బుధవారం నాడు గణపతి పూజ చేయడం వల్ల మంచి ఫలితాలు వస్తాయని, అన్ని పనుల్లో తప్పకుండా విజయం చేకూరుతుందని భక్తుల విశ్వాసం. దాంతో పాటు దానధర్మాలు కూడా చేయడం మంచిదని పండితులు సూచిస్తున్నారు.
హిందూ మత విశ్వాసాల ప్రకారం బుధవారం గణనాథుడికి ఎంతో ప్రీతికరమైన దినం. కాబట్టి వారంలో నాలుగో రోజైన బుధవారం రోజున గణపతి దేవుడిని భక్తిశ్రద్ధలతో పూజిస్తారు. ఏ పని మొదలుపెట్టడానికి కైనా లేదా శుభకార్యాలు ప్రారంభించే ముందు లంబోదరుడిని పూజిస్తారు. బుధవారం నాడు గణపతి పూజ చేయడం వల్ల మంచి ఫలితాలు వస్తాయని, అన్ని పనుల్లో తప్పకుండా విజయం చేకూరుతుందని భక్తుల విశ్వాసం. దాంతో పాటు దానధర్మాలు కూడా చేయడం మంచిదని పండితులు సూచిస్తున్నారు. మరి ముఖ్యంగా మహిళలు వివాహిత స్త్రీలకు పచ్చని గాజులు దానం చేయడం వల్ల జీవితంలో ఆటంకాలు తొలగిపోయి.. సక్సెస్పుల్ జీవితాన్ని గడిపే అవకాశం ఉందని పండితులు చెబుతున్నారు.
మీరు జీవితంలో విజయం సాధించాలనుకుంటే బుధవారం కొన్ని వస్తువులను దానం చేయడం మంచిది. శాస్త్రం ప్రకారం, బుధవారం నాడు అవసరమైన వారికి పచ్చి వస్తువులను దానం చేయండి. అంతేకాకుండా పచ్చని వస్త్రాలను దానం చేయవచ్చు. ఈ రోజు వివాహిత స్త్రీకి పచ్చని గాజులు దానం చేయడం శుభప్రదంగా భావిస్తారు. వీటిని దానం చేయడం వల్ల కెరీర్లో ఉన్న ఆటంకాలు తొలగిపోయి విజయానికి బాటలు పడతాయి.
బుధవారం నాడు భక్తి శ్రద్ధలతో గణపతిని పూజించే వారు.. పూజ సమయంలో ‘ఓం గ్లౌం గణపత్యే నమః’ అనే మంత్రాన్ని జపించాలి. మీ వృత్తి జీవితంలో అన్ని అడ్డంకులు తొలగిపోతాయని, గణేశుడి అనుగ్రహం మీపై శాశ్వతంగా ఉంటుందని నమ్మకంతో ఉండాలి.
కొన్నిసార్లు బుధ దోషం కారణంగా ఒక వ్యక్తి తన కెరీర్లో అనేక రకాల సమస్యలను ఎదుర్కొంటాడు. మీకు కూడా బుధ దోషం ఉందని ఖచ్చితంగా తెలిస్తే వెంటనే బుధవారం బంగారు ఆభరణాలు ధరించడం మంచిది. బుధవారం బంగారు ఆభరణాలు ధరించడం చాలా శుభప్రదంగా భావిస్తారు. ఇది కాకుండా, బుధగ్రహం దుష్ప్రభావాలను తగ్గించడానికి ఇంటికి తూర్పు దిశలో ఎరుపు రంగు జెండాను ఉంచాలి.