Mutton Curry | ఈ సండే మ‌ట‌న్ ఇలా ట్రై చేయండి.. లొట్ట‌లేసుకుంటూ తింటారు..!

Mutton Curry | మటన్( Mutton )​ అంటే ఎవరికి ఇష్టం ఉండదు చెప్పండి. రేటు ఎక్కువైనా సరే వారానికి ఒకసారి అయినా తిని తీరాల్సిందే. మ‌రి రెగ్యుల‌ర్ స్టైల్లో కాకుండా గ్రేవి వ‌చ్చేలా ప‌ల్లెటూరి స్టైల్‌లో మ‌ట‌న్ క‌ర్రీ( Village style Mutton Curry ) ట్రై చేసి చూడండి.. లొట్టలేసుకుంటూ తింటారు.

Mutton Curry | ఆదివారం( Sunday ) వ‌చ్చిందంటే చాలు.. నాలుక నాన్ వెజ్( Non Veg ) వైపు గుంజుతుంది. మ‌ట‌నో( Mutton ), చికెనో( Chicken ), చేప‌లో( Fish ) లేదంటే కోడి గుడ్డు( Egg ) కూరైనా వండుకుంటారు. మొత్తానికి ఆదివారం నాడు ఏదో ఒక నాన్ వెజ్ వంట‌కం ఇంట్లో గుమ‌గుమ‌లాడాల్సిందే. క‌డుపు నిండా ఆరగించాల్సిందే. అయితే ఈ సండే మ‌ట‌న్ కూర( Mutton Curry ) వండుకునే వాళ్లు ఇలా ట్రై చేసి చూడండి.. లోట్ట‌లేసుకుంటూ తింటారు.

మ‌ట‌న్ ఫ్రై కంటే గ్రేవితోనే తిన‌డానికి చాలా మంది ఇష్ట‌ప‌డుతారు. గ్రేవితో మ‌ట‌న్ టేస్ట్ వేరే లెవ‌ల్‌లో ఉంటుంది. ఆహా ఏమి రుచి అనుకుంటూ ఆ రుచిని ఆస్వాదిస్తుంటారు. విలేజ్ స్టైల్‌లో మ‌ట‌న్ వండితేనే గ్రేవి వ‌స్తుంది. మ‌రి ప‌ల్లెటూరి స్టైల్లో మ‌ట‌న్ ఎలా వండాలో ఇవాళ తెలుసుకుందాం..

మ‌ట‌న్ క‌ర్రీ కోసం కావాల్సిన‌వి ఇవే..

మటన్​ – 1 కిలో
ఉల్లిపాయలు – 2
ఉప్పు – రుచికి సరిపడా
కారం – తగినంత
పసుపు – అర టీస్పూన్​
అల్లం వెల్లుల్లి పేస్ట్​ – 1 టేబుల్​స్పూన్​
పచ్చిమిర్చి పేస్ట్​ – 1 టేబుల్​స్పూన్​
నూనె – అర కప్పు
ధనియాలు – 3 టేబుల్​స్పూన్లు
సోంపు గింజలు – అర టీస్పూన్​
జీలకర్ర – పావు టీస్పూన్​
మిరియాలు – 1 టేబుల్​స్పూన్​
అనాస పువ్వు -1
దాల్చినచెక్క – కొద్దిగా
జాజికాయ ముక్క – చిటికెడు
యాలకులు – 8
నల్ల యాలకులు – 2
లవంగాలు – 5
తోక మిరియాలు – 5

మ‌ట‌న్ క‌ర్రీ త‌యారీ విధానం ఇలా..

మొద‌ట‌గా మ‌ట‌న్‌ను శుభ్ర‌మైన నీటితో క‌డ‌గాలి. ఆ త‌ర్వాత స్ట‌వ్ వెలిగించి.. ఒక పాత్ర‌లో ధ‌నియాలు, జీల‌క‌ర్ర‌, సోంపు, మిరియాలు, అనాస‌పువ్వు, దాల్చిన చెక్క‌, యాల‌కులు, జాజికాయ ముక్క‌, న‌ల్ల యాల‌కులు, ల‌వంగాలు, తోక మిరియాలు వేసి ఫ్లేమ్‌లో దోర‌గా వేయించాలి. ఆ త‌ర్వాత వీటిని పూర్తిగా చ‌ల్లార‌నివ్వాలి. ఈ ప‌దార్థాలు చ‌ల్ల‌బ‌డేలోపు ఒక ట‌మాటాను కాల్చి తొక్క తీసి ప‌క్క‌న ఉంచాలి. చ‌ల్లారిన మ‌సాలా దినుసుల‌ను మిక్సీ ప‌ట్టుకోవాలి. మెత్త‌గా పొడి అయిన త‌ర్వాత‌.. కాల్చిన ట‌మాటా వేసి మ‌ళ్లీ మిక్సీ ప‌ట్టాలి. ఈ మెత్త‌ని పేస్ట్​లా ఒక గిన్నెలో వేసి రెడీగా ఉంచుకోవాలి.

కుక్క‌ర‌ల్‌లోకి నీటితో శుభ్రం చేసిన మటన్​ ముక్కలు, సన్నగా తరిగిన ఉల్లిపాయ ముక్కలు, ఉప్పు, కారం, పసుపు, అల్లం వెల్లుల్లి పేస్ట్​, పచ్చిమిర్చి పేస్ట్​, నూనె వేసి బాగా కలపాలి. అనంత‌రం విజిల్ వ‌చ్చేలా స్ట‌వ్ మీద కుక్క‌ర్ పెట్టుకోవాలి. సిమ్‌లో మంట వెలిగించి సుమారు 3 విజిల్స్ వ‌చ్చే వ‌ర‌కు అంటే 30 నిమిషాల పాటు ఉడికించాలి. కుక్కర్​ మూత ఆవిరి పోయిన తర్వాత మూత తీసి మటన్​ను ఓసారి కలిపితే ముక్కల్లోకి నీరు ఊరి మెత్తగా ఉడుకుతుంది. ఇప్పుడు స్ట‌వ్ మీద ఉన్న మ‌ట‌న్ కూర‌లోకి గ్రైండ్​ చేసుకున్న మసాలా పేస్ట్​ వేసి బాగా కలపాలి. కాసేపు ఉడికించాలి.

ఇక మ‌ట‌న్ క‌ర్రీకి మంచి ఫ్లేవర్​ రావడం కోసం కలుపుకోవాల్సిన ముఖ్యమైన పదార్థాం నెయ్యి. ఒక టేబుల్​స్పూన్​ గేదె నెయ్యి వేసి కలిపి మూత పెట్టి 10 నుంచి 15 నిమిషాల పాటు లో ఫ్లేమ్​లో కుక్​ చేసుకోవాలి. అంతే ఎంతో టేస్టీగా ఉండే ప‌ల్లెటూరి​ స్టైల్​ మటన్​ కూర రెడీ. దీన్ని పులావ్​,రాగి ముద్ద, జొన్న రొట్టెలతో కలిపి తింటే సూపర్​గా ఉంటుంది. నచ్చితే మీరూ ఓసారి ట్రై చేయండి.