వ్యభిచారం చేయమంటూ ఒత్తిడి చేస్తున్న తల్లి – పోలీసులను ఆశ్రయించిన కూతురు

డబ్బు వ్యామోహం ఎంతకైనా తెగింపచేస్తుందనడానికి ఉదాహరణ ఈ ఘటన. కన్నతల్లై ఉండి, కూతురిని వ్యభిచార రొంపిలోకి లాగాలని ప్రయత్నించింది. ఇష్టం లేని కూతురు ఇంట్లోంచి పారిపోయింది.

హైదరాబాద్​ అల్వాల్(Alwal)​లో జరిగిందీ ఘటన. ఓ తల్లి(Mother) తన కూతురి(Daughter)ని వ్యభిచారం(Flesh Trade) చేయమని రోజూ ఒత్తిడి చేయడంతో పాటు, వేధింపులకు గురి (Harrassment)చేస్తుండటంతో, విసిగిపోయిన కూతురు ఇంట్లో నుండి పారిపోయి స్థానిక పోలీసులను ఆశ్రయించింది. తన తల్లి ఆగడాలపై ఆ అమ్మాయి పోలీసు(Police)లకు ఫిర్యాదు చేయడంతో ఈ దారుణం వెలుగులోకి వచ్చింది.

అమ్మాయి బాధలపై వెంటనే స్పందించిన పోలీసులు, తనను సఖి కేంద్రాని(Sakhi Centre)కి తరలించారు. కాగా, గురువారం ఈ విషయం తెలుసుకున్న ఆ మహాతల్లి, ఇంకో మహిళను తీసుకుని పోలీస్​స్టేషన్​కు వచ్చి నానా హంగామా(nuisance) సృష్టించింది.

పోలీసులను ఇష్టం వచ్చినట్లు దుర్భాషలాడుతూ, తన కూతురును తనకు వెంటనే అప్పగించాల్సిందిగా స్టేషన్​లో నానా రభస చేసింది. పోలీసులు నిరాకరించి, వెళ్లిపోమ్మని హెచ్చరించడంతో బూతులు తిడుతూ(Abused Police) హంగామా చేయగా, పోలీసులు వారిద్దరిపై కేసు బుక్​ చేసి, దర్యాప్తు ప్రారంభించారు.