Akhanda 2 | మాస్ డైలాగ్స్‌తో మాంచి కిక్ ఇచ్చిన బాల‌య్య‌.. అఖండ 2 టీజ‌ర్‌తో అంచ‌నాలు రెట్టింపు

Akhanda 2 | నందమూరి బాలకృష్ణ- బోయపాటి శ్రీను కాంబినేషన్‌లో వస్తోన్న భారీ ప్రాజెక్ట్ ‘అఖండ 2’ పై మొదటి నుంచే అపారమైన అంచనాలు ఉన్నాయి. ఇప్పటికే విడుదలైన టీజర్, ట్రైలర్‌లు భారీ హైప్‌ను సృష్టించడంతో, ఈ సినిమా కోసం నందమూరి అభిమానులు ఆతృతగా ఎదురుచూస్తున్నారు.

Akhanda 2 | నందమూరి బాలకృష్ణ- బోయపాటి శ్రీను కాంబినేషన్‌లో వస్తోన్న భారీ ప్రాజెక్ట్ ‘అఖండ 2’ పై మొదటి నుంచే అపారమైన అంచనాలు ఉన్నాయి. ఇప్పటికే విడుదలైన టీజర్, ట్రైలర్‌లు భారీ హైప్‌ను సృష్టించడంతో, ఈ సినిమా కోసం నందమూరి అభిమానులు ఆతృతగా ఎదురుచూస్తున్నారు. నవంబర్ 28, శుక్రవారం హైదరాబాద్‌లోని కూకట్‌పల్లిలో ప్రీ రిలీజ్ ఈవెంట్ నిర్వ‌హించారు. ఈ వేడుకకు భారీ ఎత్తున అభిమానులు త‌ర‌లివ‌చ్చారు. ఇక ప్ర‌మోష‌న్స్ వేగ‌వంతం చేస్తున్న చిత్ర బృందం ప్రీ రిలీజ్ ఈవెంట్‌లో ‘అఖండ 2 మాస్ తాండవం’ పేరుతో స్పెషల్ టీజర్‌ను విడుదల చేసింది.

ఉగ్రరూపంలో బాలయ్య.. డైలాగ్స్‌కు ఫ్యాన్స్ పూనకాలు

తాజాగా విడుదలైన టీజర్ అభిమానులకు నేరుగా గూస్‌బంప్స్ తెప్పించేలా ఉంది. బాలయ్య చెప్పిన “కొండల్లో తొండలు పట్టుకుని తిని బతికే మీరక్కడ… ప్రతి కొండను క్షేత్రంగా మార్చి పూజించే మేమెక్కడ!” అనే డైలాగ్ గూస్ బంప్స్ తెప్పించింది. చూస్తుంటే ఈ చిత్రం స్క్రీన్‌పై పలు రికార్డులు బద్దలు కొట్టేలా క‌నిపిస్తుంది. అఘోర లుక్‌లో కనిపించిన బాలయ్య రూపం, యాంగర్ మోడ్‌లో ఇచ్చిన ఎక్స్‌ప్రెషన్స్, పవర్‌ఫుల్ స్క్రీన్ ప్రెజెన్స్ అభిమానుల హృదయాలను కొల్లగొడుతున్నాయి.తమన్ అందించిన బ్యాక్‌గ్రౌండ్ స్కోర్ టీజర్‌ను మరింత పీక్స్‌కి తీసుకెళ్లింది. బాలయ్య గెటప్స్, మాస్ యాక్షన్ బ్లాక్స్, విజువల్ ప్రెజెంటేషన్ అన్ని కలిసి హై వోల్టేజ్ ఫీలింగ్‌ని సృష్టిస్తున్నాయి.

‘అఖండ 2’ను డిసెంబర్ 5న భారీ స్థాయిలో విడుదల చేయనున్నారు. సంయుక్త మీనన్ హీరోయిన్‌గా కనిపించగా, ఆది పినిశెట్టి శక్తివంతమైన విలన్ పాత్రలో నటిస్తున్నారు. బోయపాటి శ్రీను – బాలయ్య – థమన్ కాంబినేష‌న్ అంటే మాస్ జనం ఎప్పుడూ సూపర్ ఎనర్జీ ఆశిస్తారు. ఈసారి కూడా సాంగ్స్, బీజీఎమ్ సినిమా ప్రధాన హైలైట్స్‌గా నిలవనున్నట్లు సమాచారం.మొత్తంగా చూస్తే ‘అఖండ 2’ మాస్ తాండవం టీజర్‌తో సినిమాపై అంచనాలు మరింత పెరిగాయి. బోయపాటి మార్క్ ఎమోషన్, బాలయ్య పవర్, థమన్ మ్యూజిక్ కలిసి మరో సంచలన హిట్‌ను అందిస్తాయనే నమ్మకంతో ఫ్యాన్స్ వేచి చూస్తున్నారు.