కర్ణాటక రాష్ట్రంలో అధికార కాంగ్రెస్ పార్టీ ప్రభుత్వ సారధి, సీఎం డీకే శివకుమార్ కేబినెట్ విస్తరణకు సిద్దమయ్యారు. ముఖ్యమంత్రి డీకే శివకుమార్ ఢిల్లీలో ఏఐసీసీ అధ్యక్షుడు మల్లిఖార్జున్ ఖర్గే, రాహుల్ గాంధీ, కేసీ వేణుగోపాల్ లతో జరిగిన సుదీర్ఘ చర్చల అనంతరం మంత్రివర్గ విస్తరణ ప్రక్రియకు హైకమాండ్ నుంచి ఆమోదం లభించింది. కాంగ్రెస్ హైకమాండ్ తో జరిగిన భేటీలో ముఖ్యమంత్రి డీకే శివకుమార్, మాజీ ముఖ్యమంత్రి సిద్ధరామయ్య, కేపీసీసీ అధ్యక్షుడు బీకే హరిప్రసాద్లు పాల్గొన్నారు. మొత్తం 20 మంది కొత్త మంత్రుల పేర్లకు పార్టీ అధిష్ఠానం గ్రీన్ సిగ్నల్ ఇచ్చినట్లు కాంగ్రెస్ ప్రధాన కార్యదర్శి కే.సీ. వేణుగోపాల్ జారీ చేసిన లేఖలో పేర్కొన్నారు.
సోమవారం సాయంత్రం నూతన మంత్రుల పదవీ ప్రమాణ స్వీకారం ప్రక్రియ జరుగనుంది. సామాజిక, ప్రాంతీయ సమీకరణాలను పరిగణలోకి తీసుకుని హైకమాండ్ మంత్రివర్గ విస్తరణ చేపట్టింది. యువత, మైనారిటీలకు కేబినెట్లో పెద్దపీట వేసింది. సిద్దరామయ్య నుంచి అధికార మార్పిడి సందర్బంగా గత జూన్ 4న డీకే శివకుమార్ కర్నాటక ముఖ్యమంత్రిగా ప్రమాణ స్వీకారం చేసిన విషయం తెలిసిందే. ఆ సమయంలో ఆయనతో పాటు మరో 13 మంది మంత్రులుగా ప్రమాణ స్వీకారం చేశారు. కర్ణాటక మంత్రివర్గం పూర్తి స్థాయి సామర్థ్యం 34 మంది. కొత్తగా 20 మంది మంత్రులు కేబినెట్ లో చేరబోతున్నారు.
కొత్త మంత్రుల జాబితా ఇదే..
1. పీఎం నరేంద్రస్వామి, 2. శివరాజ్ తంగడగి, 3. రుద్రప్ప లామాణి, 4. కేఎస్ బసవంత్రప్ప, 5. బీ నాగేంద్ర, 6. టీ రఘుమూర్తి, 7. బీజెడ్ జమీర్ అహ్మద్ ఖాన్, 8. రిజ్వాన్ అర్షద్, 9. సంతోష్ లాడ్, 10. మధు బంగారప్ప, 11. పుట్టరంగశెట్టి, 12. మంకాల వైద్య, 13. అజయ్ సింగ్, 14. ఎన్ చలువరాయస్వామి, 15. కేఎం శివలింగే గౌడ, 16. హెచ్సీ బాలకృష్ణ, 17. గాయత్రి శాంతే గౌడ, 18. బసవరాజ్ రాయారెడ్డి, 19. విజయానంద్ కాశప్పనవర్, 20. లక్ష్మణ్ సవది కొత్తగా కేబినెట్ లో మంత్రులుగా చేరబోతున్నారు.
మాజీ స్పీకర్ యూటీ ఖాదర్ మంత్రివర్గంలోకి చేరడంతో, రోన్ ఎమ్మెల్యే జీఎస్ పాటిల్ కర్ణాటక శాసనసభ కొత్త స్పీకర్గా నియమితులవుతారు. విరాజ్పేట ఎమ్మెల్యే ఏఎస్ పొన్నన్న డిప్యూటీ స్పీకర్గా బాధ్యతలు చేపట్టనున్నారు. అలాగే శాసనమండలిలో సీనియర్ సభ్యుడు సలీమ్ అహ్మద్ మండలి కొత్త చైర్మన్గా, కొత్తగా రాజకీయాల్లోకి వచ్చిన ఉమాశ్రీ డిప్యూటీ చైర్మన్గా ఎంపికయ్యారు.