వర్ధన్నపేట బీఆరెస్ మాజీ ఎమ్మెల్యే ఆరూరి రమేష్ పార్టీ మార్పు వ్యవహారం హైజాక్ల డ్రామ మధ్య కొనసాగింది. బుధవారం బీజేపీలో చేరేందుకు హన్మకొండలోని తన నివాసంలో ఆరూరి రమేశ్ బీఆరెస్ నాయకులతో భేటీ అయ్యారు
విధాత, హైదరాబాద్ : వర్ధన్నపేట బీఆరెస్ మాజీ ఎమ్మెల్యే ఆరూరి రమేష్ పార్టీ మార్పు వ్యవహారం హైజాక్ల డ్రామ మధ్య కొనసాగింది. బుధవారం బీజేపీలో చేరేందుకు హన్మకొండలోని తన నివాసంలో ఆరూరి రమేశ్ బీఆరెస్ నాయకులతో భేటీ అయ్యారు. ఈ సమాచారం తెలుసుకున్న మాజీ మంత్రి ఎర్రబెల్లి దయాకర్ రావు ఆరూరి నివాసానికి వెళ్లి ఆయనకు నచ్చచెప్పే ప్రయత్నం చేశారు. ఫలితం లేకపోవడంతో బలవంతంగా ఆయనను తన కారులో ఎక్కించుకుని మాజీ మంత్రి హరీశ్రావు వద్దకు తీసుకెళ్లేందుకు హైదరాబాద్ బయలుదేరారు. ఈ విషయం తెలుసుకున్న బీజేపీ శ్రేణులు జనగామ జిల్లా పెంబర్తి వద్ధ దయాకర్రావు కారును అడ్డుకుని ఆరూరి రమేశ్ను తమ వాహనంలోకి ఎక్కించారు. ఈ సందర్భంగా రెండు వర్గాల మధ్య తోపులాట, వాగ్వివాదం సాగింది. తోపులాటలో ఆరూరి రమేశ్ చొక్కా సైతం చిరిగిపోయింది. చివరకు బీజేపీ శ్రేణులు ఆరూరి రమేశ్ను తమ వాహనంలో ఎక్కించుకుని బీజేపీ స్టేట్ చీఫ్ కిషన్రెడ్డి వద్ధకు తీసుకెళ్లేందుకు హైదరాబాద్ వైపు సాగారు.