విధాత : యాషెస్ సిరీస్‌లో భాగంగా పెర్త్‌ వేదికగా ఇంగ్లాండ్ తో జరిగిన మొదటి టెస్ట్‌ మ్యాచ్ లో ఆస్ట్రేలియా ఘన విజయం సాధించింది. 205 పరుగుల విజయ లక్ష్యాన్నిఆసీస్ ఓపెనర్ ట్రావెస్ హెడ్ సూపర్ సెంచరీ(123)తో కేవలం 2వికెట్లు మాత్రమే కోల్పోయి చేధించిన ఆస్ట్రేలియా..ఐదు టెస్టుల సిరీస్ లో 1-0తో ముందడుగు వేసింది. ఈ టెస్టు మ్యాచ్ రెండో రోజునే ఫలితం వెలువడటం గమనార్హం.
రెండోరోజు ఆటలో ఇంగ్లాండ్ తన రెండో ఇన్నింగ్స్ లో 34.4 ఓవర్లలో 164 పరుగులకు ఆలౌటైంది. మొదటి ఇన్నింగ్స్‌లో దక్కిన 40 పరుగుల ఆధిక్యంతో కలిపి ఆసీస్‌కు 205 పరుగుల లక్ష్యాన్ని నిర్దేశించింది. తొలి ఇన్నింగ్స్ లో మాదిరిగానే ఇంగ్లాండ్ రెండో ఇన్నింగ్స్ లోనూ ఆసీస్ బౌలర్లు ఆధిపత్యం చాటారు. దీంతో ఇంగ్లాండ్ బ్యాటర్లు మరోసారి స్వల్ప స్కోరుతోనే సరిపెట్టుకున్నారు.
ఇంగ్లాండ్ బ్యాటర్లలో గస్‌ అట్కిస్సన్‌ (37) టాప్‌ స్కోరర్‌గా నిలిచాడు. బెన్ డకెట్‌ (28), ఓలీ పోప్‌ (33), బ్రైడన్‌ కార్స్ (20) పరుగులు సాధించారు. ఓపెనర్ క్రాలే(0), బ్రూక్(0),జోరూట్(8), బెన్ స్టోక్స్(2), జెమీ స్మిత్(15), ఆర్చర్(5) విఫలమయ్యారు. ఆసీస్ బౌలర్లలో స్కాట్‌ బోల్యాండ్‌ 4, మిచెల్‌ స్టార్క్, బ్రైడెన్‌ డగ్గెట్‌ చెరో 3 వికెట్లు తమ ఖాతాలో వేసుకున్నారు.
ఆసీస్ బ్యాటర్ల దూకుడు
205పరుగుల విజయ లక్ష్యాన్ని చేధించడంలో ఆసీస్ బ్యాటర్లు దూకుడుగా ఆడారు. ఓపెనర్ వెదర్లాడ్ 23పరుగులకు కార్స్ బౌలింగ్ లో అవుటయ్యాడు. మరో ఓపెనర్ హెడ్ 123(83బంతుల్లో 16ఫోర్లు, 4సిక్సులు)లతో సూపర్ సెంచరీతో ఆసీస్ ను గెలుపు తీరాలకు చేర్చాడు. హెడ్ దూకుడుతో అసీస్ 28.2ఓవర్లలోనే లక్ష్యాన్ని పూర్తి చేసింది. లబుషైన్ (51 నాటౌట్)పరుగులతో, స్టీవ్ స్మిత్(2)పరుగులతో నాటౌట్ గా నిలిచారు. అసీస్ బౌలర్లలో కార్స్ 2 వికెట్లు పడగొట్టాడు.
అంతకు ముందు.. 123/9 ఓవర్‌నైట్‌ స్కోర్‌తో రెండో రోజు బ్యాటింగ్‌ ప్రారంభించిన ఆసీస్ 45.2 ఓవర్లలో 132 పరుగులకు ఆలౌటైంది. అలెక్స్‌ క్యారీ (26) టాప్‌ స్కోరర్‌ గా నిలిచాడు. ట్రావిస్‌ హెడ్ (21), కామెరూన్‌ గ్రీన్‌ (24) ఫర్వాలేదనిపించారు. జేక్‌ వెదర్లాండ్‌ (0), లబుషేన్‌ (9), స్టీవ్ స్మిత్ (17), ఉస్మాన్‌ ఖవాజా (2) విఫలమయ్యారు. ఇంగ్లాండ్ బౌలర్లలో బెన్‌స్టోక్స్‌ 5, బ్రైడన్‌ కార్స్ 3, జోఫ్రా ఆర్చర్ రెండు వికెట్లు తీసుకున్నారు. ఇంగ్లాండ్ తన మొదటి ఇన్నింగ్స్‌లో 172 పరుగులు చేసింది.
ఇవి కూడా చదవండి :
Australia vs England| యాషెస్ తొలి టెస్టులో ఆస్ట్రేలియా టార్గెట్ 205పరుగులు
Manchu Manoj : మంచు మనోజ్ కొత్త రూట్..మ్యూజిక్ సంస్థ షురు!