Shreya Goshal | శ్రేయా ఘోషల్ రియల్ ఎస్టేట్ దూకుడు… మరో రూ.21 కోట్ల లగ్జరీ ఫ్లాట్ కొనుగోలు

Shreya Goshal | మెలోడీ క్వీన్‌గా పేరు గాంచిన శ్రేయా ఘోష‌ల్‌ రియల్ ఎస్టేట్ రంగంలో వరుస పెట్టి పెట్టుబడులు పెడుతున్నారు. తాజాగా ముంబైలోని శాంతాక్రజ్ వెస్ట్ ప్రాంతంలో ఆమె సుమారు రూ.20.88 కోట్లతో ఒక విలాసవంతమైన అపార్ట్‌మెంట్‌ను కొనుగోలు చేసినట్లు సమాచారం.

Shreya Goshal | మెలోడీ క్వీన్‌గా పేరు గాంచిన శ్రేయా ఘోష‌ల్‌ రియల్ ఎస్టేట్ రంగంలో వరుస పెట్టి పెట్టుబడులు పెడుతున్నారు. తాజాగా ముంబైలోని శాంతాక్రజ్ వెస్ట్ ప్రాంతంలో ఆమె సుమారు రూ.20.88 కోట్లతో ఒక విలాసవంతమైన అపార్ట్‌మెంట్‌ను కొనుగోలు చేసినట్లు సమాచారం.

రియల్ ఎస్టేట్ డేటా ఆధారాల ప్రకారం, ఈ ఆస్తిని శ్రేయా తన కుటుంబ సభ్యులు శర్మిష్ఠ ఘోషల్, బిశ్వజిత్ ఘోషల్‌లతో కలిసి రిజిస్టర్ చేయించారు. ఈ కొనుగోలు ద్వారా ఆమె రియల్ ఎస్టేట్ రంగంపై చూపుతున్న ఆసక్తి మరింత స్పష్టమైంది.

భారీ పెట్టుబ‌డులు..

ఇది కేవలం ఒక కొనుగోలు మాత్రమే కాదు. గత మూడు నెలల్లోనే ఆమె చేసిన మూడవ భారీ పెట్టుబడి ఇదే. ఈ నెల ప్రారంభంలో ముంబైలోని వర్లీలో సుమారు రూ.60 కోట్లతో రెండు ఖరీదైన ఫ్లాట్లను కొనుగోలు చేసిన విషయం తెలిసిందే. ఇప్పుడు శాంతాక్రజ్‌లో కొనుగోలు చేసిన ఈ అపార్ట్‌మెంట్‌తో కలిపి మొత్తం పెట్టుబడి రూ.80 కోట్లకు పైగా చేరింది.

కొత్తగా కొనుగోలు చేసిన ఈ ఫ్లాట్ శాంతాక్రజ్ సరోజిని రోడ్‌లోని ‘వాయు’ అనే ఆధునిక నిర్మాణంలో ఉంది. ఎగువ అంతస్తులో ఉన్న ఈ అపార్ట్‌మెంట్ విస్తీర్ణం సుమారు 2,900 చదరపు అడుగులు. ఈ లావాదేవీకి సంబంధించి సుమారు రూ.1.25 కోట్ల స్టాంప్ డ్యూటీ చెల్లించినట్లు సమాచారం. అదనంగా మూడు కార్ పార్కింగ్ సౌకర్యాలు కూడా ఇందులో భాగంగా ఉన్నాయి.

రూ.1.78 కోట్ల స్టాంప్ డ్యూటీ

ఇక వర్లీ ప్రాంతంలో ఆమె కొనుగోలు చేసిన రెండు ఫ్లాట్లు కూడా అత్యంత ప్రీమియం ప్రాజెక్ట్‌లో భాగమని తెలుస్తోంది. ఆ డీల్ కోసం మాత్రమే సుమారు రూ.1.78 కోట్ల స్టాంప్ డ్యూటీ చెల్లించడం విశేషం.

ముంబైలో రియల్ ఎస్టేట్ ధరలు రోజురోజుకు పెరుగుతున్నప్పటికీ, ప్రముఖులు మాత్రం విలాసవంతమైన గృహాలపై భారీగా పెట్టుబడులు పెడుతున్నారు. ఇటీవల నటి టబు కూడా నగరంలోని వెర్సోవా ప్రాంతంలో ఖరీదైన ఇల్లు కొనుగోలు చేయడం గమనార్హం.

మొత్తంగా చూస్తే, తన ఆదాయాన్ని భవిష్యత్ భద్రత కోసం రియల్ ఎస్టేట్‌లో పెట్టుబడిగా మార్చుకుంటున్న శ్రేయా ఘోష‌ల్ నిర్ణయం ఇప్పుడు సినీ వర్గాల్లో చర్చనీయాంశంగా మారింది.