Savitri | మహానటి సావిత్రి తాగి షూటింగ్‌కి వ‌చ్చి వాంతి చేసుకుందా.. అప్పుడు విజ‌య నిర్మ‌ల ఏం చేసిందంటే..!

Savitri | తెలుగు సినీ చరిత్రలో కొన్ని పేర్లు కాలానికి అతీతంగా నిలిచిపోతాయి. అలాంటి అరుదైన నటీమణుల్లో మహానటి సావిత్రి పేరు అగ్రస్థానంలో ఉంటుంది. తన అసాధారణ నటన, భావోద్వేగాలను అద్భుతంగా పలికించే ప్రతిభ, పాత్రల్లో జీవించే తత్వంతో ఆమె తెలుగు సినిమా చరిత్రలో చెరగని ముద్ర వేశారు.

Savitri | తెలుగు సినీ చరిత్రలో కొన్ని పేర్లు కాలానికి అతీతంగా నిలిచిపోతాయి. అలాంటి అరుదైన నటీమణుల్లో మహానటి సావిత్రి పేరు అగ్రస్థానంలో ఉంటుంది. తన అసాధారణ నటన, భావోద్వేగాలను అద్భుతంగా పలికించే ప్రతిభ, పాత్రల్లో జీవించే తత్వంతో ఆమె తెలుగు సినిమా చరిత్రలో చెరగని ముద్ర వేశారు. అందుకే సావిత్రి కేవలం ఒక హీరోయిన్ మాత్రమే కాదు.. తెలుగు సినీ ప్రపంచానికి ఒక ప్రత్యేక గుర్తింపుగా నిలిచారు.

ఆమె నటనలో కనిపించే సహజత్వం, భావ వ్యక్తీకరణలో ఉన్న డెప్త్‌ ప్రేక్షకులను ఇప్పటికీ ఆశ్చర్యపరుస్తూనే ఉంటుంది. విషాదం, ఆనందం, ప్రేమ, కోపం.. ఏ భావోద్వేగమైనా ఎంతో సహజంగా తెరపై ఆవిష్కరించగల అరుదైన ప్రతిభ సావిత్రి సొంతం. అందుకే ఆమెను ప్రేక్షకులు “మహానటి”గా గౌరవించారు.

ఆమె సినిమాల‌కి ఇప్ప‌టికీ ఆద‌ర‌ణ‌..

సావిత్రి తర్వాత తెలుగు సినీ పరిశ్రమలో వందలాది మంది హీరోయిన్లు వెండితెరపై మెరిశారు. తమ అందం, నటనతో ప్రేక్షకులను ఆకట్టుకున్నారు. కొంతమంది నటీమణులు తమ నటనతో ప్రత్యేక గుర్తింపు కూడా సాధించారు. ముఖ్యంగా సౌందర్య, స్నేహ వంటి నటీమణుల నటనలో కొంతవరకు సావిత్రి ఛాయలు కనిపించాయని సినీ అభిమానులు చెబుతుంటారు. అయితే సావిత్రి సృష్టించిన ప్రత్యేకమైన మాయను, ఆమె స్థాయిలో నటనను అందుకోవడం మాత్రం ఎవరికీ సాధ్యపడలేదనే అభిప్రాయం ఇప్పటికీ వినిపిస్తూనే ఉంటుంది.

ఆమె మరణించి నాలుగు దశాబ్దాలకు పైగా గడిచిపోయినా ప్రేక్షకుల మనసుల్లో ఆమె స్థానం మాత్రం ఏమాత్రం తగ్గలేదు. తెలుగు, తమిళ ప్రేక్షకులు ఇప్పటికీ ఆమె సినిమాలను ఆదరిస్తూనే ఉన్నారు. కొత్త తరానికి చెందిన ప్రేక్షకులు కూడా సావిత్రి సినిమాలను చూసి ఆమె నటనకు అభిమానులుగా మారుతున్నారు.

మొద‌ట్లో మద్యం అల‌వాటు లేదు..

మహానటి సావిత్రి తెలుగు సినీ చరిత్రలో ఒక అద్భుత అధ్యాయం. తన నటనతో కోట్లాది మంది ప్రేక్షకుల హృదయాల్లో ప్రత్యేక స్థానం సంపాదించుకున్న ఆమె వ్యక్తిగత జీవితం మాత్రం ఎన్నో ఒడిదుడుకులతో నిండిపోయిందని సినీ వర్గాల్లో తరచూ చర్చలు వినిపిస్తుంటాయి. ముఖ్యంగా కెరీర్‌లో ఎదురైన ఒత్తిడులు, వ్యక్తిగత సమస్యలు ఆమె జీవితంపై తీవ్ర ప్రభావం చూపించాయనే అభిప్రాయాలు ఉన్నాయి.

సినీ వర్గాల్లో ప్రచారంలో ఉన్న కథనాల ప్రకారం, సావిత్రికి మొదట్లో మద్యం సేవించే అలవాటు లేదని చెబుతుంటారు. అయితే జీవితంలో ఎదురైన ఆర్థిక, వ్యక్తిగత ఒత్తిడులు పెరుగుతున్న సమయంలో ఆమె చుట్టూ ఉన్న కొందరు వ్యక్తులు ఆ దిశగా ప్రభావం చూపినట్టు చెప్పబడుతోంది. ఆరోగ్య సమస్యల కారణంగా కొంతకాలం ఆమె అలవాట్లకు దూరంగా ఉన్నప్పటికీ, అనంతరం మళ్లీ ఆ పరిస్థితులు కొనసాగినట్టు సమాచారం.

హీరోయిన్‌గా వరుస అవకాశాలు తగ్గిన తర్వాత సావిత్రి క్యారెక్టర్ ఆర్టిస్ట్‌గా సెకండ్ ఇన్నింగ్స్ ప్రారంభించారు. పలు చిత్రాల్లో తల్లి, వదిన వంటి పాత్రల్లో నటిస్తూ ప్రేక్షకులను మరోసారి ఆకట్టుకున్నారు. ఆ సమయంలో ఆమె నటించిన చిత్రాల్లో ఒకటిగా ‘విచిత్ర దాంపత్యం’ సినిమా కూడా ప్రస్తావనకు వస్తుంది.

ఆ సినిమాకు సంబంధించిన ఓ సంఘటనను సినీ జర్నలిస్టులు గతంలో ప్రస్తావించినట్టు సమాచారం. షూటింగ్ సమయంలో బాగా ఆల్కాహాల్ తీసుకొని వ‌చ్చిన‌ సావిత్రి.. సెట్స్‌లో అడుగుపెట్ట‌గానే వాంతి చేసుకున్నారట. ఆ సమయంలో అక్కడే ఉన్న హీరోయిన్, దర్శకురాలు విజయ నిర్మల ఆమెకు సహాయం చేసి మేకప్ రూమ్‌కు తీసుకెళ్లి జాగ్రత్తలు తీసుకున్నారనే కథనాలు ఉన్నాయి.

అయితే విశేషం ఏమిటంటే, తన ఆరోగ్యం బాగోలేని పరిస్థితుల్లో కూడా షూటింగ్‌కు ఆటంకం కలగకుండా చూసే ప్రయత్నం చేసేవారని అంటారు. నిర్మాతలకు, దర్శకులకు ఇబ్బందులు తలెత్తకూడదని భావించి కొంత సమయం తర్వాత తిరిగి షూటింగ్‌లో పాల్గొనడానికి సిద్ధమయ్యారట.