TU VC | తెలంగాణ యూనివ‌ర్సిటీ వీసీ ర‌వీంద‌ర్ గుప్తా అరెస్ట్

TU VC | నిజామబాద్‌లోని తెలంగాణ యూనివర్సిటీ ఉప కుల‌ప‌తి దాచేపల్లి రవీందర్‌ గుప్తాను ఏసీబీ అధికారులు శ‌నివారం సాయంత్రం అరెస్టు చేశారు. తార్నాక‌లోని ఆయ‌న నివాసంలో దాదాపు 8 గంట‌ల పాటు సోదాలు నిర్వ‌హించిన అనంత‌రం ర‌వీంద‌ర్ గుప్తాను అరెస్టు చేస్తున్న‌ట్లు ఏసీబీ అధికారులు ప్ర‌క‌టించారు. ర‌వీంద‌ర్ గుప్తాను ఏసీబీ అధికారులు ఆస్ప‌త్రికి త‌ర‌లించారు. మ‌రికాసేప‌ట్లో ప్ర‌త్యేక ఏసీబీ కోర్టులో ర‌వీంద‌ర్ గుప్తాను అధికారులు హాజ‌రు ప‌ర‌చ‌నున్నారు. హైదరాబాద్‌లోని తార్నాకలో ఉన్న తన నివాసంలో ర‌వీంద‌ర్ […]

TU VC |

నిజామబాద్‌లోని తెలంగాణ యూనివర్సిటీ ఉప కుల‌ప‌తి దాచేపల్లి రవీందర్‌ గుప్తాను ఏసీబీ అధికారులు శ‌నివారం సాయంత్రం అరెస్టు చేశారు. తార్నాక‌లోని ఆయ‌న నివాసంలో దాదాపు 8 గంట‌ల పాటు సోదాలు నిర్వ‌హించిన అనంత‌రం ర‌వీంద‌ర్ గుప్తాను అరెస్టు చేస్తున్న‌ట్లు ఏసీబీ అధికారులు ప్ర‌క‌టించారు. ర‌వీంద‌ర్ గుప్తాను ఏసీబీ అధికారులు ఆస్ప‌త్రికి త‌ర‌లించారు. మ‌రికాసేప‌ట్లో ప్ర‌త్యేక ఏసీబీ కోర్టులో ర‌వీంద‌ర్ గుప్తాను అధికారులు హాజ‌రు ప‌ర‌చ‌నున్నారు.

హైదరాబాద్‌లోని తార్నాకలో ఉన్న తన నివాసంలో ర‌వీంద‌ర్ గుప్తా శ‌నివారం ఉద‌యం లంచం తీసుకుంటుండగా ఏసీబీ అధికారులు ఆయనను రెడ్ హ్యాండెడ్‌గా పట్టుకున్నారు. నిజామాబాద్‌ జిల్లాలోని భీమ్‌గల్‌లో పరీక్షా కేంద్రం ఏర్పాటుకు రవీందర్‌ గుప్తా రూ. 50 వేలు లంచం తీసుకుంటుండ‌గా ఆయ‌న‌ను అదుపులోకి తీసుకున్నారు.

గతకొన్ని రోజులుగా తెలంగాణ విశ్వవిద్యాలయంలో గందరగోళం నెలకొన్న విషయం తెలిసిందే. వర్సిటీ రిజిస్ట్రార్‌ నియామకం విషయంలో పాలకమండలితో వీసీకి తలపడిన విషయం తెలిసిందే. అయితే వర్సిటీలో పరిస్థితులు రోజురోజుకూ ప్రతికూలంగా మారుతుండటంతో వీసీ వెనక్కి తగ్గారు.

రిజిస్ట్రార్‌గా ప్రొఫెసర్‌ యాదగిరిని నియమిస్తూ శుక్రవారం ఉత్తర్వులిచ్చారు. అయితే తాజాగా వీసీ రవీందర్‌ గుప్తా లంచం తీసుకుంటూ ఏసీబీకీ పట్టుబడటం గమనార్హం. వీసీ ఏసీబీ అధికారుల‌కు ప‌ట్టుబ‌డిన త‌ర్వాత విద్యార్థులు తెలంగాణ యూనివ‌ర్సిటీలో సంబురాలు నిర్వ‌హించారు.