Bunny on MSVPG | ‘మన శంకరవరప్రసాద్ గారు‌’పై బన్నీ ప్రశంసలు: ఇది బ్లాక్‌బస్టర్ కాదు.. ‘బాస్‌బస్టర్’!

మెగాస్టార్ చిరంజీవి నటించిన ‘మన శంకరవరప్రసాద్ గారు’పై అల్లు అర్జున్​ ప్రశంసల జల్లు కురిపించాడు. ఈ చిత్రం కేవలం సంక్రాంతి బ్లాక్‌బస్టర్ కాదు… ‘బాస్‌బస్టర్’ అంటూ బన్నీ చేసిన వ్యాఖ్యలు సోషల్​మీడియాలో వైరల్ అయ్యాయి. వింటేజ్ చిరంజీవి వెలిగిపోయారని, వెంకటేష్ కామియో అదిరిపోయిందని, భీమ్స్ సంగీతం థియేటర్లలో విజిల్స్ వేయించిందని కొనియాడాడు.

Bunny on MSVPG | ‘మన శంకరవరప్రసాద్ గారు‌’పై బన్నీ ప్రశంసలు: ఇది బ్లాక్‌బస్టర్ కాదు.. ‘బాస్‌బస్టర్’!

Allu Arjun Calls ‘Mana Shankara Varaprasad Garu’ a “Boss Buster”; Vintage Chiranjeevi Roars at Sankranthi Box Office

 

సంక్రాంతి విజేత ‘మన శంకరవరప్రసాద్ గారు’పై బన్నీ ఇచ్చిన రివ్యూ వైరల్ అవుతోంది.
వింటేజ్ చిరంజీవి స్క్రీన్‌పై దద్దరిల్లించారని, వెంకటేష్ స్పెషల్ రోల్ సినిమాకు మెయిన్ హైలైట్ అని బన్నీ ప్రశంసించాడు. భీమ్స్ సంగీతం, హిట్ సాంగ్స్, హుక్ స్టెప్—థియేటర్లలో విజిల్స్ పండించాయి. “ఇది బ్లాక్‌బస్టర్ కాదు… బాస్‌బస్టర్!” — బన్నీ ఇచ్చిన ఈ పంచ్ సోషల్ మీడియాలో దుమ్మురేపుతోంది.

 

విధాత వినోదం డెస్క్​ | హైదరాబాద్​:

సంక్రాంతి పండగ నేపథ్యంలో విడుదలైన మెగాస్టార్ చిరంజీవి ‘మన శంకరవరప్రసాద్ గారు’ విడుదలైన మొదటి రోజే భారీ సంచలనం సృష్టించిన విషయం తెలిసిందే. వింటేజ్ మెరుపులతో చిరంజీవి తెరపై ప్రత్యక్షమైన తీరుకు అభిమానులు, ప్రేక్షకులు ఊపిరి బిగపట్టి ఈలలు వేస్తున్నారు. ఇప్పటికే రూ.300 కోట్లకు పైగా గ్రాస్ వసూళ్లతో దూసుకుపోతున్న ఈ చిత్రానికి తాజాగా ఐకాన్ స్టార్ అల్లు అర్జున్ ఇచ్చిన ప్రశంసలు అంతటా చర్చనీయాంశంగా మారాయి.

వింటేజ్ మెగాస్టార్… ‘బాస్ ఈజ్ బ్యాక్’

సినిమా చూసిన తరువాత అల్లు అర్జున్ సోషల్ మీడియా వేదికగా స్పందించాడు. “బాస్ ఈజ్ బ్యాక్. వింటేజ్ మెగాస్టార్ తెరలను వెలిగిపోయేలా చేయడం చూసి చాలా హ్యాపీగా ఉంది. చిరంజీవి గారి ఎనర్జీ, స్క్రీన్ ప్రెజెన్స్ థియేటర్లంతా దద్దరిల్లేలా చేశాయి” అని బన్నీ పోస్ట్ చేశాడు.
అతని ఈ వ్యాఖ్యలు కేవలం అభిమానుల్లోనే కాదు, మొత్తం సినిమా ఇండస్ట్రీ దృష్టిని ఆకర్షిస్తున్నాయి.

వెంకీ మామ థండర్ పర్ఫార్మెన్స్

మెగాస్టార్‌తో పాటు ప్రత్యేక పాత్రలో నటించిన విక్టరీ వెంకటేష్ గురించి బన్నీ ప్రత్యేకంగా ప్రస్తావించాడు.
“వెంకీ మామ రాక్డ్ ది షో. వెంకీ గౌడ తుంబా చెన్నగి మాడిదిరా(వెంకీ గౌడ చాలా బాగా చేసారు)” అంటూ కన్నడలో ఇచ్చిన ప్రశంస ఇప్పుడు వైరల్​గా మారింది. వెంకటేష్ ఎంట్రీ, కామెడీ, ఎమోషన్ సన్నివేశాలు హాళ్లంతా కేరింతలతో మార్మోగించేలా చేశాయని రిపోర్టులు చెబుతున్నాయి.

హీరోయిన్స్ గ్రేస్… బుల్లిరాజు ఎనర్జీ

నయనతార స్క్రీన్ ప్రెజెన్స్, క్యాథరిన్ కామెడీ టైమింగ్, ముఖ్యంగా ‘సంక్రాంతి స్టార్’ బుల్లిరాజుగా రేవంత్ నటన అల్లు అర్జున్‌ను మెప్పించాయి. “ఎనర్జిటిక్ పర్ఫార్మెన్స్… అదిరిపోయింది” అని ఆయన రాశాడు.

సంక్రాంతి హిట్ల మిషన్ – అనిల్ రావిపూడి

దర్శకుడు అనిల్ రావిపూడిని బన్నీ మరోసారి ‘సంక్రాంతి బ్లాక్‌బస్టర్ మెషీన్’గా అభివర్ణించాడు.
“సంక్రాంతికి వస్తారు… హిట్ కొడతారు… రిపీటు” అంటూ ఆయన ట్రాక్ రికార్డుకు గుర్తింపునిచ్చాడు.

హుక్ స్టెప్, పాటలు, మెగాస్టార్–వెంకీ కాంబినేషన్ స్క్రీన్ మోమెంట్స్—all contributed to the festive frenzy. భీమ్స్ సిసిరోలియో అందించిన సంగీతం హాళ్లలో విజిల్స్ పండించిందనే విషయం ప్రత్యేకంగా ప్రస్తావించాడు.

అది కేవలం బ్లాక్‌బస్టర్ కాదు… ‘బాస్‌బస్టర్’

చివరిగా బన్నీ ఇచ్చిన పంచ్— “ఇది సంక్రాంతి బ్లాక్‌బస్టర్ మాత్రమే కాదు… ఇది సంక్రాంతి బాస్‌బస్టర్!” ఈ ఒక్క లైన్ ఇప్పుడు సోషల్ మీడియాలో మీమ్‌లు, పోస్టుల రూపంలో విపరీతంగా ట్రెండ్ అవుతోంది.

300 కోట్ల క్లబ్‌లో దూసుకెళ్తున్న ‘మన శంకరవరప్రసాద్ గారు’

మూవీ టీం ప్రకటించిన వివరాల ప్రకారం, సినిమా ఇప్పటివరకు వరల్డ్‌వైడ్‌గా రూ.300 కోట్లకు పైగా గ్రాస్ వసూలు చేసినట్లు తెలియజేశారు. ఈ సందర్భంగా విడుదల చేసిన స్పెషల్ వీడియోలో చిరంజీవి చెప్పిన “ఎంత పెద్ద గోడైనా ఒక్క గుద్దు గుద్దితే…” కామెంట్లు మరోసారి వైరల్ అయ్యాయి.

నయనతార, కేథరిన్, రేవంత్, హర్షవర్ధన్, జరీనా వహాబ్ తదితరులు నటించిన ఈ చిత్రాన్ని సాహు గారపాటి, సుష్మిత కొణిదెల నిర్మించారు. సంగీతం భీమ్స్ సిసిరోలియో అందించారు.