Jackky Bhagnani | బాలీవుడ్ స్టార్ జంట రకుల్ ప్రీత్ సింగ్- జాకీ భగ్నానీ వివాహం తర్వాత కూడా వార్తల్లో నిలుస్తూనే ఉంది. మూడు సంవత్సరాల ప్రేమాయణం తర్వాత ఈ జంట ఫిబ్రవరి 21, 2024న గోవాలో ఘనంగా వివాహ బంధంతో ఒక్కటైంది. కుటుంబ సభ్యులు, సన్నిహితుల సమక్షంలో మధ్యాహ్నం ఆనంద్ కరాజ్ పద్ధతిలో, సాయంత్రం సింధీ సంప్రదాయంలో రెండు విధాలుగా పెళ్లి చేసుకున్నారు.
కరోనా సమయంలో పరిచయం కాగా, ఆ తర్వాత ప్రేమలో పడి, చివరకు పెళ్లి బంధంతో తమ సంబంధాన్ని మరింత బలపరిచారు. అయితే తాజాగా జాకీ భగ్నానీ తమ వివాహంపై చేసిన వ్యాఖ్యలు ఇప్పుడు చర్చనీయాంశంగా మారాయి.
“మా పెళ్లి సిట్యుయేషన్షిప్”
తమ వివాహాన్ని ‘సిట్యుయేషన్షిప్’గా అభివర్ణించిన జాకీ భగ్నానీ, అది సాధారణమైనది కాదని స్పష్టం చేశారు. “మేము పెళ్లి చేసుకున్నాం కాబట్టి ఇది ఒక ఎక్స్క్లూజివ్ సిట్యుయేషన్షిప్. మేము ఒకరికొకరం పూర్తిగా కట్టుబడి ఉన్నాం” అని చెప్పారు. సాధారణంగా ‘సిట్యుయేషన్షిప్’ అంటే భవిష్యత్తుపై స్పష్టత లేకుండా ఉండే రిలేషన్షిప్గా భావిస్తారు. కానీ తమది ఆ భావనకు భిన్నమని ఆయన వివరించారు.
“ఒకరిపై ఒకరం ఆధారపడడం లేదు”
ఇక తమ వ్యక్తిగత జీవితం గురించి మాట్లాడుతూ, “నేను గానీ, రకుల్ గానీ ఒకరి మీద మరొకరం ఆధారపడడం లేదు. మేమిద్దరం ఇప్పటికే సంతోషంగా ఉన్న వ్యక్తులం. పెళ్లి తర్వాత ఆ సంతోషం మరింత పెరిగింది” అని జాకీ వెల్లడించారు. తమ బంధం నిజాయితీ, సౌకర్యం, భావోద్వేగ స్వేచ్ఛపై ఆధారపడి ఉందని తెలిపారు. ఆయన మాటలకు రకుల్ కూడా పూర్తిగా ఏకీభవించారు.
“మా మధ్య ఎలాంటి రహస్యాలు లేవు”
తమ మధ్య ఎలాంటి సీక్రెట్స్ లేవని జాకీ స్పష్టం చేశారు. “రకుల్ పక్కన ఉన్నప్పుడు నా మాజీ ప్రేయసి నుంచి ఫోన్ వచ్చినా స్పీకర్ ఆన్ చేసి మాట్లాడుతాను. ఏదీ దాచాల్సిన అవసరం లేదు. అందుకే మా బంధంలో ప్రెజర్ గానీ, డ్రామా గానీ ఉండదు” అని చెప్పారు.
కలిసి జీవనం, కలిసి ప్రయాణం
ఈ జంట సోషల్ మీడియాలోనూ, పబ్లిక్ అపియరెన్సెస్లోనూ ఎప్పుడూ కలిసి కనిపిస్తూ అభిమానులను ఆకట్టుకుంటోంది. వర్కౌట్స్ నుంచి ట్రావెల్స్ వరకు ప్రతి విషయాన్ని కలిసి ఆస్వాదిస్తూ తమ బంధాన్ని మరింత బలంగా కొనసాగిస్తున్నారు.
మొత్తానికి, వివాహాన్ని కొత్త కోణంలో చూసేలా జాకీ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ఈ జంట తమ ప్రత్యేకమైన ఆలోచనలతో కొత్త తరానికి సంబంధాలపై మరో కోణాన్ని చూపిస్తున్నారని చెప్పొచ్చు.