విప్‌లుగా నలుగురు ఎమ్మెల్యేల నియామకం

తెలంగాణ ప్రభుత్వ విప్‌లుగా నలుగురు ఎమ్మెల్యేలు ఆడ్లూరి లక్ష్మణ్‌, ఆది శ్రీనివాస్‌, బీర్ల అయిలయ్య, రామచంద్రనాయక్‌లను నియమించారు

విధాత : తెలంగాణ ప్రభుత్వ విప్‌లుగా నలుగురు ఎమ్మెల్యేలు ఆడ్లూరి లక్ష్మణ్‌, ఆది శ్రీనివాస్‌, బీర్ల అయిలయ్య, రామచంద్రనాయక్‌లను నియమించారు. ఈ మేరకు ప్రభుత్వం ఉత్తర్వులు జారీ చేసింది. సీఎం రేవంత్‌రెడ్డి ప్రభుత్వం తనతో పాటు 12మంది మంత్రివర్గంతో కొలువు తీరగా, మరో ఆరు ఖాళీలున్నాయి.

కాంగ్రెస్‌ పార్టీ అధికారంలోకి రావడంతో పదవుల రేసులో భారీగా ఆశావహులున్నారు. వారిని ఎమ్మెల్సీలు, కార్పోరేషన్ చైర్మన్లు తదితర పోస్టుల భర్తీ ద్వారా సర్ధుబాటు చేసే దిశగా రేవంత్ ప్రభుత్వం కసరత్తు ఆరంభించింది. ఈ క్రమంలో నలుగురు ఎమ్మెల్యేలకు ప్రభుత్వ విప్ పదవులు కట్టబెట్టింది.