Spirituality | సూర్యాస్త‌మ‌యం త‌ర్వాత ఇల్లు ఊడ్చుతున్నారా..? ఆ స‌మ‌స్య కొని తెచ్చుకున్న‌ట్టే..!

Spirituality | ప్రతి కుటుంబం అష్టైశ్వ‌ర్యాల‌తో వ‌ర్ధిల్లాల‌ని ఆ ఇంటి య‌జ‌మాని కోరుకుంటాడు. ఇందుకోసం సిరుల త‌ల్లి ల‌క్ష్మీదేవి అనుగ్ర‌హం పొందేందుకు దంప‌తులిద్ద‌రూ ప్ర‌త్యేక‌మైన పూజ‌లు, వ్ర‌తాలు చేస్తుంటారు.

Spirituality | ప్రతి కుటుంబం అష్టైశ్వ‌ర్యాల‌తో వ‌ర్ధిల్లాల‌ని ఆ ఇంటి య‌జ‌మాని కోరుకుంటాడు. ఇందుకోసం సిరుల త‌ల్లి ల‌క్ష్మీదేవి అనుగ్ర‌హం పొందేందుకు దంప‌తులిద్ద‌రూ ప్ర‌త్యేక‌మైన పూజ‌లు, వ్ర‌తాలు చేస్తుంటారు. కానీ కొన్ని చిన్న చిన్న పొర‌పాట్లు చేయ‌డం వ‌ల‌న ల‌క్ష్మీదేవి అనుగ్ర‌హం పొంద‌లేక‌పోతారు. కాబ‌ట్టి పొర‌పాట్లు చేయ‌కుండా ల‌క్ష్మీదేవిని పూజిస్తే త‌ప్ప‌కుండా అమ్మ‌వారి అనుగ్ర‌హం పొంది.. స‌మ‌స్త శుభాలు సిద్ధిస్తాయ‌ని జ్యోతిష్య పండితులు చెబుతున్నారు. ఆర్థికంగా బ‌ల‌ప‌డుతార‌ని సూచిస్తున్నారు. మరి, లక్ష్మీకటాక్షం కలగాలంటే చేయకూడని ఆ తప్పులేంటో ఇప్పుడు చూద్దాం.

చేయ‌కూడ‌ని త‌ప్పులు ఇవే..

• జ్యోతిష్య శాస్త్ర ప్ర‌కారం.. మహిళలు మంగళవారం పుట్టింటి నుంచి అత్తారింటికి వెళ్లకూడదు. శుక్రవారం కోడల్ని పుట్టింటికి పంపించకూడదట.
• సోమవారం నాడు తలకు నూనె రాసుకోకూడదట. దాని వలన ఇబ్బందికర పరిస్థితులు ఎదురయ్యే ఛాన్స్ ఉంటుందట.
• లక్ష్మీ కటాక్షం కలగాలంటే గోళ్లను ఎప్పుడూ ఇంటి బయటే కత్తిరించుకోవాలి.
• సూర్యాస్తమయం తర్వాత ఇల్లు ఊడ్చడం, తల దువ్వుకోవడం చేయరాదట.
• అలాగే, పెరుగు, ఉప్పు వంటివి సూర్యాస్తమయం తర్వాత ఎవరికి అప్పుగా ఇవ్వకూడదు.
• గడప మీద కాలు పెట్టి వెళ్లడం వల్ల లక్ష్మీ కటాక్షం తగ్గిపోతుందట.
• మంచాల మీద పడుకున్నప్పుడు గోడకు పాదం పెట్టి మాట్లాడడం, నిద్రించడం చేస్తుంటారు. కానీ, జ్యోతిష్యశాస్త్రం ప్రకారం అలా చేయడం మంచిది కాదు.
• ఉదయం టైమ్ ఉండట్లేదని ఆఫీస్ నుంచి వచ్చాక ఇంటి పనులు పూర్తి చేసుకొని చాలా మంది రాత్రిపూట బట్టలు ఉతుకుతుంటారు. కానీ, ఇలా చేసినా లక్ష్మీ కటాక్షం తగ్గుతుందంట‌.
• ఆడవారు ఒకరు ధరించిన వస్త్రాలు, ఆభరణాలు మరొకరు ధరించరాదు. ముఖ్యంగా ఫంక్షన్స్ టైమ్​లో ఒకరి జ్యూయలరీ మరొకరు ధరిస్తుంటారు. కానీ, ఇలా ఒకరివి మరొకరు వేసుకోవడం వల్ల కూడా లక్ష్మీ కటాక్షం తగ్గిపోతుందని గుర్తుంచుకోవాలి.
• లక్ష్మీదేవి అనుగ్రహం పొందాలంటే ఇంట్లో చెప్పులు వేసుకొని తిరగకూడదు. తీవ్రమైన హెల్త్ ప్రాబ్లమ్స్ ఉన్నప్పుడు ఇలా తిరిగితే పర్వాలేదు. కానీ, మిగతా సందర్భాల్లో అలా అస్సలు తిరగకపోవడం మంచిది.
• అలాగే, శనివారం ఉప్పు, నూనె కొనకూడ‌ద‌ట‌.
• నిత్య జీవితంలో ఇలా కొన్ని ప్రత్యేక నియమాలను పాటించడం ద్వారా శ్రీ మహాలక్ష్మి అనుగ్రహం పొంది, సమస్త శుభాలు, అష్టైశ్వర్యాలు సిద్ధింపజేసుకోవ‌చ్చ‌ని జ్యోతిష్య పండితులు చెబుతున్నారు.