Google Pixel Watch 2 | అదిరిపోయే ఫీచర్లతో గూగుల్‌ ‘పిక్సెల్‌’ స్మార్ట్‌వాచ్‌ వచ్చేస్తోంది..! అవేంటో తెలిస్తే వావ్‌ అనకమానరు..!

Google Pixel Watch 2 | ప్రపంచం స్మార్ట్‌గా మారుతున్నది. చేతిలో స్మార్ట్‌ఫోన్‌ లేని మనిషి కనిపించడం లేదు. ఆ తర్వాత చాలా మంది స్మార్ట్‌ వాచ్‌లపై మక్కువ చూపిస్తున్నారు. హెల్త్ మానిటరింగ్, స్టయిలిష్‌ డిజైన్స్‌ తదితర ఫీఛర్లు ఉండడంతో వాటికి ధరించేందుకు మక్కువ చూపుతున్నారు. ఇప్పటికే మార్కెట్లోకి ఎన్నో మోడల్స్‌ స్మార్ట్‌వాచ్‌లు వచ్చాయి. ఈ క్రమంలోనే గూగుల్‌ కొత్త స్మార్ట్‌వాచ్‌ను విడుదల చేసేందుకు సన్నద్ధమవుతున్నది. ‘పిక్సెల్‌’ ఈవెంట్‌ నిర్వహించేందుకు ఏర్పాట్లు చేస్తున్నది.

అక్టోబర్‌ 4న ‘పిక్సెల్‌’ ఈవెంట్‌

అక్టోబర్‌ 4న జరిగే ఈ వెంట్‌లో పిక్సెల్‌ 8 సిరీస్‌ను గూగుల్‌ కంపెనీ లాంచ్‌ చేయనున్నది. అయితే, ఈ ఈవెంట్‌లో పిక్సెల్‌ వాచ్‌-2ని సైతం విడుదల చేయనున్నట్లు తెలుస్తున్నది. అయితే, లాంచ్‌కు ముందే వాచ్‌కు సంబంధించి ఫీచర్స్‌ ఆన్‌లైన్‌లో లీక్‌ అయ్యాయి. పిక్సెల్​ స్మార్ట్‌ వాచ్‌ ఫస్ట్‌ జనరేషన్‌ మోడల్‌ను పోలి ఉండనున్నది. రైట్​ సైడ్​లో రౌండ్​ బెజెల్​ లెస్​ డిస్​ప్లే, మెటల్​ క్రౌన్​ ఉండగా.. ఈ వాచ్‌ను వందశాతం అల్యూమినియంతో తయారు చేసినట్లు సమాచారం. ఇందులో కొత్తగా మూడు సెన్సార్‌ ఏర్పాటు చేసినట్లు తెలుస్తున్నది. ఇందులో పాలిష్​డ్​ సిల్వర్, మాట్​ బ్లాక్​-ఓబ్సీడియన్​, షాంపైన్​ గోల్డ్​- హాజెల్​, పాలిష్డ్​ సిల్వర్- పోర్సెలిన్​ తదితర రంగుల్లో వాచ్‌ అందుబాటులో ఉండనున్నట్లు తెలుస్తున్నది. ఈ వాచ్​కు మెటల్​ స్లిమ్​, యాక్టివ్​ స్పోర్ట్​ బాండ్స్​ను గూగుల్‌ ఇవ్వనున్నది.

మల్టీ పాత్​ హార్ట్​రేట్​ సెన్సార్​, స్ట్రెస్​ మేనేజ్​మెంట్​ సిస్టం..

ఈ స్మార్ట్​వాచ్​లో ఫిట్​బిట్​కి చెందిన మల్టీ పాత్​ హార్ట్​రేట్​ సెన్సార్​, స్ట్రెస్​ మేనేజ్​మెంట్​ సిస్టం తదితరాలు ఉండనున్నట్లు తెలుస్తున్నది. వీటితో వ్యాయామాలను, ఒత్తిడితో శరీరంలో కనిపించే మార్పులను వాచ్‌ రికార్డు చేయనున్నది తెలుస్తున్నది. వీటితో పాటు అనేక హెల్త్​, ఫిట్​నెస్​ ట్రాకింగ్​ ఫీచర్స్​, ఫాల్​ డిటెక్షన్​, ఎమర్జెన్సీ ఎస్​ఓఎస్​, హార్ట్​ జోన్​ ట్రైనింగ్​, ఆరు నెలల ఫ్రీ ఫిట్​బిట్​ ప్రీమియం తదితర ఫీచర్స్‌ కూడా ఉన్నాయని తెలుస్తున్నది.

భారత్‌లో ఎప్పుడంటే..

గూగుల్​ పిక్సెల్​ వాచ్​-2 స్మార్ట్‌ వాచ్‌లో 24 గంటల బ్యాటరీ లైఫ్​ ఉండనుండగా.. కేవలం 75 నిమిషాల్లో ఫుల్​ ఛార్జింగ్​ అవుతుందని సమాచారం. వీటితో పాటు ఇంకా పలు సేఫ్టీ ఫీచర్స్‌ను సైతం గూగుల్‌ అప్‌డేట్‌ చేసిందని తెలుస్తున్నది. ఎమర్జెన్సీ సర్వీసెస్​ సమయంలో మెడికల్​ డేటాను సైతం షేర్‌ చేసుకునే అవకాశం ఉన్నట్లు తెలుస్తున్నది. అయితే, దీనిపై ఇప్పటి వరకు కంపెనీ ప్రకటించలేదు. అక్టోబర్‌ 4న జరిగే ఈవెంట్‌లో క్లారిటీ రానున్నది. ఇక వాచ్‌ భారత్‌లోనూ లాంచ్‌ కానున్నది. అక్టోబర్‌ 5న వివరాలను సంస్థ ప్రకటించే అవకాశాలున్నాయి.