Anushka Shetty | పెళ్లి రూమర్లతో మళ్లీ వార్తల్లోకి అనుష్క… అసలు నిజం ఏమిటి?

Anushka Shetty | టాలీవుడ్ స్టార్ హీరోయిన్ అనుష్క శెట్టి మరోసారి తన వ్యక్తిగత జీవితానికి సంబంధించిన వార్తలతో హాట్ టాపిక్‌గా మారింది. ఒకప్పుడు వరుస సినిమాలతో ప్రేక్షకులను అలరించిన అనుష్క, ప్రస్తుతం మాత్రం చాలా ఆచితూచి ప్రాజెక్టులు ఎంపిక చేసుకుంటూ కెరీర్‌ను ముందుకు తీసుకెళ్తోంది.

Anushka Shetty | టాలీవుడ్ స్టార్ హీరోయిన్ అనుష్క శెట్టి మరోసారి తన వ్యక్తిగత జీవితానికి సంబంధించిన వార్తలతో హాట్ టాపిక్‌గా మారింది. ఒకప్పుడు వరుస సినిమాలతో ప్రేక్షకులను అలరించిన అనుష్క, ప్రస్తుతం మాత్రం చాలా ఆచితూచి ప్రాజెక్టులు ఎంపిక చేసుకుంటూ కెరీర్‌ను ముందుకు తీసుకెళ్తోంది.

బాహుబ‌లి సినిమాతో పాన్ ఇండియా స్థాయిలో గుర్తింపు తెచ్చుకున్న అనుష్క, ఆ తర్వాత అదే స్థాయిలో విజయాలను అందుకోవడంలో కాస్త వెనుకబడ్డారు.భాగ‌మ‌తి సినిమా ఓకే అనిపించుకోగా, నిశ్శ‌బ్ధం ఆశించిన ఫలితాన్ని అందుకోలేకపోయింది. తర్వాత వచ్చిన విస్ శెట్టి మిస్ట‌ర్ పోలిశెట్టి చిత్రం మంచి స్పందన తెచ్చుకున్నప్పటికీ, ఇటీవల విడుదలైన ‘ఘాటీ’ మాత్రం బాక్సాఫీస్ వద్ద నిరాశపరిచింది. దీంతో ఇప్పుడు అనుష్క తదుపరి సినిమా ఏంటి? ఎలాంటి కథతో వస్తుందా? అని అభిమానులు ఆసక్తిగా ఎదురుచూస్తున్నారు.

పెళ్లి రూమర్ల హడావిడి

ఇక అనుష్క వ్యక్తిగత జీవితం విషయానికి వస్తే, ఆమె పెళ్లి గురించి ఎప్పటికప్పుడు వార్తలు వైరల్ అవుతూనే ఉన్నాయి. గతంలో ఓ స్టార్ హీరోతో పెళ్లి అని, మరికొన్ని సార్లు ఓ బిజినెస్‌మ్యాన్‌తో నిశ్చితార్థం అయ్యిందని వార్తలు చక్కర్లు కొట్టాయి.

ఇటీవల అయితే, అనుష్క ఒక వ్యక్తి చేతిని పట్టుకుని నడుస్తున్న ఫోటో సోషల్ మీడియాలో వైరల్ కావడంతో, అది ఆమె నిశ్చితార్థం ఫోటో అంటూ ప్రచారం మొదలైంది. దీంతో మరోసారి పెళ్లి వార్తలు ఊపందుకున్నాయి.

వైరల్ ఫోటో వెనుక అసలు నిజం

అయితే, ఈ వార్తల్లో ఎలాంటి నిజం లేదని తెలిసింది. సోషల్ మీడియాలో వైరల్ అవుతున్న ఆ ఫోటో 2016లో జరిగిన ఓ ఫ్యాషన్ షో సందర్భంగా తీసినదే తప్ప, ఇటీవల తీసినది కాదని సమాచారం. కానీ ఈ విషయం తెలియక చాలా మంది దాన్ని తప్పుగా అర్థం చేసుకుని రూమర్లను మరింత పెంచుతున్నారు.

మౌనం పాటిస్తున్న అనుష్క

ఇన్ని రూమర్లు వస్తున్నప్పటికీ, అనుష్క మాత్రం ఇప్పటివరకు తన పెళ్లి గురించి ఎక్కడా స్పందించలేదు. ఈ మౌనం కారణంగా అభిమానుల్లో మరింత ఆసక్తి, కొంత నిరాశ కూడా కనిపిస్తోంది.

అభిమానుల ఆశలు

ఇప్పుడైనా అనుష్క తన తదుపరి ప్రాజెక్ట్ గురించి అధికారిక ప్రకటన చేస్తుందా? లేక వ్యక్తిగత జీవితంపై స్పందిస్తుందా? అన్నది చూడాలి. ఏదేమైనా, ఆమె తిరిగి బలమైన కథతో కంబ్యాక్ ఇవ్వాలని అభిమానులు ఆశిస్తున్నారు.మొత్తానికి, పెళ్లి రూమర్లు ఎలా ఉన్నా… అనుష్కపై ప్రేక్షకుల ప్రేమ మాత్రం ఏమాత్రం తగ్గలేదు. ఆమె నుంచి వచ్చే తదుపరి సినిమా కోసం ఫ్యాన్స్ ఆసక్తిగా ఎదురు చూస్తున్నారు