Jubilee Hills By-Election Notification 2025 | జూబ్లీహిల్స్ ఉప ఎన్నికకు నోటిఫికేషన్ విడుదల

జూబ్లీహిల్స్ అసెంబ్లీ ఉప ఎన్నికకు గెజిట్ నోటిఫికేషన్ విడుదలైంది. నామినేషన్ల స్వీకరణ నేటి నుంచి ప్రారంభం. నవంబర్ 11న పోలింగ్, 14న కౌంటింగ్.

హైదరాబాద్, అక్టోబర్ 13(విధాత): జూబ్లిహిల్స్ అసెంబ్లీ ఉప ఎన్నిక గెజిట్‌ నోటిఫికేషన్‌ విడుదలయింది. ఈమేరకు స్టేట్ ఎలక్షన్ కమిషన్ గెజిట్‌ జారీ చేసింది. షేక్‌పేట తహసీల్దార్ కార్యాలయంలోనీ రిటర్నింగ్ అధికారి కార్యాలయంలో నేటి నుంచి నామినేషన్ ల స్వీకరణ ప్రక్రియ ప్రారంభమయింది. ఈ నెల 21వరకు నామినేషన్లు స్వీకరించనున్నారు. 22న నామినేషన్ల పరిశీలన, 24 వ తేదీ ఉప సంహరణ చేసుకునేందుకు గడువు ఇచ్చారు. వచ్చే నెల 11న పోలింగ్‌ నిర్వహించి, 14న కౌంటింగ్ నిర్వహించనున్నారు‌. సెలవు రోజులు మినహా మిగిలిన పనిదినాల్లో నామినేషన్లు స్వీకరించనున్నారు. నామినేషన్లు డిజిటల్ విధానంలో కూడా దాఖలు చేసే అవకాశం కల్పించారు.