Raaka | ‘రాకా’ ఫస్ట్ లుక్‌తో సంచలనం.. ఆ సినిమాల‌న్నింటిని కాపీ చేశారంటూ ట్రోల్స్

Raaka |  టాలీవుడ్ ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్‌లో తెరకెక్కుతున్న భారీ పాన్ ఇండియా ప్రాజెక్ట్ ‘రాకా’ తాజాగా ఫస్ట్ లుక్‌తో దేశవ్యాప్తంగా చర్చనీయాంశమైంది. ఏప్రిల్ 8న బన్నీ పుట్టినరోజు సందర్భంగా ఈ సినిమా టైటిల్‌ను అధికారికంగా ప్రకటిస్తూ విడుదల చేసిన పోస్టర్ సోషల్ మీడియాలో వైరల్ అవుతోంది.

Raaka |  టాలీవుడ్ ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్‌లో తెరకెక్కుతున్న భారీ పాన్ ఇండియా ప్రాజెక్ట్ ‘రాకా’ తాజాగా ఫస్ట్ లుక్‌తో దేశవ్యాప్తంగా చర్చనీయాంశమైంది. ఏప్రిల్ 8న బన్నీ పుట్టినరోజు సందర్భంగా ఈ సినిమా టైటిల్‌ను అధికారికంగా ప్రకటిస్తూ విడుదల చేసిన పోస్టర్ సోషల్ మీడియాలో వైరల్ అవుతోంది.

ఈ సందర్భంగా అట్లీ షేర్ చేసిన ఎమోషనల్ పోస్ట్ అభిమానులను ఆకట్టుకుంది. “ఇది కేవలం సినిమా కాదు, నాలో ఒక భాగం. దాదాపు 18 ఏళ్లుగా ఈ ఐడియాను నా మనసులో దాచుకున్నాను” అంటూ ఆయన వెల్లడించడం ఈ ప్రాజెక్ట్‌పై మరింత ఆసక్తిని పెంచింది.

లుక్ భిన్నంగా..

ఇక పోస్టర్‌లో అల్లు అర్జున్ లుక్ పూర్తిగా భిన్నంగా ఉండటం విశేషం. గుండు, నెరిసిన గడ్డం, కళ్లకు గట్టిగా కాటుకతో బన్నీ గుర్తుపట్టలేనంతగా మారిపోయారు. ముఖ్యంగా తోడేలు గోర్లలా కనిపించే చేతితో ముఖాన్ని కవర్ చేసుకోవడం సినిమా సైన్స్ ఫిక్షన్ లేదా ఫాంటసీ నేపథ్యంలో ఉండొచ్చని సూచిస్తోంది.

కెరీర్ పీక్ స్టేజ్‌లో ఉండి వరుసగా కమర్షియల్ హిట్లు అందుకుంటున్న సమయంలో ఇలాంటి డీ-గ్లామర్ పాత్రను ఎంచుకోవడం అల్లు అర్జున్ ధైర్యానికి నిదర్శనమని ట్రేడ్ వర్గాలు అభిప్రాయపడుతున్నాయి. ఇది ఒక రిస్క్ అయినప్పటికీ, సక్సెస్ అయితే కొత్త ట్రెండ్ సెట్ చేసే అవకాశం ఉందని విశ్లేషిస్తున్నారు.

విప‌రీత‌మైన ట్రోలింగ్…

అయితే, పోస్టర్ విడుదలైన కొద్దిసేపటికే సోషల్ మీడియాలో ట్రోలింగ్ మొదలైంది. ఈ లుక్ గతంలో వచ్చిన కొన్ని సినిమాలను తలపిస్తోందని నెటిజన్లు కామెంట్స్ చేస్తున్నారు. ముఖ్యంగా విక్రమ్ నటించిన ఐ సినిమాలోని లుక్‌తో పోలుస్తున్నారు. అలాగే కార్తీ నటించిన కాష్మోరా చిత్రంలోని విలన్ గెటప్‌ను కూడా గుర్తు చేస్తోందని విమర్శిస్తున్నారు.

ఇక జూనియర్ ఎన్టీఆర్ నటించిన శక్తి సినిమాలోని విలన్ ‘రాకా’ పేరుతో పోల్చుతూ టైటిల్‌పైనా సెటైర్లు వేస్తున్నారు. “మెర్సల్, కాష్మోరా మిక్స్‌లా ఉంది” అంటూ సోషల్ మీడియా ప్లాట్‌ఫామ్‌లలో చర్చ నడుస్తోంది.

ఫ్యాన్స్ ఎదురు చూపులు..

ఇదిలా ఉంటే, ఈ చిత్రాన్ని ప్రముఖ నిర్మాణ సంస్థ స‌న్ పిక్చ‌ర్స్ భారీ బడ్జెట్‌తో నిర్మిస్తోంది. హీరోయిన్‌గా బాలీవుడ్ స్టార్ దీపికా పదుకొణె నటిస్తున్న విషయం తెలిసిందే. ఈ జోడీ వెండితెరపై ఎలాంటి మ్యాజిక్ చేస్తుందో చూడాలని అభిమానులు ఆసక్తిగా ఎదురుచూస్తున్నారు.

మొత్తానికి, ‘రాకా’ ఫస్ట్ లుక్ ఒకవైపు భారీ అంచనాలు పెంచుతుండగా, మరోవైపు ట్రోల్స్‌కు కూడా కారణమైంది. అయితే అట్లీ-అల్లు అర్జున్ కాంబినేషన్ అంటే ఉండే క్రేజ్ దృష్ట్యా, ఈ సినిమా విడుదలయ్యే సమయానికి అన్ని విమర్శలకు సమాధానం దొరుకుతుందా అనేది చూడాలి. 2027లో ప్రపంచవ్యాప్తంగా విడుదల కానున్న ఈ ప్రాజెక్ట్ బాక్సాఫీస్ వద్ద ఎలాంటి సంచలనం సృష్టిస్తుందో వేచి చూడాలి.