USA | తెలంగాణ బిడ్డ శరత్ చంద్రారెడ్డికి.. అమెరికా యంగ్ ప్రొఫెషనల్ అవార్డ్

USA | విధాత: మెదక్ బ్యూరో: అమెరికాలో తెలంగాణ ముద్దుబిడ్డ యువ ఇంజనీర్ వెన్నవెల్లి శరత్ చంద్రా రెడ్డి కి 2023 సంవత్సరానికి గాను అమెరికా యంగ్ ప్రొఫెషనల్ అవార్డ్ దక్కింది. వివరాలు ఇలా ఉన్నాయి. అమెరికాలో ఇంజీనీర్‌గా పనిచేస్తున్న మెదక్ జిల్లా వాసికి అమెరికాలో ప్రతిష్టాత్మక అవార్డు దక్కింది. మెదక్ జిల్లా చిన్నశంకరంపేట మండలం దరిపల్లి గ్రామానికి చెందిన వెన్నవెల్లి శరత్ రెడ్డి ఇంజినీరింగ్ పూర్తి చేసి గత పదేళ్లుగా అమెరికాలో నిర్మాణ రంగంలో పని […]

USA |

విధాత: మెదక్ బ్యూరో: అమెరికాలో తెలంగాణ ముద్దుబిడ్డ యువ ఇంజనీర్ వెన్నవెల్లి శరత్ చంద్రా రెడ్డి కి 2023 సంవత్సరానికి గాను అమెరికా యంగ్ ప్రొఫెషనల్ అవార్డ్ దక్కింది. వివరాలు ఇలా ఉన్నాయి.
అమెరికాలో ఇంజీనీర్‌గా పనిచేస్తున్న మెదక్ జిల్లా వాసికి అమెరికాలో ప్రతిష్టాత్మక అవార్డు దక్కింది.

మెదక్ జిల్లా చిన్నశంకరంపేట మండలం దరిపల్లి గ్రామానికి చెందిన వెన్నవెల్లి శరత్ రెడ్డి ఇంజినీరింగ్ పూర్తి చేసి గత పదేళ్లుగా అమెరికాలో నిర్మాణ రంగంలో పని చేస్తున్నారు. శరత్ ప్రస్తుతం కన్స్ట్రక్షన్ ప్రాజెక్టు మేనేజర్ హోదాలో ఉన్నారు.

అతను అమెరికాలోని హూస్ట న్తోపాటు అనేక నగరాల్లో ఎన్నో ప్రతిష్టాత్మక ప్రాజెక్టుల నిర్మాణానికి సారథ్యం వహించారు. కొన్నాళ్ళ క్రితం హూస్టన్ నగరంలో నిర్మించిన మెమోరియల్ పార్క్ కు గాను శరత్‌కు నేషనల్ అవార్డు దక్కింది. తాజాగా 2023వ సంవత్సరానికి గాను ‘అమెరికా యంగ్ ప్రొఫెషనల్’ అవార్డు వరించింది.

అమెరికాలోని వాషింగ్టన్ డీసీలో కన్స్ట్రక్షన్ మెనేజ్మెంట్ అసోసియేషన్ ఆఫ్ అమెరికా శరత్‌కు ప్రతిష్టాత్మక అవార్డును ప్రకటించింది. శరత్ చంద్రారెడ్డి తండ్రి ప్రతాప్ రెడ్డి మెదక్ బార్ అసోసియేషన్ మాజీ అధ్యక్షుడిగా పని చేశారు.

ప్రతాప్ రెడ్డి మెదక్ కోర్టులో సీనియర్ న్యాయవాది కాగా, తల్లి సబితా రెడ్డి గృహిణి. శరత్ తాతయ్య విఠల్ రెడ్డి గతంలో రామాయంపేట నియోజకవర్గ ఎమ్మెల్యేగా 2 సార్లు గెలు పొందారు. రాష్ట్ర కోళ్లు, మాంసం అభివృద్ధి సంస్థ చైర్మెన్‌గా పని చేశారు.

ఈ సందర్భంగా శరత్ మాట్లాడుతూ.. హూస్టన్తో పాటు అనేక నగరాల్లో అనేక ప్రతిష్ఠాత్మక ప్రాజెక్టుల నిర్మాణంలో కీలకంగా వ్యవహరించానని చెప్పారు. డ్రైనేజీలు, హైవేలు, పార్కులు, వాటర్, వేస్ట్ వాటర్ ప్రాజెక్టుల నిర్మాణానికి సారథ్యం వహించానని తెలిపారు.