Dubbaka | సోలిపేట ఫ్యామిలీకి మొండిచేయి దుబ్బాకలో కొత్త ప్రభాకర్ రెడ్డికి చాన్స్

Dubbaka | విధాత, మెదక్ ప్రత్యేక ప్రతినిధి: మెదక్ ఉమ్మడి జిల్లా దుబ్బాక నియోజక వర్గం టికెట్… సోలిపేట రామలింగారెడ్డి ఫ్యామిలీకి బీఆర్ఎస్ అధిష్టానం మొండిచేయి చూపింది. మెదక్ ఎంపీగా ప్రాతినిధ్యం వహిస్తున్న కొత్త ప్రభాకర్ రెడ్డి కి అవకాశం కల్పించారు. ఇక్కడి నుండి 2004 నుండి గెలుస్తూ వచ్చిన దివంగత సోలిపేట రామలింగారెడ్డి ఫ్యామిలీకి బీఆర్ఎస్ టికెట్ కేటాయించలేదు. సోలిపేట రామలింగారెడ్డి అకాల మరణంతో దుబ్బాక నియోజకవర్గంలో జరిగిన ఉప ఎన్నికల్లో ఆయన సతీమణి సోలిపేట […]

Dubbaka |

విధాత, మెదక్ ప్రత్యేక ప్రతినిధి: మెదక్ ఉమ్మడి జిల్లా దుబ్బాక నియోజక వర్గం టికెట్… సోలిపేట రామలింగారెడ్డి ఫ్యామిలీకి బీఆర్ఎస్ అధిష్టానం మొండిచేయి చూపింది. మెదక్ ఎంపీగా ప్రాతినిధ్యం వహిస్తున్న కొత్త ప్రభాకర్ రెడ్డి కి అవకాశం కల్పించారు. ఇక్కడి నుండి 2004 నుండి గెలుస్తూ వచ్చిన దివంగత సోలిపేట రామలింగారెడ్డి ఫ్యామిలీకి బీఆర్ఎస్ టికెట్ కేటాయించలేదు.

సోలిపేట రామలింగారెడ్డి అకాల మరణంతో దుబ్బాక నియోజకవర్గంలో జరిగిన ఉప ఎన్నికల్లో ఆయన సతీమణి సోలిపేట సుజాతకు అవకాశం ఇచ్చారు. బీజేపీ అభ్యర్థి రఘునందన్ రావు స్వల్ప ఓట్ల మెజారిటీతో సుజాతారెడ్డిపై గెలుపొందారు. ప్రస్తుత ఎన్నికల్లో పోటీ చేసేందుకు సీఎం కేసీఆర్ సోలిపేట రామలింగారెడ్డి ఫ్యామిలీకి అవకాశం ఇవ్వలేదు.

పార్టీ అధికారంలోకి వస్తే ఆ కుటుంబానికి కార్పొరేషన్ చైర్మన్, లేదా ఎమ్మెల్సీగా అవకాశం కల్పిస్తామని… మంత్రి హరీష్ రావుతో సోలిపేట రామలింగారెడ్డి కుటుంబానికి చెప్పించి నట్లు తెలుస్తోంది. 2001 నుంచి కేసీఆర్ కు అండగా నిలిచిన సోలిపేట ఫ్యామిలీకి ఒక రకంగా అన్యాయమే జరిగిందని మద్దతుదారులు వాపోతున్నారు.

బీజేపీ నుండి బలమైన అభ్యర్థి రఘునందన్ రావు ఉండడంతో కొత్త ప్రభాకర్ రెడ్డి వైపు పార్టీ టికెట్ ఇచ్చేందుకు మొగ్గు చూపినట్లు సమాచారం. అప్పుడు ఉన్న పరిస్థితుల్లో సోలిపేట రామలింగారెడ్డి కుమారుడు సోలిపేట సతీష్ కు టికెట్ ఇస్తే గెలిచే వారని అంటున్నారు.

ఆ ఎన్నికల్లో సుజాతకు అవకాశం ఇచ్చి, ఇప్పుడు ఆ కుటుంబాన్ని విస్మరించడం సోలిపేట అభిమానుల్లో అసంతృప్తి నెలకొంది. సోలిపేట సతీష్ రెడ్డికి అవకాశం దక్కుతుందని భావించిన వారి అనుచరులు నిరాశ చెందారు. కొత్త ప్రభాకర్ రెడ్డి గెలుపు కోసం పనిచేస్తారా.. లేదా మరో నిర్ణయం తీసుకుంటారో వేచి చూడాలి.