Harshaali Malhotra | బజరంగీ భాయిజాన్ మున్నీ ప‌ది సంవ‌త్స‌రాల త‌ర్వాత అఖండ 2తో.. క్యూట్ లుక్స్‌తో ఆక‌ట్టుకుంటుందిగా

Harshaali Malhotra | బాలీవుడ్ సూపర్‌ స్టార్ సల్మాన్ ఖాన్ నటించిన బ్లాక్‌బస్టర్ బజరంగీ భాయిజాన్ చిత్రంలో అమాయక చిన్నారి మున్నీ పాత్రతో కోట్లాది మంది ప్రేక్షకుల మనసు గెలుచుకున్న హర్షాలి మల్హోత్రా… ఇప్పుడు హీరోయిన్‌గా మారింది.

  • By: sn |    movies |    Published on : Nov 29, 2025 10:45 AM IST
Harshaali Malhotra | బజరంగీ భాయిజాన్ మున్నీ ప‌ది సంవ‌త్స‌రాల త‌ర్వాత అఖండ 2తో.. క్యూట్ లుక్స్‌తో ఆక‌ట్టుకుంటుందిగా

Harshaali Malhotra | బాలీవుడ్ సూపర్‌ స్టార్ సల్మాన్ ఖాన్ నటించిన బ్లాక్‌బస్టర్ బజరంగీ భాయిజాన్ చిత్రంలో అమాయక చిన్నారి మున్నీ పాత్రతో కోట్లాది మంది ప్రేక్షకుల మనసు గెలుచుకున్న హర్షాలి మల్హోత్రా… ఇప్పుడు హీరోయిన్‌గా మారింది. దాదాపు పదేళ్ళ క్రితం తన అందమైన ఎక్స్‌ప్రెషన్స్‌తో దేశాన్ని ప్రేమలో పడేసిన ఆ చిన్నారి, ఇప్పుడు పెద్ద తెరపై లీడ్ రోల్ చేయడానికి సిద్ధమైంది. హర్షాలి మల్హోత్రా ఇప్పుడు తెలుగు ఇండస్ట్రీలోకి కూడా అడుగుపెడుతోంది. నందమూరి బాలకృష్ణ హీరోగా, బోయపాటి శ్రీను దర్శకత్వంలో తెరకెక్కుతున్న భారీ యాక్షన్ డ్రామా ‘అఖండ 2: తాండవం’ లో ఆమె కీలక పాత్రలో కనిపించనుంది. ఇందులో జనని పాత్రను పోషించనున్నట్లు చిత్ర యూనిట్ వెల్లడించింది. ఈ సినిమాతో హర్షాలీ తన తెలుగు సినీ ప్రయాణం ప్రారంభం కానుంది.

ఆ మ‌ధ్య‌ ముంబైలో నిర్వహించిన గ్రాండ్ మ్యూజిక్ లాంచ్‌లో హర్షాలి హాజరై అందరి దృష్టిని తనవైపు తిప్పుకుంది. అక్కడే చిత్ర బృందం మొదటి సింగిల్ ‘ది తాండవం’ ను విడుదల చేసింది. థమన్ సంగీతం అందిస్తున్న ఈ చిత్రానికి అన్ని వర్గాల ప్రేక్షకుల్లో భారీ అంచనాలు ఉన్నాయి.ఇక గ‌త రాత్రి హైద‌రాబాద్‌లో జ‌రిగిన మూవీ ప్రీ రిలీజ్ ఈవెంట్‌లో కూడా హ‌ర్షాలి అంద‌రి దృష్టిని ఆక‌ర్షించింది. నీలి గాగ్రా చోళీ డ్రెస్ లో త‌న క్యూట్ లుక్స్‌తో మైండ్ బ్లాక్ చేసింది. అఖండ సినిమాలో బాలయ్య పాత్రకు కూతురు ఉన్నట్టు చూపించిన విష‌యం మ‌న‌కు తెలిసిందే. అఖండ 2లో ఆమె పెద్దయిన తర్వాత కథ జరగనుండటంతో ఆ పాత్రకు బాలీవుడ్ నటి హర్షాలీ మల్హోత్రాని ఎంపిక చేశారు.

సోషల్ మీడియాలో ఇప్పటికే యాక్టివ్‌గా ఉండే హర్షాలి, అప్పుడ‌ప్పుడు త‌న క్యూట్ ఫొటోస్‌తో ఆక‌ట్టుకుంటూ ఉంటుంది. తాజాగా ఈవెంట్‌కి సంబంధించిన ఫొటోలతో నెట్టింట్లో మరింత హైలైట్ అయింది. హీరోయిన్ లుక్‌లో హర్షాలి కనిపించిన విధానం నెటిజన్లను అమితంగా ఆకట్టుకుంటోంది. బోయపాటి–బాలయ్య కాంబినేషన్‌పై ఇప్పటికే భారీ హైప్ ఉండగా, ‘మున్నీ’గా అందరి హృదయాల్లో నిలిచిపోయిన హర్షాలి మల్హోత్రా తెలుగు తెరపై ఎలా మెరుస్తుందో చూడాలి. డిసెంబర్ 5న ఈ మాస్ ఎంటర్‌టైనర్ గ్రాండ్ రిలీజ్ కానుండ‌గా, ఈ సినిమా కోసం ప్రేక్ష‌కులు ఎంతో ఆస‌క్తిగా ఎదురు చూస్తున్నారు.