ICAI CA Inter, Final 2024 Results | సిఎ ఫైనల్​, ఇంటర్​ 2024 ఫలితాలు వచ్చేసాయ్​.!

చార్టెడ్​ ఎకౌంటెన్సీ పరీక్షల ఫలితాలు నేడు విడుదలయ్యాయి. రెండు గ్రూప్​లు, ఫైనల్​, ఇంటర్మీడియట్​ ఫలితాలను ఐసిఏఐ(ICAI) ప్రకటించింది.

ఇన్సిట్యూట్​ ఆప్​ చార్టెడ్​ అకౌంటెంట్స్​ ఆఫ్​ ఇండియా(Institute of Charted Accountants of India – ICAI) నేడు చార్టెడ్​ అకౌంటెంట్​ ఫైనల్​(CA final), ఇంటర్​మీడియట్​(CA Intermediate) పరీక్షల ఫలితాలను వెల్లడించింది. విద్యార్థులు వారి ఫలితాలను చూసుకోవడానికి ఐసిఏఐ అధికారిక వెబ్​సైట్లు, …లను సందర్శించవచ్చు.

ఐసిఏఐ సిఎ ఇంటర్​ గ్రూప్​ 1 పరీక్షలను ఈ ఏడాది మే 3, 5, 9వ తేదీలలో నిర్వహించగా, గ్రూప్​ 2 పరీక్షలను మే 11, 15, 17 వ తేదీలలో నిర్వహించారు. ఇక ఫైనల్​ గ్రూప్​ 1 పరీక్షలను మే 2, 4, 8వ తేదీలలో, గ్రూప్​ 2 పరీక్షలను మే 10, 14, 16వ తేదీలలో పూర్తి చేసారు. ఫలితాలతో పాటు కీ వివరాలు, రిజిస్టర్​ చేసుకున్న, పరీక్షలకు హాజరైన, అర్హత సాధించిన అభ్యర్థుల సంఖ్య, ఉత్తీర్ణతాశాతం, తుది ఫలితాలు, టాపర్ల వివరాలను ఐసిఏఐ ప్రకటించింది.

ఐసిఏఐ గతంలో పరీక్షల్లో మోసానికి పాల్పడిన విద్యార్థులను గుర్తించి వారిపై అనర్హత వేటు వేసింది. ఈ మేరకు ఒక ప్రకటన విడుదల చేసిన సంస్థ, కొంతమంది పరీక్ష హాల్లోకి మొబైల్​ఫోన్లతో వచ్చారని, వారిని గుర్తించి ఇంకా 5 ఏళ్ల వరకు పరీక్ష రాయకుండా డిబార్​ చేసామని తెలిపింది. వారు ఐసిఏఐ ప్రతిష్టను దిగజార్చారని ఆవేదన వ్యక్తం చేసింది.

ఈ ఏడాది మే సెషన్​ పరీక్షల ఉత్తీర్ణతాశాతం ఈ విధంగా ఉంది. ఐసిఏఐ సిఎ ఇంటర్​ గ్రూప్​ 1(ICAI CA Inter Group 1) పరీక్ష ఉత్తీర్ణతాశాతం 27.15% కాగా, గ్రూప్​ 2 (Inter Group 2)ఉత్తీర్ణతాశాతం 18.28%గా ఉంది. అలాగే ఫైనల్​ గ్రూప్​ 1 (CA Final Group 1)పరీక్ష పాస్​ పర్సంటేజీ 27.35%గా ఉండగా, గ్రూప్​ 2(Final Group 2)లో 36.35%గా నమోదయింది.

టాపర్లు వీరే..!( Toppers List)

ఈసారి టాపర్లుగా నిలిచిన వారి లిస్ట్​ను కూడా ఐసిఏఐ విడుదల చేసింది. దాని ప్రకారం,
సిఏ ఫైనల్​ 2024 టాపర్లు(CA Final 2024 Toppers)గా,

1. న్యూఢిల్లీ నుండి శివమ్​ మిశ్రా 83.33%తో ఫస్ట్​ ర్యాంక్​ – AIR 1
2. న్యూఢిల్లీ నుండే వర్షా అరోరా 80% మార్కులతో 2వ ర్యాంక్​ – AIR 2
3. ముంబయి నుండి కిరణ్​ రాజేంద్రసింగ్​, నవీ ముంబయి నుండి ఘిల్మాన్​ సలీం 89.50% మార్కులతో సంయుక్తంగా 3వ ర్యాంక్​ సాధించారు – AIR 3

ఇక సిఎ ఇంటర్​ 2024 పరీక్షల టాపర్లు(CA Inter 2024 Toppers)గా,

1. భివాడీ, రాజస్థాన్​కు చెందిన కుశాగ్ర రాయ్​ 89.57% మార్కులతో ఫస్ట్​ ర్యాంకు– AIR 1
2. మహారాష్ట్రకు చెందిన యజ్​ సచిన్​ కరియా, యజ్ఞ లలిత్​ చందక్​ 87.67%తో సంయుక్తంగా రెండో ర్యాంకు– AIR 2
3. ఢిల్లీ నుండి మన్​జిత్​సింగ్​ భాటియా, ముంబయి నుండి హిరేశ్​ కాశీరాంకా 86.50%తో సంయుక్తంగా మూడో ర్యాంకు – AIR 3 సాధించారు.

సిఏ ఫైనల్​ ఉత్తీర్ణతాశాతాలు, గ్రూప్​ 1 – 27.35%, గ్రూప్​ 2 – 36.35 కాగా, మొత్తంగా రెండు గ్రూప్​లు కలిపి 19.88%గా నమోదయింది.

ఫలితాలు చూసుకునే విధానం(How to check the Result):

1. ముందుగా icai.nic.in పై క్లిక్​ చేయండి.
2. తరువాత మీరు రాసిన పరీక్షపై క్లిక్​ చేయండి.
3. మీ రోల్​ నెంబర్​ను, రిజిస్ట్రేషన్​ నెంబర్​ను, క్యాప్చాకోడ్​తో సహా సబ్​మిట్​​ చేయండి.
4. అంతే.. మీ ఫలితం మీ కళ్ల ముందే.