రం. ఆ బాధ్యతను దర్శకుడు రాహుల్ సాంకృత్యాన్ భుజాలపై వేసుకున్నట్టే కనిపిస్తోంది.

Ranabaali | ఇటీవల వరుస పరాజయాలతో సతమతమవుతున్న హీరో విజయ్ దేవరకొండకు ఇప్పుడు ఒక మంచి విజయం అవ‌స‌రం. ఆ బాధ్యతను దర్శకుడు రాహుల్ సాంకృత్యాన్ భుజాలపై వేసుకున్నట్టే కనిపిస్తోంది. వీరిద్దరి కాంబినేషన్‌లో తెరకెక్కుతున్న పీరియాడిక్ యాక్షన్ డ్రామా ‘రణబాలి’ ఇప్పటికే ఇండస్ట్రీలో హైప్‌ను క్రియేట్ చేస్తోంది. రిపబ్లిక్ డే సందర్భంగా విడుదలైన రణబాలి గ్లింప్స్ సినిమాపై అంచనాలను ఒక్కసారిగా పెంచేశాయి. బ్రిటిష్ పాలన కాలంలో జరిగిన దురాగతాలు, ప్రజల తిరుగుబాటు నేపథ్యంగా రూపొందుతున్న ఈ చిత్రం విజువల్స్ పరంగా ఆకట్టుకుంటోంది. ముఖ్యంగా గ్లింప్స్ చివర్లో రౌద్ర అవతారంలో విజయ్ దేవరకొండ ఎంట్రీ ఫ్యాన్స్‌కు గూస్‌బంప్స్ తెప్పించిందనే చెప్పాలి.

హిట్ జోడీ రీయూనియన్

‘రణబాలి’లో విజయ్ దేవరకొండ, రష్మిక మందన్న జంటగా నటిస్తున్నారు. వీరిద్దరికీ ఇది మూడో సినిమా కావడం విశేషం. ‘గీత గోవిందం’, ‘డియర్ కామ్రేడ్’తో సూపర్ హిట్ పెయిర్‌గా గుర్తింపు తెచ్చుకున్న ఈ జంట ఇప్పుడు పీరియాడిక్ యాక్షన్ కథలో మరోసారి కలిసి కనిపించనుంది. దీంతో సినిమాపై క్రేజ్ మరింత పెరిగింది.

ఏఐ రూమర్స్‌కు క్లారిటీ

గ్లింప్స్ విడుదలైన వెంటనే సోషల్ మీడియాలో పాజిటివ్ రెస్పాన్స్ వెల్లువెత్తింది. అయితే కొందరు నెటిజన్లు ఇందులో ఏఐ (Artificial Intelligence) వినియోగం ఎక్కువగా ఉందని కామెంట్ చేయగా, దీనిపై దర్శకుడు రాహుల్ సాంకృత్యాన్ స్పందించాడు.“ఏఐ వాడినట్టుగా అనిపించొచ్చు కానీ నిజంగా ఒక్క ఫ్రేమ్ కూడా ఏఐతో చేయలేదు. ప్రతి షాట్‌ను సంప్రదాయ పద్ధతిలోనే రూపొందించాం. దీనికోసం నెలల తరబడి కష్టపడ్డాం” అంటూ ఆయన స్పష్టత ఇచ్చాడు.

రాహుల్ సాంకృత్యాన్ ట్రాక్ రికార్డ్

‘రణబాలి’ గ్లింప్స్‌తో రాహుల్ సాంకృత్యాన్ పేరు మరోసారి ట్రెండింగ్‌లోకి వచ్చింది. 2014లో ‘ది ఎండ్’తో దర్శకుడిగా పరిచయమైన ఆయన, 2018లో విజయ్ దేవరకొండతో ‘ట్యాక్సీవాలా’ తీసి కమర్షియల్ హిట్ కొట్టాడు. ఆ తర్వాత నాని హీరోగా ‘శ్యామ్ సింగరాయ్’ వంటి కంటెంట్ ఓరియెంటెడ్ సినిమాతో తన స్టాంప్ వేశాడు.

రియల్ లైఫ్ టాక్ కూడా హాట్

ఇదిలా ఉంటే విజయ్ దేవరకొండ, రష్మిక మందన్నల పెళ్లిపై కూడా సోషల్ మీడియాలో జోరుగా చర్చ నడుస్తోంది. వీరు ఇప్పటికే ఎంగేజ్మెంట్ చేసుకున్నారనే వార్తలు వైరల్ అయ్యాయి. రష్మిక చేతికి కనిపించిన ఎంగేజ్మెంట్ రింగ్ ఈ ఊహాగానాలకు మరింత బలం చేకూర్చింది. ఆన్ స్క్రీన్ కెమిస్ట్రీ నుంచి ఆఫ్ స్క్రీన్ రిలేషన్‌షిప్ వరకూ ఈ జంట ఎప్పుడూ వార్తల్లోనే ఉంటుంది. మొత్తానికి, ‘రణబాలి’ విజయ్ దేవరకొండ కెరీర్‌కు టర్నింగ్ పాయింట్ అవుతుందా? రాహుల్ సాంకృత్యాన్ మరోసారి మ్యాజిక్ చేస్తాడా? అన్న ప్రశ్నలకు సమాధానం థియేటర్లలో దొరకాల్సిందే.