Nalgonda Crime News | ఇంటర్ విద్యార్థిని హత్య

నల్లగొండలో డైట్ కళాశాల ఇంటర్ విద్యార్థిని అనుమానాస్పద స్థితిలో హత్యకు గురైంది. నిందితుడు గడ్డం కృష్ణను పోలీసులు అదుపులోకి తీసుకుని దర్యాప్తు చేస్తున్నారు.

విధాత : నల్లగొండ జిల్లా కేంద్రంలోని డైట్ కళాశాల ఇంటర్ విద్యార్థి(17) అనుమానస్పద స్థితిలో హత్యకు గురైంది. పోలీసుల కథనం మేరకు నల్లగొండ రూరల్ పోలీస్ స్టేషన్ పరిధిలోని అన్నారెడ్డిగూడెంకు చెందిన విద్యార్థిని..నిందితుడు ట్రాక్టర్ డ్రైవర్ గడ్డం కృష్ణతో ఆరు నెలలుగా ప్రేమలో ఉంది. మంగళవారం ఉదయం కళాశాలకు వెళ్తున్న విద్యార్థినికి మాయమాటలు చెప్పి మభ్యపెట్టి డైట్ కళాశాల సమీపంలోని తన మిత్రుడైన ఆటో డ్రైవర్ రూమ్ కు తీసుకెళ్లాడు. అక్కడ ఆమెపై అత్చాచారానికి పాల్పడి హత్య చేసినట్లుగా అనుమానిస్తున్నారు.

డీఎస్పీ శివరాం రెడ్డి, వన్ టౌన్ సీఐ రాజశేఖర్ రెడ్డి, టూటౌన్ ఎస్సై సైదులు సంఘటనా స్థలాన్ని పరిశీలించి కేసు నమోదు చేసుకుని దర్యాప్తు చేస్తున్నారు. నిందితుడిని అదుపులోకి తీసుకుని విచారిస్తున్నారు. మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు.