లైంగిక వాంఛల కట్టడిపై క‌ల‌క‌త్తా హైకోర్టు వ్యాఖ్య‌ల‌ను త‌ప్పుబ‌ట్టిన సుప్రీం

యుక్త వయసులో ఉన్న బాలికలు లైంగిక వాంఛల విషయంలో కట్టడిలో ఉండాలంటూ క‌ల‌క‌త్తా హైకోర్టు చేసిన వ్యాఖ్య‌ల‌ను సుప్రీంకోర్టు తప్పుపట్టింది

విధాత‌: యుక్త వయసులో ఉన్న బాలికలు లైంగిక వాంఛల విషయంలో కట్టడిలో ఉండాలంటూ క‌ల‌క‌త్తా హైకోర్టు చేసిన వ్యాఖ్య‌ల‌ను సుప్రీంకోర్టు తప్పుపట్టింది. ఈ వ్యాఖ్యలను సుప్రీంకోర్టు సూమోటోగా తీసుకున్నది. న్యాయమూర్తులు ఉద్బోధనలు, సొంత అభిప్రాయాలు వ్యక్తం చేయరాదని వ్యాఖ్యానించింది.

యుక్త వయసులో ఉన్న బాలికలు రెండు నిమిషాల సుఖం కోసం సమాజంలో తలదించుకునే పరిస్థితి తెచ్చుకోవద్దని కలకత్తా హైకోర్టు పేర్కొనడంపై ఈ మేరకు సుప్రీంకోర్టు స్పందించింది. కౌమారదశలో ఉన్న బాలలకు వ్యక్తిగత గోప్యత హక్కు కల్పిస్తున్న ఆర్టిక‌ల్‌ 21ని భంగపర్చేలా వ్యాఖ్యలు ఉన్నాయని పేర్కొన్నది. కలకత్తా హైకోర్టు ఈ వ్యాఖ్యలు చేసిన కేసులో బెంగాల్‌ ప్రభుత్వానికి, నిందితుడికి, బాధిత బాలికకు నోటీసులు జారీ చేసింది.