Women World Cup 2025 | దక్షిణాఫ్రికా చేతిలో భారత్ ఓటమి : రిచా ఘోష్‌ పోరాటం వృథా

విశాఖపట్నంలో జరిగిన మహిళల ప్రపంచకప్ మ్యాచ్‌లో భారత్‌ దక్షిణాఫ్రికా చేతిలో 3 వికెట్ల తేడాతో ఓడింది. రిచా ఘోష్ 94 పరుగుల అసమాన పోరాటాన్ని బౌలర్లు ఆఖర్లో తడబాటుకు గురై విజయంగా మలచలేకపోయారు.

India lose to South Africa by 3 wickets despite Richa Ghosh’s brilliant 94

విశాఖపట్నం:
మహిళల ప్రపంచకప్‌లో భారత జట్టుకు నేటి మ్యాచ్ చేదు అనుభవం మిగిలింది. దక్షిణాఫ్రికా చేతిలో 3 వికెట్ల తేడాతో భారత్ పరాజయం పాలైంది. టాస్ ఓడి తొలుత బ్యాటింగ్ చేసిన భారత జట్టు 50 ఓవర్లలో ఒక బంతి మిగిలుండగా 251 పరుగులు చేసి ఆలౌట్​ అయింది.

251 పరుగుల విజయలక్ష్యంతో బరిలో దిగిన సౌతాఫ్రికా అమ్మాయిలు భారత బౌలింగ్​ ధాటికి త్వరత్వరగా పెవిలియన్​ బాట పట్టడంతో ఒక దశలో 81 పరుగులకే 5 కీలక వికెట్లు కోల్పోయి కష్టాల్లో పడింది. కానీ, కెప్టెన్​ వోల్వార్డ్​, ట్రయాన్​(49) పట్టుదలతో ఆడి జట్టును మళ్లీ రేసులో నిలబెట్టారు. కానీ, అప్పటికీ గెలుపు స్పష్టంగా కానరాకపోగా, వోల్వార్డ్(70)​ ఔట్​ కావడంతో టీమ్​ ఉలిక్కిపడింది. అప్పుడొచ్చిన ఆల్​రౌండర్​ నాడిన్​ డిక్లెర్క్​ (84* పరుగులు,54 బంతులు, 5 సిక్స్​లు, 8 ఫోర్లు) అసమాన పోరాటపటిమతో దక్షిణాఫ్రికాను విజయతీరాలకు చేర్చింది.

అంతకుముందు టాస్​ ఓడి, బ్యాటింగ్​కు దిగిన భారత్​ మంచి ఆరంభాన్నే ఇచ్చింది. ఓపెనర్లు స్మృతిమంధనా, ప్రతీకా రావల్​లు మొదటి వికెట్​కు 55 పరుగులు జోడించగా, 83 పరుగుల వద్ద రెండో వికెట్​ కోల్పోయింది. ఇక అక్కన్నుంచి వికెట్లు టపటపా రాలిపోవడంతో 102 పరుగులకే ఆరుగురు పెవిలియన్​ చేరుకున్నారు. క్రీజ్​లోకి వచ్చిన కీపర్​ రిచా ఘోష్​ దద్దరిల్లేపోయే ఆట ఆడడంతో భారత్​ 251 పరుగులకు చేరుకుంది. 150 పరుగులే కష్టంగా మారిన పరిస్థితుల్లో రిచా అద్భుతమైన ఆటతీరు ప్రదర్శించి 77 బంతుల్లో 94 (9 ఫోర్లు, 2 సిక్సర్లు ) పరుగులు చేసి, జట్టుకు బలమైన స్కోరునందించింది. షఫాలీ వర్మలు త్వరగా అవుట్ కావడంతో జట్టు కష్టాల్లో పడింది. స్కోరు 102/6 వద్ద నిలిచినప్పుడు, రిచా ఘోష్ అద్భుతమైన ప్రతిఘటన కనబరిచింది. ఆమె 94 పరుగులు (107 బంతుల్లో, 11 ఫోర్లు, 4 సిక్సర్లు) చేసి జట్టును నిలబెట్టింది. ఆమెతో కలిసి స్నేహ్ రాణా (33) విలువైన భాగస్వామ్యం అందించింది. ఈ జంట సహకారంతో భారత్ గౌరవప్రదమైన స్కోరు సాధించింది. దక్షిణాఫ్రికా బౌలర్లలో ట్రయాన్​ (3/32) మంచి ప్రదర్శన కనబరిచింది.

చివరి 10 ఓవర్లలో భారత్‌కు అవకాశాలు ఉన్నా, కీలక క్యాచ్‌ మిస్‌లు, బౌలింగ్​లో తడబాటు వల్ల ఆట చేతుల్లోనుండి జారిపోయింది. భారత బౌలర్లలో క్రాంతి గౌడ్​, స్నేహ్​ రాణా చెరో రెండు వికెట్లు తీశారు.

ముఖ్యాంశాలు:

• రిచా ఘోష్ 94 పరుగులతో తన కెరీర్‌లో అత్యుత్తమ ఇన్నింగ్స్ ఆడింది.
• స్మృతిమంధనాకు ఇది వరుసగా ఐదో సారి డబుల్ డిజిట్‌ దాటినా పెద్ద స్కోరు చేయలేకపోయింది.
• వర్షం కారణంగా వాతావరణం తడి ఉండటం, పిచ్‌ నెమ్మదిగా మారడం రన్‌ చేజ్‌కు అనుకూలమైంది.
• దక్షిణాఫ్రికా గెలుపుతో పాయింట్ల పట్టికలో నాలుగో స్థానానికి చేరగా, భారత్ మూడో స్థానానికి దిగజారింది