శ‌నివారం రాశిఫ‌లాలు.. ఈ రాశివారికి వాహ‌న గండం.. జ‌ర జాగ్ర‌త్త‌..!

Today Horoscope | చాలా మంది జ్యోతిష్యాన్ని అనుస‌రిస్తుంటారు. రోజు వారి రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి నేటి రాశిఫ‌లాలు ఎలా ఉన్నాయో తెలుసుకుందాం..

మేషం

మేష రాశి వారికి ఈ రోజు అనుకూలంగా ఉంటుంది. వృత్తి వ్యాపారాలలో పురోగతి, ఆర్ధికంగా శుభ ఫలితాలు ఉంటాయి. ఉద్యోగులు సమర్ధవంతంగా పనిచేసి ఉన్నతాధికారుల నుంచి ప్రశంసలు అందుకుంటారు. కుటుంబ సభ్యులతో మాట్లాడేటప్పుడు భావోద్వేగాలను అదుపులో ఉంచుకోవాలి. ఆర్థిక వ్యవహారాలు అనుకూలంగా ఉన్నాయి.

వృషభం

వృషభ రాశి వారికి ఈ రోజు మిశ్రమ ఫలితాలు ఉంటాయి. ఈ రోజు వృత్తి వ్యాపారాలలో అనుకోని సంఘటనలు జరుగుతాయి. ఊహించని ఈ పరిణామాలను ధైర్యంగా ఎదుర్కొని స్థిరంగా ముందుకు సాగుతారు. ఖర్చులు అదుపులో ఉంచుకుంటే మంచిది. ఆరోగ్యం సహకరిస్తుంది.

మిథునం

మిథున రాశి వారికి ఈ రోజు అనుకూలంగా ఉంటుంది. ఆర్ధికంగా శుభ ఫలితాలు ఉంటాయి. స్థిరాస్తుల అమ్మకాల ద్వారా ధనం చేతికి అందుతుంది. మీ మంచి మనసు, పరోపకార గుణం కారణంగా సమాజంలో మీ స్థాయి పెరుగుతుంది. ఆత్మవిశ్వాసంతో పనిచేసి అనుకున్నది సాధిస్తారు. ఉద్యోగంలో మార్పు కోరుకునేవారు గట్టి ప్రయత్నాలు చేస్తే తప్పక విజయం ఉంటుంది.

కర్కాటకం

కర్కాటక రాశి వారికి ఈ రోజు ప్రతికూల ఫలితాలు గోచరిస్తున్నాయి. కొన్ని ఊహించని ఘటనలను ఈ రోజు ఎదుర్కోంటారు. స్నేహితుల సహకారంతో సమస్యల నుంచి బయటపడతారు. ఆర్ధిక పరిస్థితి నిరాశాజనకంగా ఉంటుంది. చేపట్టిన పనుల్లో విజయం సాధించాలంటే తీవ్రమైన కృషి అవసరం. కుటుంబ కలహాల కారణంగా మానసిక ప్రశాంతత లోపిస్తుంది.

సింహం

సింహరాశి వారికి ఈ రోజు అనుకూలంగా ఉంటుంది. చేపట్టిన అన్ని పనులు విజయం చేకూరుస్తాయి. వ్యాపారులు మంచి లాభాలను గడిస్తారు. ఉద్యోగులకు బదిలీలు, ప్రమోషన్లు వంటి ప్రయోజనాలు ఉంటాయి. ఆరోగ్యం సహకరిస్తుంది. ఆర్ధికంగా ఆశించిన ఫలితాలు ఉంటాయి.

కన్య

కన్యా రాశి వారికి ఈ రోజు మిశ్రమ ఫలితాలు ఉండవచ్చు. చిత్తశుద్ధితో, ఏకాగ్రతతో పనిచేస్తే శ్రమకు తగిన ఫలితాలు ఉంటాయి. కుటుంబ బాధ్యతల పట్ల దృష్టి సారిస్తారు. ఉద్యోగంలో అభివృద్ధి ఉంటుంది. ఆర్ధికంగా ఓ మెట్టు పైకి ఎదుగుతారు.కుటుంబంలో వివాదాలు ఏర్పడకుండా చూసేందుకు కోపాన్ని అదుపులో పెట్టుకోండి. ముఖ్యమైన పనులు వాయిదా వేస్తే మంచిది.

తుల

తులా రాశి వారికి ఈ రోజు మెరుగైన ఫలితాలు ఉంటాయి. ముఖ్యంగా ఆర్ధిక వ్యవహారాలు అనుకూలంగా ఉంటాయి. కొత్తగా పెట్టుబడులు, నిధుల కోసం ప్రయత్నించే వారికి ఈ రోజు శుభకరంగా ఉంటుంది. అనుకోని విధంగా అవసరాలకు డబ్బు అందుతుంది. కుటుంబంలో సుఖశాంతులు నెలకొంటాయి. ఆరోగ్యం బాగుంటుంది.

వృశ్చికం

వృశ్చిక రాశి వారికి ఈ రోజు సామాన్యంగా ఉంటుంది. ఈ రాశి వారు ఈ రోజు ముఖ్యంగా కోపాన్ని అదుపులో నియంత్రణలో ఉంచుకోకపోతే భారీ నష్టం తప్పదు. వృత్తి పరంగా వ్యక్తిగతంగా కొన్ని ప్రతికూలతలు ఉండవచ్చు. అనారోగ్య సమస్యలు ఇబ్బంది పెడతాయి. వాహన గండం ఉంది కాబట్టి ప్రయాణాలలో జాగ్రత్త వహించండి.

ధనుస్సు

ధనుస్సు రాశి వారికి ఈ రోజు మిశ్రమ ఫలితాలు ఉంటాయి. చిన్ననాటి స్నేహితులను కలుసుకొని జ్ఞాపకాలను నెమరు వేసుకుంటారు. ఉద్యోగంలో కఠిన పరిస్థితులు ఉండవచ్చు. పనిభారం పెరుగుతుంది. పనులు ఆలస్యం కావడం పట్ల ఉన్నతాధికారులు అసంతృప్తితో ఉంటారు. సమయానుకూలంగా నడుచుకుంటే మంచిది.

మకరం

మకర రాశి వారికి ఈ రోజు అనుకూలంగా ఉంటుంది. మీ ప్రతిభకు పురస్కారం దక్కుతుంది. ప్రమోషన్ ఛాన్స్ ఉంది. సన్నిహితుల నుంచి, కుటుంబ సభ్యుల నుంచి కానుకలు అందుకుంటారు. నిరుద్యోగులు, ఉద్యోగంలో మార్పు కోరుకునే వారు మరికొంత కాలం వేచి చూడాలి. ఆదాయం వృద్ధి చెందుతుంది.

కుంభం

మకర రాశి వారికి ఈరోజు సామాన్యంగా ఉంటుంది. అన్ని రంగాల వారికి వృత్తి వ్యాపారాలలో పనులు నెమ్మదిగా సాగుతాయి. సహనంతో ఉంటే మంచిది. ఉద్యోగులకు పనిభారం పెరగడంతో ఒత్తిడికి లోనవుతారు. ఇంట్లో శాంతియుత వాతావరణం నెలకొల్పడం కష్టసాధ్యమవుతుంది. ఊహించని ఖర్చులు చుట్టుముడతాయి.

మీనం

మీన రాశి వారికి ఈ రోజు సామాన్యంగా ఉంటుంది. అన్ని రంగాలవారు ఎంత ప్రణాళికతో ఉన్నప్పటికినీ వృత్తి వ్యాపారాలలో అనుకూలతలు ఉండవు. గిట్టని వారు చేసే దుష్ప్రచారాన్ని సమర్ధవంతంగా తిప్పి కొడతారు. వ్యాపారంలో కష్టనష్టాలు ఉంటాయి. సహనంగా ఉండటం మంచిది. మార్పు, పురోగతి కోసం వేచి చూడాలి. అనారోగ్య సమస్యలు ఇబ్బంది పెడతాయి.