Vangalapudi Anitha | ఏపీ హోంమంత్రి వంగలపూడి అనితకు తప్పిన ప్రమాదం

ఏపీ హోంమంత్రి వంగలపూడి అనితకు ప్రమాదం తప్పింది. మంత్రి ఎస్కార్ట్ వాహన డ్రైవర్ ఓ బైక్‌ను తప్పించే క్రమంలో ఆకస్మాత్తుగా బ్రేక్ వేశారు.

విధాత, హైదరాబాద్ : ఏపీ హోంమంత్రి వంగలపూడి అనితకు ప్రమాదం తప్పింది. మంత్రి ఎస్కార్ట్ వాహన డ్రైవర్ ఓ బైక్‌ను తప్పించే క్రమంలో ఆకస్మాత్తుగా బ్రేక్ వేశారు. దీంతో ఆ ఎస్కార్ట్‌ వాహనాన్ని మంత్రి ప్రయాణిస్తున్న కారు వెనుకనుంచి ఢీకొట్టింది. ఏలూరు జిల్లా ఉంగుటూరు మండలం కైకరం వద్ద ఈ ఘటన చోటుచేసుకుంది.

విజయవాడ నుంచి పశ్చిమగోదావరి జిల్లా పెంటపాడు మండలం అలంపురం వెళ్తుండగా ఈ ప్రమాదం జరిగింది. ప్రమాదంలో మంత్రి కారు, ఎస్కార్ట్ వాహనం స్వల్పంగా దెబ్బతిన్నాయి. అయితే ఈ ప్రమాదంలో మంత్రి అనితకు ఎలాంటి గాయాలు కాలేదు. అనంతరం అనిత మరో వాహనంలో బయలుదేరి వెళ్లారు