Tomato | టమాటాకి రాజయోగం.. పోలీసులు కాపలా

Tomato బోల్తా పడ్డ లారీ వద్ద పోలీస్ భద్రత విధాత‌: రోజులన్నీ ఒకేలా ఉండవు.. బళ్ళు ఓడలు అవుతాయి.. ఓడలు బళ్ళు అవుతాయి. రైతులు పండించిన టమాటా మార్కెట్లో అమ్ముడుపోక రూపాయికి ఇచ్చేసిన రోజులున్నాయి. ఆ రూపాయికి అమ్మడం కన్నా గేదెలకు వేసేస్తే బెటర్ అనుకునే రోజులూ చూశాం. అసలు పంటను కోయడం.. మార్కెటు కు తీసుకుపోవడం.. కూలీలా ఖర్చు.. రవాణా ఇదంతా చేసినా పావలా మిగలదు, తిరిగి ఎదురు ఖర్చు దండగ అనుకుంటూ పంటను పొలంలోనే […]

Tomato

• బోల్తా పడ్డ లారీ వద్ద పోలీస్ భద్రత

విధాత‌: రోజులన్నీ ఒకేలా ఉండవు.. బళ్ళు ఓడలు అవుతాయి.. ఓడలు బళ్ళు అవుతాయి. రైతులు పండించిన టమాటా మార్కెట్లో అమ్ముడుపోక రూపాయికి ఇచ్చేసిన రోజులున్నాయి. ఆ రూపాయికి అమ్మడం కన్నా గేదెలకు వేసేస్తే బెటర్ అనుకునే రోజులూ చూశాం.

అసలు పంటను కోయడం.. మార్కెటు కు తీసుకుపోవడం.. కూలీలా ఖర్చు.. రవాణా ఇదంతా చేసినా పావలా మిగలదు, తిరిగి ఎదురు ఖర్చు దండగ అనుకుంటూ పంటను పొలంలోనే వదిలేసిన రైతులనూ చూశాం.

ఇక ఇప్పుడు టమాటాకు రాజయోగం పట్టింది. ధర ఆకాశాన్ని అంటడంతో టమాటా సాగుచేస్తున్న రైతులు లక్షాధికారులు అవుతున్నారు. అంతేకాకుండా ఇప్పుడు ఆ పంట తరలించే వాహనాలు సైతం విఐపి వెహికిల్స్ అవుతున్నాయి. నిన్న

కొమురంభీం ఆసిఫాబాద్ జిల్లా వాంకిడి వద్ద 15 లక్షల విలువైన టమాటోల లారీ బోల్తా పడగా టమాటో అధిక ధరల వల్ల దొంగలు ఎత్తుకుపోకుండా పోలీసులు కాపలా కాయాల్సి వచ్చింది. లేదంటే జనం వచ్చి ఎవరికిదొరికిన టమాటాలు వాళ్ళు పట్టుకుపోయే ప్రమాదం ఉంది. అందుకే పోలీసుల రక్షణ ఏర్పాటు చేసారు. మొత్తానికి టమాటా ఇప్పుడు మీసం మెలేస్తోంది.