ఆదికావ్యం శ్రీమద్రామాయణం మరోసారి సినిమాగా రూపుదిద్దుకుంటున్న సంగతి తెలిసిందే. ఈమధ్యే చడీచప్పుడూ లేకుండా షూటింగ్ ప్రారంభించుకున్న ఈ సినిమాలో నుండి సీతారాముల అవతారాలు సోషల్మీడియాలో లీకయ్యాయి.
ఇంతకుముందు నుంచీ నడుస్తున్న ఊహాగానాలకనుగుణంగా రాముడిగా (Lord Ram)రణబీర్ కపూర్, సీతగా(Maa Seetha) సాయిపల్లవి లుక్స్ ఇవాళ సోషల్ మీడియాను, ఇంటర్నెట్ను షేక్ చేసాయి. ట్విటర్(ఎక్స్), ఫేస్బుక్, ఇన్స్టాలల్లో అభిమానులు కామెంట్లతో కేరింతలు కొట్టారు. కొన్ని రోజుల క్రితం అరుణ్గోవిల్ దశరథుడిగా, లారాదత్తా కైకేయిగా ఉన్న స్టిల్స్ కూడా లీకయ్యాయి. ఇవ్వాళ్టి సీతారాముల చిత్రాలతో, ఓం రౌత్ ఆదిపురుష్ను పోల్చిచూసి, మరోసారి ఆదిపురుష్ను ట్రోల్ చేసారు. సీతారాములంటే ఇలా ఉండాలి. భారతీయుల హృదయాలలో ముద్రించుకుపోయిన సీతారాముల అవతారాలను ఎవరు డిస్టర్బ్ చేసినా ఫలితం అలాగే ఉంటుంది అని ఒక నెటిజన్ వ్యాఖ్యానించాడు.
మరో ఎక్స్ యూజర్, సీతారాములుగా సాయిపల్లవి(Sai Pallavi), రణబీర్కపూర్(Rambir Kapoor) అదిరిపోయారు. జంట అంటే ఇలా ఉండాలి అనగా, అద్భుతమైన దైవత్వంతో మెరిసిపోతున్నారు. చాలా అందంగా ఉంది సీతారాముల జంట అని మరొకరు కామెంట్ చేసారు. ఒకరు మాత్రం సీతగా సాయిపల్లవి బాగాలేదని కామెంట్ చేయగా, తన మీద ట్రోల్స్తో ఓ రేంజ్లో దాడిచేసారు. మరొకతను రాముడిగా రామ్చరణ్ను పెడితే బాగుండేది. ఇంతకుముందే ఆర్ఆర్ఆర్లో రాముడిగా చూసాం కదా. ఎంత బాగున్నాడు? అని కామెంట్ పెట్టాడు. ఏదేమైనా సీతారాముల జంటకు మాత్రం పెద్ద ఎత్తున ప్రశంసలు దక్కుతున్నాయి. ప్రేక్షకులు కూడా ఈ సినిమా అద్భుతంగా ఉంటుందని అప్పుడే ఓ నిర్ణయానికి వచ్చేసారు. ( Nitesh Tiwari’s Ramayan)
నితీశ్ తివారి తెరకెక్కిస్తున్న ఈ ప్రతిష్టాత్మక చిత్రాన్ని కన్నడ స్టార్ హీరో యశ్, నమిత్ మల్హోత్రా సంయుక్తంగా నిర్మిస్తున్నారు. గత రెండు నెలలుగా లుక్ టెస్ట్లు, వర్కషాప్లు, టెక్నాలజీ చర్చలు, విఎఫ్ఎక్స్ వర్కషాపులతో చిత్రబృందమంతా బిజీగా ఉన్నట్లు తెలిసింది. గెటప్ టెస్ట్లే చాలా చేసారని తెలిసింది. ఆదిపురుష్ దారుణం తర్వాత నితీశ్ తివారీ అన్ని పాత్రల లుక్స్ విషయంలో చాలా జాగ్రత్తగా ఉన్నట్లు, ఒకటికి పదిసార్లు వాల్మీకి రామాయణాన్ని రిఫర్ చేస్తున్నట్లు తెలుస్తోంది. రామాయణాన్ని ఔపోసన పట్టిన కొందరు పండితులను కూడా ఎప్పటికప్పుడు సంప్రదిస్తున్నట్లు విశ్వసనీయ సమాచారం.
ఏ మాటకామాటే చెప్పుకోవాలి.. సీతగా సాయిపల్లవి మాత్రం చాలా బాగుందనేదని సర్వత్రా వెలువడుతున్న ప్రశంస.