Viral Video | పిల్ల‌ల ప్రాణాల‌తో చెల‌గాటం.. యాక్టివాపై ఏడుగురితో క‌లిసి రైడింగ్

Viral Video | ఓ వ్య‌క్తి పిల్ల‌ల ప్రాణాల‌తో చెల‌గాటమాడారు. యాక్టివాపై ఏడుగురు పిల్ల‌ల‌ను ఎక్కించుకుని ర‌ద్దీగా ఉండే ప్రాంతాల్లో రైడింగ్ చేశాడు. ఈ రైడింగ్‌కు సంబంధించిన సోష‌ల్ మీడియాలో వైర‌ల్ అవుతోంది.

ముంబైకి చెందిన ఓ వ్య‌క్తి త‌న యాక్టివాపై ఏడుగురు పిల్ల‌ల‌ను ఎక్కించుకున్నాడు. ఆ పిల్ల‌లంతా స్కూల్‌కు వెళ్లే పిల్లలే. బ్యాగులు కూడా క‌నిపించాయి. అయితే ఆ ఏడుగురిలో ఒక‌బ్బాయి భ‌యంక‌రంగా యాక్టివాకు వెనుకాల ఉండే ఇనుప రాడ్‌పై నిల్చున్నాడు. ఏ మాత్రం బైక్ స్కిడ్ అయినా పిల్ల‌ల ప్రాణాలు గాల్లో క‌లిసిపోవాల్సిందే.

నిర్లక్ష్యంగా రైడ్ చేస్తున్న ఆ వ్య‌క్తిని మ‌రో వాహ‌న‌దారుడు త‌న మొబైల్‌లో చిత్రీక‌రించి సోష‌ల్ మీడియాలో పోస్టు చేశాడు. ఈ వీడియోపై పోలీసులు కూడా ఓ లుక్కేశారు. ముంబైలోని టార్డియో పోలీసులు.. నిర్ల‌క్ష్యంగా రైడింగ్ చేసిన వ్య‌క్తిపై కేసు న‌మోదు చేశారు. ఐపీసీ సెక్ష‌న్ 308 కింద కేసు నమోదు చేసిన‌ట్లు వెల్ల‌డించారు. ద‌ర్యాప్తు కొన‌సాగుతోంద‌ని తెలిపారు.