US Flight Delays : అమెరికాకు షట్ డౌన్ ఎఫెక్ట్.. నిలిచిన 8 వేల విమానాలు!

అమెరికా ప్రభుత్వ షట్‌డౌన్‌ ప్రభావం తీవ్రం ఎయిర్‌ ట్రాఫిక్‌ సిబ్బంది హాజరుకాకపోవడంతో 8 వేలకుపైగా విమాన సర్వీసులు నిలిచిపోయాయి. ప్రయాణికులు ఇబ్బందుల్లో.

న్యూఢిల్లీ : అమెరికా ప్రభుత్వ షట్ డౌన్ నిర్ణయం విమాన సర్వీస్ లకు తీవ్ర ఎఫెక్ట్ గా మారిరంది. షట్ డౌన్ కారణంగా విధులకు ఎయిర్ ట్రాఫిక్ కంట్రోల్ సిబ్బంది విధులకు హాజరుకాకపోవడంతో అమెరికా వ్యాప్తంగా 22 చోట్ల ఎయిర్ ట్రాఫిక్ సమస్యలు నెలకొని.. 8 వేల విమాన సర్వీసులకు అంతరాయం ఏర్పడింది. చాలాచోట్ల ఎయిర్‌ ట్రాఫిక్‌ కంట్రోల్‌ సిబ్బంది విధులకు హాజరుకాకపోవడంతో వేలాది విమానాలు ఆలస్యంగా నడుస్తున్నాయి. సౌత్‌వెస్ట్‌ ఎయిర్‌లైన్స్‌లో 45శాతం అంటే దాదాపు 2వేల విమానాలు ఆలస్యంగా నడుస్తున్నాయి. అమెరికన్‌ ఎయిర్‌లైన్స్‌కు చెందిన 1200, యునైటెడ్‌ ఎయిర్‌లైన్స్‌కు చెందిన 739, డెల్టా ఎయిర్‌లైన్స్‌కు చెందిన 600 విమాన సర్వీసులకు అంతరాయం ఏర్పడింది.

ప్రభుత్వ షట్‌డౌన్‌ కారణంగా ఫెడరల్‌ ఏవియేషన్‌ అడ్మినిస్ట్రేషన్‌కు చెందిన 22 ప్రాంతాల్లోని ఎయిర్‌ ట్రాఫిక్‌ కంట్రోల్‌ సిబ్బంది కొరత ఏర్పడిందని అమెరికా రవాణా మంత్రి శాన్‌ డఫీ వెల్లడించారు. రానున్న రోజుల్లో సిబ్బంది కొరత మరింత ఎక్కువగా ఉండే అవకాశం ఉందని, దీంతో విమానాల ఆలస్యం, సర్వీసుల రద్దు సమస్యలు మరింత పెరగొచ్చని పేర్కొన్నారు. అమెరికా కాలమానం ప్రకారం ఆదివారం రాత్రి 11 గంటల వరకు దాదాపు 8 వేలకు పైగా విమానాలు ఆలస్యంగా నడుస్తున్నట్లు ఫ్లైట్‌ అవేర్‌ వెబ్‌సైట్‌ వెల్లడించింది.