ప్రజాపాలన, ధరణి, వ్యవసాయంతో పాటు 9 అంశాలపై చర్చ
విధాత: పరిపాలనలో వేగం పెంచే విధంగా సీఎం రేవంత్ రెడ్డి కార్యాచరణ మొదలు పెట్టారు. రాష్ట్రంలో తక్షణంగా చేపట్టాల్సిన సమస్యలపై జిల్లా కలెక్టర్లకు దిశానిర్దేశం చేయాలని నిర్ణయించిన రేవంత్ రెడ్డి కలెక్టర్ల కాన్ఫరెన్స్ నిర్వహించాలని నిర్ణయించారు. ఈ మేరకు రాష్ట్ర ప్రభుత్వ ప్రధాన కార్యదర్శి శాంతి కుమారి ఈ నెల16వ తేదీన ఉదయం 9.30 గంటలకు సచివాలయంలో కలెక్టర్ల కాన్ఫరెన్స్ నిర్వహిస్తున్నట్లు సర్క్యులర్ జారీ చేశారు.
ఈ కాన్ఫరెన్స్ కు జిల్లా కలెక్టర్లు, ఎస్పీలు, కమిషనర్లు అందరు హాజరు కావాలని సర్క్యులర్ లో ఆదేశించారు. కలెక్టర్ల కాన్ఫరెన్స్ లో 1) ప్రజాపాలన,2) ధరణి, 3)వ్యవసాయం- వాతావరణ పరిస్థితులు,4) వైద్యం-సీజనల్ వ్యాధులు, 5)వనమహోత్సవం,6) మహిళాశక్తి, 7) విద్య, 8) శాంతి భద్రతలు,9) డ్రగ్స్ నిర్మూలన అంశాలపై చర్చించనున్నట్లు సర్క్యులర్ లో కలెక్టర్లకు ఎజెండా పంపించారు. ఈ అంశాలపై ప్రిపేర్ అయి రావాలని కలెక్టర్లు, కమిషనర్లు, ఎస్పీలను ఆదేశించారు
