Hidden Camera Detection in Malls | షాపింగ్​ మాల్స్​లో రహస్య కెమెరాలపై హైదరాబాద్​ పోలీసుల నజర్

హైదరాబాద్​ పోలీసులు ఒక వినూత్న అన్వేషణ మొదలుపెట్టారు. నగరంలోని షాపింగ్​ మాల్స్​లో ఎక్కడైనా రహస్య కెమెరాలున్నాయేమోనని వెతుకులాట ప్రారంభించారు. రాష్ట్ర విద్యాశాఖ, ఎన్​ఎస్​ఎస్​ విద్యార్థులతో కలిసి పోలీసులు ఈ తనిఖీలు నిర్వహిస్తారు.

హైదరాబాద్​ మహిళలు, పిల్లల రక్షణకై, పబ్లిక్​ ప్లేసుల్లో వారి భద్రత కోసం(safer Hyderabad for women and children),  78వ స్వాతంత్ర్యదినం సందర్భంగా హైదరాబాద్​ పోలీస్(Hyderabad Police)​ ఒక ప్రత్యేక చొరవ తీసుకుంది. విద్యాశాఖ(Dept. of Education), ఎన్​ఎస్​ఎస్​(NSS) విద్యార్థుల భాగస్వామ్యంతో నగరంలోని అన్ని షాపింగ్​ కాంప్లెక్స్​(Shopping Complexes)లు, మాల్స్​(Malls)లో రహస్య లేదా నిఘా కెమెరా(Hidden or Spy Cameras)ల కోసం అన్వేషణ మొదలుపెట్టింది. నగర కమిషనర్​ కే.శ్రీనివాస రెడ్డి(CP K. Srinivasa Reddy), విద్యాశాఖ ప్రిన్సిపల్​ సెక్రటరీ బి.వేంకటేశం(B Venkateshsham, Principal Secretary, Education Department) గురువారం నాడు ఈ కార్యక్రమాన్ని లాంఛనంగా ప్రారంభించారు.

ఇందులో పాల్గొనేందుకు సుశిక్షితులైన మహిళా సిబ్బంది(Women Professional Experts)ని కూడా వినియోగిస్తారు. వారు షాపింగ్​ మాళ్లలోని డ్రెస్​ చేంజింగ్​ రూమ్​లు, వాష్​రూమ్​లు, టాయిలెట్స్​ లాంటి ప్రదేశాలలో రహస్య కెమెరాలకై తనిఖీలు నిర్వహిస్తారు. దీనికోసం మామూలుగా క్షుణ్ణంగా వెతకడంతో పాటు, అత్యాధునిక సాంకేతిక పరికరాల(Latest Technolgy)ను కూడా వాడనున్నారు. ఏ కెమెరా లేకుండా అంతా బాగుంది అనుకుంటే, ఆ ప్రాంతాన్ని వ్యక్తిగత సురక్షిత ప్రాంతం(Declared Camera Free)గా ప్రకటించి, ఆ మేరకు ఒక స్టిక్కర్​ (No Hidden Cameras Inside) అంటిస్తారు.

మహిళల, పిల్లల భద్రత కోసం అంతటా ఒక వ్యక్తిగత సురక్షిత వాతావరణాన్ని సృష్టించడానికి ఈ కార్యక్రమం పనికొస్తుంది. ఇందులో పాల్గొనే బృందాలు, నగరమంతటా తరచూ తనిఖీలు నిర్వహిస్తూనేఉంటాయి. ఈ ప్రోగ్రాంలో పాల్గొనే ఎన్​ఎస్​ఎస్​ విద్యార్థుల(NSS Students)కు అ మేరకు హవర్​బ్యాంక్​ అకౌంట్​ క్రెడిట్లు(Hour bank Account credits) కూడా ఇస్తారు. మొత్తం అన్ని కాంప్లెక్సులు, మాళ్లు అయిపోయేదాకా ఈ కార్యక్రమం కొనసాగుతూనేఉంటుందని కమిషనర్​ తెలియజేసారు.