JD Vance’s Remark | “అనుకోనిదేమైనా జరిగితే…” – ట్రంప్ ఆరోగ్యంపై JD వాన్స్ వ్యాఖ్యలతో మరింత గందరగోళం

అమెరికా అధ్యక్షుడు డోనాల్డ్ ట్రంప్ ఆరోగ్యంపై ఊహాగానాల నడుమ, ఉపాధ్యక్షుడు JD వాన్స్ “దేవుడు అనుకోని దురదృష్టం కలిగిస్తే నేను సిద్ధం” అన్న వ్యాఖ్యలు అమెరికా రాజకీయాల్లో కలకలానికి దారి తీశాయి. వైట్‌హౌస్ ట్రంప్‌కి ఉన్న Chronic Venous Insufficiency (CVI) ప్రాణహాని కలిగించేదికాదని తెలిపినా, వారసత్వంపై చర్చలు వేడెక్కుతున్నాయి.

JD Vance’s Remark |  అమెరికా అధ్యక్షుడు డోనాల్డ్ ట్రంప్ ఆరోగ్యం చుట్టూ వస్తున్న ఊహాగానాల నడుమ, ఉపాధ్యక్షుడు JD వాన్స్ చేసిన సంచలన వ్యాఖ్యలు అమెరికా రాజకీయాల్లో పెద్ద చర్చకు దారి తీసాయి. USA Today ‌కి ఇచ్చిన ఇంటర్వ్యూలో వాన్స్, “అవును, దురదృష్టకర సంఘటనలు జరగవచ్చు. కానీ నేను చాలా నమ్మకంగా ఉన్నాను—అధ్యక్షుడు ట్రంప్ ఆరోగ్యంగానే ఉన్నారు, ఆయన తన పదవీ కాలాన్ని పూర్తి చేస్తారు. అయినప్పటికీ, దేవుడు అనుకోని దురదృష్టం కలిగిస్తే, గత 200 రోజుల్లో నాకు వచ్చిన అనుభవం కంటే మంచి ‘on-the-job training’ వేరేది ఉండదు” అని పేర్కొన్నారు.

వాన్స్ ఇంకా ట్రంప్ శక్తి, చురుకుదనం గురించి మాట్లాడుతూ, “అధ్యక్షుడు వయసులో పెద్దవారు అయినప్పటికీ, ఆయన శక్తి అద్భుతం. ఆయన చుట్టూ పనిచేసే వారు ఆయనకంటే చిన్నవారే అయినా, రోజు చివరి ఫోన్ కాల్ చేసేదీ ఆయనే. ఉదయం లేచే మొదటి కాల్​ కూడా ఆయనదే” అని ప్రశంసించారు.

ఈ వ్యాఖ్యలు బయటకు రావడంతో, JD వాన్స్‌ను ట్రంప్ వారసుడిగా పరిగణించే అవకాశాలపై అమెరికా రాజకీయాల్లో కొత్త ఊహాగానాలు మొదలయ్యాయి.

ట్రంప్ ఆరోగ్య అప్‌డేట్

గత నెలలో వైట్‌హౌస్ ప్రకటించిన ప్రకారం, అధ్యక్షుడు ట్రంప్‌కి Chronic Venous Insufficiency (CVI) అనే రక్తప్రసరణ సమస్య ఉందని తేలింది. ఇది కాళ్లలో స్వల్ప వాపు కలిగించే వ్యాధి మాత్రమే, కానీ ప్రాణహాని కలిగించేది కాదని వైద్యులు చెప్పారు. అలాగే ఇటీవల ఆయన చేతిపై కనిపించిన మచ్చలు (bruises) గురించి కూడా క్లారిటీ ఇచ్చారు—అవి తరచుగా హ్యాండ్‌షేక్‌లు చేయడం, అలాగే ఆయన వాడే ఆస్పిరిన్ ఔషధం వల్లే వచ్చాయని వైద్యుల వివరణ. అయితే, ఈ మచ్చలను తర్వాత ఆయన పబ్లిక్​గా కనిసించినప్పుడు మేకప్‌తో కప్పిపుచ్చారని కొన్ని మీడియా రిపోర్టులు చెప్పాయి.

25వ సవరణ & వారసత్వం

అమెరికా రాజ్యాంగంలోని 25వ సవరణ ప్రకారం, అధ్యక్షుడు మరణించినా, రాజీనామా చేసినా లేదా పదవి నుండి తొలగింపబడ్డా, ఉపాధ్యక్షుడు వెంటనే అధ్యక్ష పదవి చేపడతారు. చరిత్రలో ఇప్పటివరకు తొమ్మిది సార్లు ఉపాధ్యక్షులు ఇలాగే అధ్యక్ష పదవి చేపట్టిన సందర్భాలు ఉన్నాయి. ఈ నేపథ్యంలో JD వాన్స్ వ్యాఖ్యలు మరింత ప్రాధాన్యత సంతరించుకున్నాయి.

ట్రంప్ స్వయానా JD వాన్స్ గురించి

ట్రంప్ స్వయంగా కూడా JD వాన్స్ వారసత్వంపై మాట్లాడారు. ఫాక్స్ న్యూస్ రిపోర్టర్ పీటర్ డూసీ ప్రశ్నించగా, ట్రంప్ స్పందిస్తూ, “అవును, ఎక్కువగా JD వాన్స్‌నే. ఆయన ఉపాధ్యక్షుడు కాబట్టి సహజంగానే వారసుడిగా భావించవచ్చు. ఇంకా మార్కో రూబియో కూడా JDతో కలిసే అవకాశం ఉంది” అని వ్యాఖ్యానించారు. ఇది వాన్స్‌ను MAGA heir-apparentగా ట్రంప్ పరోక్షంగా అంగీకరించినట్టే.

ట్రంప్ ఆరోగ్యం గురించి పుకార్లు, JD వాన్స్ చేసిన వ్యాఖ్యలు, వైట్‌హౌస్ ఇచ్చిన వివరణ—all కలిపి అమెరికా రాజకీయాల్లో పెద్ద చర్చకు కారణమవుతున్నాయి. ఒకవైపు ట్రంప్ ఆరోగ్యంగానే ఉన్నారని అధికారికంగా చెబుతున్నప్పటికీ, ఆయన గైర్హాజరు మరియు JD వాన్స్ “దేవుడు అనుకోకుండా…” అన్న వ్యాఖ్యలు వలన వారసత్వంపై చర్చలు వేడెక్కుతున్నాయి. అమెరికా రాజకీయాల భవిష్యత్తు దిశను నిర్దేశించే ఈ పరిణామాలు ప్రపంచవ్యాప్తంగా ఆసక్తికర చర్చలకు దారి తీస్తున్నాయి.