T20 World Cup Super 8 Explainer | టీ20 వరల్డ్ కప్ సూపర్ 8లో ఎనిమిది జట్లు… పూర్తి షెడ్యూల్ ఇదే!

టీ20 ప్రపంచ కప్ సూపర్ 8 దశకు భారత్, పాకిస్థాన్, ఇంగ్లాండ్ సహా 8 జట్లు అర్హత సాధించాయి. రెండు గ్రూపులుగా విభజించిన ఈ దశలో పూర్తి మ్యాచ్ షెడ్యూల్, నియమాలు, పాయింట్ల వ్యవస్థ వివరాలు ఇక్కడ.

T20 World Cup Super Eight Teams and Full Match Schedule

విధాత క్రీడా విభాగం | హైదరాబాద్​:

T20 World Cup Super 8 Explainer | టీ20 ప్రపంచ కప్ రెండో దశగా భావించే సూపర్ 8 పోరుకు ఎనిమిది జట్లు సిద్ధమయ్యాయి. గ్రూప్ దశ ముగిసిన తర్వాత పాకిస్థాన్ చివరి జట్టుగా అర్హత సాధించగా, ఆస్ట్రేలియా అనూహ్యంగా దూరం కావడం పెద్ద షాక్‌గా మారింది.

ఈ దశలో జట్లను రెండు గ్రూపులుగా విభజించారు. భారత్, దక్షిణాఫ్రికా, వెస్టిండీస్, జింబాబ్వే గ్రూప్-1లో ఉన్నాయి. ఇంగ్లాండ్, న్యూజిలాండ్, పాకిస్థాన్, శ్రీలంక గ్రూప్-2లో చోటు దక్కించుకున్నాయి.

ప్రతి జట్టు తమ గ్రూపులోని మిగతా మూడు జట్లతో ఒక్కో మ్యాచ్ ఆడుతుంది. మొత్తం మ్యాచ్‌లు ముగిసిన తర్వాత ప్రతి గ్రూప్ నుంచి టాప్-2 జట్లు సెమీఫైనల్‌కు చేరతాయి.

పాయింట్ల పద్ధతి ఎలా ఉంటుంది? వర్షం వస్తే పరిస్థితి?

సూపర్ 8 దశలో గ్రూప్ మ్యాచ్​ల పాయింట్లు, నెట్ రన్‌రేట్ లెక్కలోకి రావు. అన్ని జట్లు కొత్తగా పోటీ ప్రారంభిస్తాయి. గెలిచిన జట్టుకు 2 పాయింట్లు లభిస్తాయి. ఓడిన జట్టుకు పాయింట్లు ఉండవు. మ్యాచ్ టై అయితే సూపర్ ఓవర్ ద్వారా ఫలితం తేలుస్తారు.

వర్షం కారణంగా మ్యాచ్ రద్దైతే రెండు జట్లకు ఒక్కో పాయింట్ ఇస్తారు. కనీసం ఒక్కో జట్టు ఐదు ఓవర్లు ఆడితేనే మ్యాచ్ చెల్లుబాటు అవుతుంది.

సూపర్ ఎయిట్ పూర్తి మ్యాచ్ షెడ్యూల్

ఫిబ్రవరి 21: పాకిస్థాన్ vs న్యూజిలాండ్ – కొలంబో
ఫిబ్రవరి 22: శ్రీలంక vs ఇంగ్లాండ్ – కాండీ
భారత్ vs దక్షిణాఫ్రికా – అహ్మదాబాద్

ఫిబ్రవరి 23: జింబాబ్వే vs వెస్టిండీస్ – ముంబై

ఫిబ్రవరి 24: ఇంగ్లాండ్ vs పాకిస్థాన్ – కాండీ

ఫిబ్రవరి 25: న్యూజిలాండ్ vs శ్రీలంక – కొలంబో

ఫిబ్రవరి 26: వెస్టిండీస్ vs దక్షిణాఫ్రికా – అహ్మదాబాద్
భారత్ vs జింబాబ్వే – చెన్నై

ఫిబ్రవరి 27: ఇంగ్లాండ్ vs న్యూజిలాండ్ – కొలంబో

ఫిబ్రవరి 28: శ్రీలంక vs పాకిస్థాన్ – కాండీ

మార్చి 1: జింబాబ్వే vs దక్షిణాఫ్రికా – ఢిల్లీ
భారత్ vs వెస్టిండీస్ – కోల్‌కతా

ఈ మ్యాచ్‌లు అన్నీ టోర్నమెంట్ గమనాన్ని, జట్ల సెమీఫైనల్​ ప్రవేశాన్ని పూర్తిగా మార్చే సామర్థ్యం కలిగి ఉన్నాయి. ముఖ్యంగా భారత్-దక్షిణాఫ్రికా, ఇంగ్లాండ్-పాకిస్థాన్ పోటీలు ఆసక్తికరంగా మారనున్నాయి.