ఈ వారం రాశిఫ‌లాలు.. ఈ రాశి అవివాహితుల‌కు వివాహం నిశ్చ‌యం..!

Weekly Horoscope | చాలా మంది జ్యోతిష్యాన్ని అనుస‌రిస్తుంటారు. త‌మ‌ రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన, వార‌ ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి ఈ వారం రాశిఫ‌లాలు ఎలా ఉన్నాయో తెలుసుకుందాం..

మేషం

మేషరాశి వారికి ఈ వారం శుభకరంగా ఉంటుంది. ముఖ్యంగా ఈ వారం అవివాహితులకు వివాహం నిశ్చయమవుతుంది. నిరుద్యోగులు కోరుకున్న ఉద్యోగాన్ని పొందుతారు. ఆర్థిక పరిస్థితి స్థిరంగా ఉంటుంది. వృథా ఖర్చులు నివారించుకుంటే మంచిది. వ్యాపారులు నూతనంగా పెట్టే పెట్టుబడులు మంచి లాభాలను తెచ్చి పెడతాయి. ఉద్యోగులు ఉన్నతాధికారుల మద్దతుతో, సహోద్యోగుల సహకారంతో అనుకున్నది సాధిస్తారు. విద్యార్థులు చదువులో రాణిస్తారు.

వృషభం

వృషభ రాశి వారికి ఈ వారం శుభప్రదంగా ఉంటుంది. వృత్తి, వ్యాపారాలలో కీలకమైన పురోగతి ఉంటుంది. ఊహించని విజయాలను సొంతం చేసుకుంటారు. ఆర్థికంగా శుభఫలితాలు ఉంటాయి. అవసరానికి డబ్బు చేతికి అందుతుంది. ఉద్యోగంలో హోదా పెరుగుతుంది. నూతన బాధ్యతలు స్వీకరిస్తారు. ఇంటా బయటా మీ మాటకు విలువ పెరుగుతుంది. ఉన్నత పదవులను చేపడతారు. ఉన్నతాధికారుల మద్దతు ఉంటుంది. కోరుకున్న చోటికి బదిలీ, ప్రమోషన్ ఛాన్సులు ఉంటాయి. జీవిత భాగస్వామితో అనుబంధం దృఢ పడుతుంది.

మిథునం

మిథున రాశి వారికి ఈ వారం ఆనందకరంగా ఉంటుంది. అన్ని రంగాల వారికి నూతన అవకాశాలు వెతుక్కుంటూ వస్తాయి. ఉద్యోగులు సహోద్యోగుల సహకారంతో పెండింగ్ పనులను పూర్తి చేస్తారు. వైవాహిక జీవితం కొత్త ఆనందాన్ని ఇస్తుంది. ఇది వరకు మీ మధ్య ఉన్న అపార్థాలు కూడా తొలగిపోతాయి. ఉన్నత విద్యను అభ్యసించే విద్యార్థులకు అనువైన సమయం నడుస్తోంది. వ్యాపారం ప్రోత్సాహకారంగా ఉంటుంది. పెట్టుబడులు, లాభాల రూపంలో ధనప్రవాహం ఉంటుంది. ప్రయాణాలు అనుకూలిస్తాయి. చాలా కాలంగా వాయిదా పడిన పనులు అనుకోకుండా ముందుకు సాగుతాయి.

కర్కాటకం

కర్కాటక రాశి వారికి ఈ వారం అనుకూలంగా ఉంటుంది. వృత్తి, వ్యాపారాలలో అంకిత భావంతో పనిచేయడం అవసరం. భాగస్వామ్య వ్యాపారంలో సమిష్టి నిర్ణయాలు మేలు చేస్తాయి. ఉద్యోగులు అందరితో కలిసి పనిచేయడం ఉపయోగకరంగా ఉంటుంది. చేపట్టిన పనులు సకాలంలో పూర్తి అవుతాయి. ప్రేమ వ్యవహారాలలో, వైవాహిక జీవితంలో సమస్యలు తొలగి ఆనందం నెలకొంటుంది. విద్యార్థులు ఆశించిన విజయాలను అందుకుంటారు. ఉన్నత విద్య కోసం విదేశాలకు పయనమయ్యేవారు శుభవార్తలు అందుకుంటారు.

సింహం

సింహరాశి వారికి ఈ వారం అనుకూలంగా ఉంటుంది. వృత్తి పరంగా, వ్యక్తిగతంగా శుభవార్తలు వింటారు. చేపట్టిన పనుల్లో సానుకూల ఫలితాలు ఉండడంతో ఆనందంగా ఉంటారు. జీవిత భాగస్వామితో నాణ్యమైన సమయాన్ని గడుపుతారు. ఇది మీ బంధాన్ని పటిష్టం చేస్తుంది. వృథా ఖర్చులు తగ్గించుకుంటే మంచిది. ఆర్థిక క్రమశిక్షణ పాటించడం అవసరం. ఉద్యోగంలో పెను మార్పులు జరుగుతాయి. నూతన బాధ్యతలు స్వీకరిస్తారు. పదోన్నతులు పొందుతారు. ఆరోగ్యంపై శ్రద్ధ అవసరం. ఆరోగ్యకరమైన జీవనశైలితో అనారోగ్య సమస్యలను నివారించవచ్చు.

కన్య

కన్యారాశి వారికి ఈ వారం అనుకూలంగా ఉంటుంది. కుటుంబ సౌఖ్యాన్ని పొందుతారు. మీ జీవిత భాగస్వామి ఆరోగ్యంపై శ్రద్ధ వహించవలసి ఉంటుంది. వ్యాపారులు ఆశించిన లాభాలను పొందుతారు. వ్యాపారాన్ని విస్తరించడంలో విజయం సాధిస్తారు. నిరుద్యోగులకు మంచి ఉపాధి లభించే సూచనలు ఉన్నాయి. ఉద్యోగంలో మార్పులు చోటు చేసుకునే అవకాశాలు మెండుగా ఉన్నాయి. అన్నదమ్ముల మధ్య కొనసాగుతున్న విభేదాలు ముగుస్తాయి. సంతానం చెడు సావాసాల జోలికి వెళ్లే ప్రమాదముంది

తుల

తులారాశి వారికి ఈ వారం మిశ్రమ ఫలితాలు ఉంటాయి. గత తప్పుల నుంచి పాఠాలు నేర్చుకొని ముందుకు సాగాలి. పట్టుదల, కృషి ఉంటే చేపట్టిన వృత్తిలో విజయం సాధిస్తారు. వృత్తిలో ఎదురయ్యే సవాళ్లు జీవితంలో ఎదగడానికి ఒక అవకాశంగా మలచుకుంటే విజయం మీదే! అందరితో స్నేహపూర్వకంగా, సమయానుకూలంగా నడుచుకుంటే మంచిది. ఖర్చులు విపరీతంగా పెరుగుతాయి. వృత్తి నిపుణులు, వ్యాపారులు సమష్టి కృషితోనే విజయాలు సాధిస్తారు. అందరినీ కలుపుకొని పోవడం మంచిది. ఆదాయానికి సరిపడా ఖర్చులు కూడా ఉంటాయి. కుటుంబ వ్యవహారాల్లో తొందరపాటు కూడదు.

వృశ్చికం

వృశ్చికరాశి వారికి ఈ వారం అనుకూలంగా ఉంటుంది. అన్ని రంగాల వారు తమ వృత్తి, వ్యాపారాలలో అత్యున్నత స్థానానికి చేరుకుంటారు. మిత్రుల సహాయంతో లాభదాయకమైన అదనపు ఆదాయ వనరులు సమకూర్చుకుంటారు. మీ లక్ష్య శుద్ధి కోసం తీవ్రంగా కృషి చేసి విజయం సాధిస్తారు. ప్రభుత్వ పరంగా ఆర్థిక ప్రయోజనాలను పొందుతారు. ఉద్యోగులు సహోద్యోగుల సహకారం అందుకుంటారు. ఆర్థిక పరిస్థితి ఆశాజనకంగా ఉంటుంది. నిరుద్యోగులు కోరుకున్న ఉద్యోగాన్ని పొందుతారు. భాగస్వామ్య వ్యాపారాలు చేసే వారికి ఊహించని లాభాలు అందుతాయి. సంతానం అభివృద్ధికి సంబంధించి శుభవార్తలు వింటారు.

ధనుస్సు

ధనుస్సురాశి వారికి ఈ వారం మిశ్రమ ఫలితాలు ఉంటాయి. వృత్తి, వ్యాపారాలలో గత కొంతకాలంగా ఎదురవుతున్న ఆటంకాలు తొలగిపోతాయి. ముఖ్యంగా ఉద్యోగులు ఉన్నతాధికారుల మద్దతు, సహోద్యోగుల సహకారాన్ని అందుకుంటారు. వృత్తి పరంగా జీవిత భాగస్వామికి అండగా నిలుస్తారు. వ్యాపార పరంగా చేసే పర్యటనలు అనుకూలిస్తాయి. కొత్తగా చేపట్టిన ప్రాజెక్ట్‌లు సజావుగా సాగి మంచి ఫలితాలను తెస్తాయి. ఆరోగ్యపరమైన ఇబ్బందులు తలెత్తుతాయి. జీవిత భాగస్వామితో కలహాలు మనశ్శాంతి లేకుండా చేస్తాయి. ఆదాయాన్ని మించిన ఖర్చులు ఉండవచ్చు.

మకరం

మకరరాశి వారికి ఈ వారం అనుకూలంగా ఉంటుంది. మీకు మీ జీవితభాగస్వామికి మధ్య ఉన్న అపార్థాలు తొలగిపోయి అనుబంధం దృఢ పడుతుంది. వారసత్వ వ్యాపారాలు నిర్వహించేవారు కాలానుగుణంగా మార్పులు చేసి గణనీయమైన లాభాలను అందుకుంటారు. విద్యార్థులు నూతనోత్సాహంతో చదివి ఉన్నత విజయాలను సాధిస్తారు. వృత్తి వ్యాపారాలలో స్థిరమైన, స్పష్టమైన వృద్ధిని సాధిస్తారు. కుటుంబ సభ్యులతో తీర్థయాత్రలకు వెళతారు. కుటుంబంలో శుభకార్యాలు జరుగుతాయి.

కుంభం

కుంభరాశి వారికి ఈ వారం అద్భుతంగా ఉంటుంది. అద్భుతమైన తేలితేటలతో వృత్తి, వ్యాపారాలలో ఎదురయ్యే ప్రతి సమస్యను పరిష్కరిస్తారు. జీవితంలో ఎదురయ్యే సవాళ్ళను అవకాశాలుగా మలుచుకొని ముందుకు దూసుకెళ్తారు. ఆత్మవిశ్వాసంతో పనిచేసి గొప్ప విజయాలను అందుకుంటారు. వ్యాపారులు విపరీతమైన లాభాలను పొందుతారు. విద్యార్థులు మంచి విజయాలను సాధిస్తారు. సమాజంలో గౌరవం పెరుగుతుంది. ఉద్యోగులు నూతన బాధ్యతలను స్వీకరిస్తారు. ఈ రాశి వారు ఈ వారం ఆర్థికపరంగా శుభ ప్రయోజనాలను అందుకుంటారు. శత్రువుల నుంచి ఆపదలు ఎదురు కావచ్చు. అప్రమత్తంగా ఉండండి.

మీనం

మీనరాశి వారికి ఈ వారం అనుకూలంగా ఉంటుంది. వృత్తి పరంగా మీ జీవిత భాగస్వామి నుంచి తిరుగు లేని మద్దతు పొందుతారు. అన్నదమ్ముల మధ్య కొనసాగుతున్న విభేదాలు ఒక కొలిక్కి వస్తాయి. ఆర్థిక పరిస్థితులు మెరుగుపడతాయి. వ్యాపారులకు రావలసిన బాకీలు అన్నీ వసూలవుతాయి. పెట్టుబడుల నుంచి అధిక లాభాలను అందుకుంటారు. విద్యార్థులు ఉన్నత విద్య అభ్యసించడానికి యోగవంతమైన కాలం. చేసే ప్రతి ప్రయత్నం విజయాన్ని అందిస్తుంది. ఆరోగ్యం మెరుగుపడుతుంది. వారసత్వపు ఆస్తులు కలిసి వస్తాయి.