కోరుకున్న వ్య‌క్తితో పెళ్లి జ‌ర‌గాలంటే.. ఆ మ‌హాశివుడిని మ‌ల్లెపూల‌తో పూజించాల‌ట‌..!

హిందూ పురాణాల ప్రకారం సోమవారం శివుడికి ప్రత్యేకం. శివ అనే పదంలో ‘శి’ అంటే శాశ్వత ఆనందం, మగవాళ్ల శక్తి అని, ‘వ’ అంటే మహిళల శక్తి అని అర్థం. కాబ‌ట్టి ఆ మ‌హాశివుడిని స్త్రీ, పురుషులిద్ద‌రూ పూజిస్తే ఎంతో పుణ్యం క‌లుగుతుంద‌ని, మ‌న‌కు అన్ని శుభాలు జ‌రుగుతాయ‌ని జ్యోతిష్య పండితులు చెబుతున్నారు.

హిందూ పురాణాల ప్రకారం సోమవారం శివుడికి ప్రత్యేకం. శివ అనే పదంలో ‘శి’ అంటే శాశ్వత ఆనందం, మగవాళ్ల శక్తి అని, ‘వ’ అంటే మహిళల శక్తి అని అర్థం. కాబ‌ట్టి ఆ మ‌హాశివుడిని స్త్రీ, పురుషులిద్ద‌రూ పూజిస్తే ఎంతో పుణ్యం క‌లుగుతుంద‌ని, మ‌న‌కు అన్ని శుభాలు జ‌రుగుతాయ‌ని జ్యోతిష్య పండితులు చెబుతున్నారు. ఇక శివుడిని పూజించేట‌ప్పుడు ప్ర‌తి ఒక్క‌రూ జాగ్ర‌త్త‌లు తీసుకోవాల‌ని సూచిస్తున్నారు.

పూజ చేసే స‌మ‌యంలో తీసుకోవాల్సిన జాగ్ర‌త్త‌లు..

• సోమ‌వారం తెల్ల‌వారుజామునే నిద్ర మేల్కొని, అభ్యంగ స్నానం చేయాలి. శుభ్ర‌మైన దుస్తులు ధ‌రించిన అనంత‌రం పూజా కార్య‌క్ర‌మాలు ప్రారంభించాలి. పూజ చేసే స‌మ‌యంలో ‘ఓం నమః శివాయ’ మంత్రాన్ని స్మరించుకోవాలి. ఈ పంచాక్షరి మంత్రం చాలా శక్తివంతమైనది.
• శివుడికి బిల్వ‌ప‌త్రం, మోదుగు పూలు స‌మ‌ర్పించాలి. ఎట్టి ప‌రిస్థితుల్లోనూ తుల‌సి ఆకులు పెట్టి పూజించొద్దు. మూడు ఆకులతో కూడిన ఈ బిల్వ పత్రం శివుడి మూడు కనులను సంకేతం. అలాగే త్రిశూలానికి చిహ్నం. ఇవి గత మూడు జన్మల పాపాలను హరిస్తాయి.
• ఇక అబ్బాయిలు, అమ్మాయిలు తాము కోరుకున్న వ్య‌క్తులతో వివాహం జ‌ర‌గాలంటే ప్ర‌తి సోమవారం శివుడిని గుండ్ర‌టి మ‌ల్లెపూల‌తో పూజిస్తే త‌ప్ప‌కుండా కోరిక నెర‌వేరుతుంద‌ని పండితులు చెబుతున్నారు. శమీ పత్రంతో పూజ వల్ల మోక్షం కలుగుతుంది. జిల్లేడు పుష్పాలతో పూజ చేయడం వల్ల ఆరోగ్యంగా ఉంటాము.
• శివుడు అభిషేక ప్రియుడని ప్రత్యేకంగా చెప్పనవసరం లేదు. అందుకే జలంతో అయినా సరే పంచాక్షరి మంత్రాన్ని జపిస్తూ లింగాన్ని అభిషేకిస్తే ఆ భోళాశంకరుడు కోరిన కోర్కెలు తీరుస్తాడని ప్రతీతి.
• శివలింగానికి అస‌లు కుంకుమ పెట్టకూడదు. కేవలం విభూతి, గంధం మాత్రమే ఉపయోగించాలి. శివుడు ఎంతో భక్తితో శ్రద్ధగా ధ్యానం చేస్తుంటాడు. ఆయనకు కుంకుమ సమర్పించడం వల్ల ఎరుపు రంగులో ఉండే ఈ కుంకుమ శరీరంలో చల్లదనాన్ని కలిగించడానికి బదులు వేడి పుట్టిస్తుంది. అందుకే కుంకుమకు బదులు చల్లదనాన్నిచ్చే గంధాన్ని ఉపయోగించాలి.