Warangal | కేసీఆర్ దార్శనికతతో సిద్ధించిన తెలంగాణ : మధసూదనాచారి

తెలంగాణ‌కు జ‌రిగిన అన్యాయాన్ని భావ‌జాల వ్యాప్తి చేసి, స‌క‌ల జనుల‌ను ఏకం చేసి ఉద్య‌మాన్ని స్వ‌రాష్ట్ర ఏర్పాటు తీరానికి చేర్చిన గొప్ప దార్శ‌నికుడు కేసీఆర్ అంటూ శాస‌న‌మండ‌లి ప్ర‌తిప‌క్ష నేత‌ సిరికొండ మ‌ధుసూద‌నా చారి కొనియాడారు.

విధాత, ప్రత్యేక ప్రతినిధి:

తెలంగాణ‌కు జ‌రిగిన అన్యాయాన్ని భావ‌జాల వ్యాప్తి చేసి, స‌క‌ల జనుల‌ను ఏకం చేసి ఉద్య‌మాన్ని స్వ‌రాష్ట్ర ఏర్పాటు తీరానికి చేర్చిన గొప్ప దార్శ‌నికుడు కేసీఆర్ అంటూ శాస‌న‌మండ‌లి ప్ర‌తిప‌క్ష నేత‌ సిరికొండ మ‌ధుసూద‌నా చారి కొనియాడారు. 2009 తెలంగాణ ఉద్య‌మ సమయంలో కేసీఆర్ ఆమ‌ర‌ణ దీక్ష‌ను పుర‌స్క‌రించుకొని, హ‌నుమ‌కొండలో శనివారం దీక్షా దివ‌స్ కార్య‌క్ర‌మాన్ని నిర్వ‌హించారు. మొద‌ట తెలంగాణ అమ‌ర‌వీరుల‌కు మౌనం పాటించి, అమ‌ర వీరుల స్థూపానికి పూల‌మాల వేసి ఘ‌న నివాళులు తెలిపారు. ఈ సందర్భంగా సిరికొండ మాట్లాడుతూ కేసీఆర్ పోరాటం వ‌ల‌నే తెలంగాణ వ‌చ్చిందన్నారు.

తెలంగాణ కోసం కేసీఆర్ ప్రాణాల‌కు తెగించి పోరాడారని అన్నారు. రాష్ట్ర ఏర్పాటే ల‌క్ష్యంగా 14 ఏండ్లు అకుంఠిత దీక్ష ఉద్య‌మాన్ని న‌డిపారని వివరించారు. తెలంగాణ ప్ర‌జ‌ల గోస‌ల‌ను ప్ర‌పంచానికి తెలిపి, స్వ‌రాష్ట్రాన్ని సాధించిన నేత కేసీఆర్‌ అంటూ పొగిడారు. తెలంగాణ‌కు 60 ఏండ్ల‌లో జ‌రిగిన వివ‌క్ష‌త‌ను, అన్యాయాన్ని ప్ర‌జ‌ల‌కు తెలిసేలా చేసి, పాల‌కుల మెడ‌లు వంచి, కొట్లాడి సాధించారని అన్నారు. కేసీఆర్ స‌చ్చుడో తెలంగాణ వ‌చ్చుడో అనే ర‌ణ నినాదంతో స్వ‌రాష్ట్ర ఏర్పాటున‌కు ఉద్య‌మించారన్నారు. ఉద్య‌మ‌కారుల బ‌లిదానాలు, స‌క‌ల జ‌నుల ప్ర‌జానీక పోరాట ఫ‌లిత‌మే తెలంగాణ స్వ‌రాష్ట్రం సిద్ధించిందన్నారు.

ఈ కార్య‌క్ర‌మంలో రాజ్య‌స‌భ మాజీ స‌భ్యులు కెప్టెన్ ల‌క్ష్మీకాంత రావు, మాజీ చీఫ్ విప్‌, బీఆర్ఎస్ పార్టీ హ‌నుమ‌కొండ జిల్లా అధ్య‌క్షులు దాస్యం విన‌య్ భాస్క‌ర్, మాజీ ఎమ్మెల్యేలు చ‌ల్లా ధ‌ర్మారెడ్డి, వొడిత‌ల స‌తీష్ బాబు, మాజీ చైర్మ‌న్లు నాగూర్ల వెంక‌టేశ్వ‌ర్లు, లింగంపెల్లి కిష‌న్ రెడ్డి, మ‌ర్రి యాద‌వ రెడ్డి, ఎల్లావుల ల‌లీతా యాద‌వ్‌, గ్రేట‌ర్ వ‌రంగ‌ల్ డిప్యూటీ మేయ‌ర్ రిజ్వానా మ‌సూద్‌, కార్పొరేట‌ర్లు సోదా కిర‌ణ్‌, బొంగు అశోక్ యాద‌వ్‌, చెన్నం మ‌ధు, సంకు న‌ర్సింగ రావు, బోయిన‌ప‌ల్లి రంజిత్ రావు, ఇమ్మ‌డి లోహితా రాజు, మాజీ కార్పొరేట‌ర్లు జోరిక ర‌మేష్‌, కుసుమ ల‌క్ష్మీనారాయ‌ణ‌, ఉడ‌త‌ల సారంగ‌పాణి, నాయ‌కులు జ‌నార్ధ‌న్ గౌడ్, ర‌వీంద‌ర్ రావు, నాయీమొద్దీన్‌, పులి ర‌జినీకాంత్‌, ర‌జినీకుమార్, హ‌రి ర‌మాదేవి, దూలం వెంక‌న్న‌ త‌దిత‌రులు పాల్గొన్నారు.

 

Latest News